september 17, 2016
 |
 |
 |
| fan Wiligelmo* fan Michelangelo**  Droegen troch twa ingels yn syn eigen hege steat hie God it minskkonsept al klear en út it stof, as wie it neat, syn geast derby nei mear en mear kaam hy oerein, de minskeman. 
Slop noch fan syn skepping Mar wer lizze moast de
* Wiligelmo ** Michelangelo (1475-1565) |
september 15, 2016
Lit ús hjoed sjen nei Jonathan,
in seemiuw dy’t fluch fleane kin,
syn wjukslach hie him yn de ban,
hy socht syn libbenlang nei sin.
Hy fleach de tiid troch hegerop
en hie op ’t lêst fan alles leard,
ûntdekte mear as wjuk en kop,
hat him wer nei de ierde keard.
Lit ús nei Koos syn libben sjen:
in wjukslach fluch de hichte yn
oant hy berikte libbenssin,
doe dreau er wjukbreed op ‘e wyn.
Hy skôge út ‘e hichte wei
it minskdom dat him driuwen seach
en wist dat syn bestimming lei
by al syn neisten, each yn each.
Sa wjukke hy it libben troch
mei ’t each op wa’t him nedich hie,
syn wjukslach klinkt nei ’t ôfskie noch,
in wolk fertelt oer hoe’t er wie.
