Posted by admin

It wie de ingel Michael
dy’t him yn ’t lêstoan oppenearre,
earnstich spriek tsjin Daniël,
dy koe net oars as hearre:

‘No komt in tiid benearjend swier,
benammen foar dyn eigen folk,
mar foar syn takomst stean ik noed,
wa’t opskreaun stiet, sil grif ûntkomme;
de grûn giet iepen, stjerrend wier,
de wizen libje ivich goed,
har glâns is as in kleare wolk,
mar ivich is de dwaas ferdomme.’

Ít wie de ingel Michael
dy’t doe in boekrol advisearre,
skreaun troch Daniël,
dy hat it heimlik klearre.

* Ikoan ‘Aartsingel Michael’

Allinnich Daniël seach oan
hoe skinend oft de ingel wie
en hie neat mear om by te setten,
mei syn wurden wist er him gjin rie,
it klonk hiel oars as kenings wetten.

Syn wurden rekken him yn ’t hert:
‘Ha frede en krij nije moed!’
Doe hat er ek syn lippen rekke,
sa dat Daniël kaam út ‘e noed
en koe foar ’t earst wat wurden sprekke:

‘Sprek mar, myn hear, jo makken sterk
wa’t swak wie, is de wrâld yn tel?’
‘De grutte machten sille brekke
yn de striid mei ingel Michael,
wat letter komt, silst noch ûntdekke.’

* Hans Memling (sirka 1430/1440-1494)
Skilderij ‘Aartsingel Michael’