september 3, 2023
fan ûnbekend*
fan ûnbekend**
As wjerljochtflitsen ûnferwachts
in oanfal op ’e ierde dogge,
dûkt wa’t libbet yninoar,
sjocht de flammen fan de brân…
it is no ienkear de natoer
dy’t dêr gjin acht op slacht.
As bommewerpers mei har fracht
fan Dútslân oer de Noardsee stekke,
dûkt it stedsfolk yninoar;
grut gefaar komt it út ’e hân
fan ’t nazifolk dat jout gjin moer
om ’t libben yn de nacht.
Mar Londen lit syn fearkrêft sjen
oan wa’t net nei it libben sjogge
fan de minske dy’t stânhâldt,
him ûntfermet oer in oar…
it is no ienkear syn natoer
te helpen wêr’t er kin.
* Foto ‘Dútske bommewerper’
** Foto ‘Londen brânt’
september 1, 2023
fan ûnbekend*
Fier, fierder, fierst,
dat seit wat fan it kâlde Iislân,
fierder noch fan de Westfjorden,
fan dit skiereilân it fierste diel,
in paradys foar de toerist.
Leech, leger, leechst,
it leechste diel fan ’t fiere Iislân,
minsken ha dêr folop romte,
fiele har in diel fan it gehiel
en rikke allegear it heechst.
Heech, heger, heechst,
de fûgels klimme boppe kliffen
út, noch heger, fier de romte
yn, in ûnderdiel fan ’t paradys,
foar minsken is dy klim it dreechst.
* Foto ‘Strandir op Westfjorden, Iislân’