september 14, 2024
fan ûnbekend*
Daniël
Ik, Daniël, lies yn de Skriften
dat Jeruzalem yn pún
derhinne lizze soe,
in tiid fan santich jierren,
in stee fan foks en njirre.
Yn sek en jiske foar it finster
stean ik tusken eigen pún
en dat fan ’t ôfdwaald folk:
‘O God, sjoch my no hjirre,
ik bid, al is ’t fan fierren.
Wy bleauwen net by jo geboaden,
wiene dêr in ein fanôf
en harken net nei jo
profeten dy’t lûd sprutsen
hoe’t wy jo wetten brutsen.
Dus brochten Jo ús yn djip lijen
yn de stêd, dêr fier fanôf,
jo folk yn ballingskip;
wol harkje nei ús klachten,
wy ha al salang wachte.’
* Yllustraasje ‘Daniël bidt’
september 13, 2024
fan ûnbekend*
Kom massaal nei Arcachon,
de stêd deunby de oseaan,
syn waarme Golfstream
soarget foar in myld klimaat,
dus folgje dokter syn advys:
‘Wa’t in krupsje hat,
fynt oan de kust grif baat.’
Lit de baai fan Arcachon
mei rêst, deunby de oseaan
groeit gers op wiete
grûn en soarget it klimaat
foar libben mei diversiteit;
folgje dit advys…
wa hat dêrby gjin baat?
Arcachon biedt útsicht op
natoer en sûnens by in kust
mei waarme weagen…
bliuwt dy in stabile maat?
* Foto ‘Baai fan Arcachon’