Posted by admin

’t Is it warleas bern dat poerlik neaken
rint gefaar as immen him net tilt
oan ’t hert dat kloppet as fan Nightingale
har slach foar de soldaat as anty-held,
gjin loop mei jilde mear as beaken.

’t Is de ingel dy’t it berntsje hoedet,
mem of beppe dy’t de hertslach telt
as fingers oan de pols troch Nightingale,
de hân op ’t bleate fel tsjin fjoer of kjeld,
gjin oarloch dy’t noch langer woedet.

* Skilderij ‘Guardian angel’

Se tinke dat ‘k allinne bin,
soks past net by in warber man
dy’t noch fan alles kin,
wat sizze jim derfan?

Ik tink jim fine dat mar stom,
in bist sjocht fierder as de lju
dy’t eagje achterom
en reagearje sleau.

Wêr sjogge jim sa lang al nei?
Ik draai my ek mar efkes om;
jawis, dat wie wat ‘k sei:
allinne mei it skom.

* Giovanni Fattori (1825-1908)
Skilderij ‘De rêst’

** Théo van Rijsselberghe (1862-1908)
Skilderij ‘De man oan it roer’