oktober 6, 2024
fan ûnbekend*
fan ûnbekend**
De woestyn sil bloeie as in roas
wannear’t in wolk syn drippen falle lit,
want út it sied ûntstiet de plant
dy’t fiedt de minske en it dier…
somtiden lykwols bart wat oars.
Lit woestyn Alamagordo sjen
oan ’t minskdom hoe’t in hege wolk ferriist
dy’t liket op in poddestoel,
de drippen komme deadzjend del,
it libben giet foargoed ferlern.
Wittenskippers kamen ta de kearn
fan wat dit wapen wol betsjutte kin
as driging en yn werklikheid,
Alamagordo seach ’t begjin,
lit stean om nei de ein te gean.
De woestyn sil bloeie as in roas
as ’t minskdom syn beskaving reine lit
de grins oer foar de fredesplant.
* Foto ‘Poddestoelwolk’
** Foto ‘Wolk’
oktober 5, 2024
fan ûnbekend*
Daniël
Lit de skiednis fierder sprekke
oer geweld fan súd nei noard
en wer werom: fan noard nei súd,
sa’t keningen dat hawwe woene,
moarden wiene der by ’t soad.
God syn folk kaam yn de knipe
yn de midden tusken súd en noard,
dêr’t weagen botsten opinoar,
om’t keningen de macht ha woene,
moarden wiene der by ’t soad.
Michael sil einlings komme,
hy sil noed stean foar de bern fan ’t folk
dat tiden yn benearing wie,
sy sille oan de macht ûntkomme,
Daniël, do bist har tolk.
^ Yllustraasje ‘Aartsingel Michael’
Neiskrift
Dit gedicht is net fan tapssing op ‘e situaasje
fan hjoed de dei: de lieders fan it ‘folk fan God’
moardzje derop los.