mei 14, 2018
De klaai waard oanfierd oer it wetter,
mar dy tiid is hjoed net mear te keap…
wa soe dêr noch oer kleie?
De jierren fleane nei ien heap
om op produkten del te saaien.
Se kamen op it dak telâne:
pannen, mar ek dowen nei de flecht
rjochtút en dan wer bôgje…
wat is nep en wat is echt?
Se binne kommen om te skôgjen.
De steat fan ’t pannedak kin better.
Sjoch de skoarstien, justjes út it lead.
Dus as ’t begjint te waaien…
… nimmen dy’t de skoarstien keart.
Kontrôle is wat oars as kleie.
Wy sjogge út op ’e produksje.
Hjoed de dei is dy kompjûterstjoerd.
Gjin klaai om oan te tôgjen.
Gjin do dy’t no dêr noch nei koert.
Men kin op ’t digitale bôgje.
mei 13, 2018
fan ûnbekend*
fan ûnbekend**
Hoe lang kin men de kjeld wjerstean,
hoe hiel de trochfeart farre?
Inkeld yn de dikste klean,
him is de dea besparre.
Amundson, man fan aventoer
en ek noch fan prinsipe,
foer de oseanen oer,
hat dêrmei trochfeart stipe.
De Baffinbaai wie it begjin
en fierder troch ’t noardwesten
nei Alaska, nei ferrin
fan tiid koe hy him teste…
… mei hûneslide en op skys
om oan de wrâld te melden
dat er fêstsiet yn it iis…
se giene troch foar helden.
Nei trije jier wie ’t doel berikt:
’t bewiis om troch te farren,
de Noarpoal wie ek prikt,
dêr’t hy dy reis bedarre.
* Foto ‘Roald Amundson’
** Foto ‘De Gjoa, it skip fan Amundson’