oktober 15, 2018
Brede rêgen, hurde koppen,
ja, wy komme op foar ’t rjocht
om argewaasje op te roppen,
demonstrearje is ús nocht.
Swarte Piten, net te stopjen,
nee, sy ha de spanning brocht…
om argewaasje op te kropjen?
Demonstrearje is ús rjocht.
Grutte Pieren sûnder swurden,
raam dat stek der mar foar wei
en raas as wapen rûge wurden,
fier yn ’t foar de frijheidsdei.
Sinteklazen, jimme kinne
maklik kieze út swart-wyt,
mar swart sil ’t altyd fan wyt winne,
dus lang libje Swarte Pyt!
Rjochtspraak makket mienskip mooglik,
dus wy sprekke ús hjoed út:
lang meie demonstraasjes doge
mei de mienskip as beslút.
oktober 14, 2018
fan ûnbekend*
Der is altiten in begjin
wannear’t it giet om genoside:
ûnderdrukking fan dat oare folk,
foar hegerop perfoarst te min,
dus lit it kolkje troch de die…
it is fan alle tiden.
Armeniërs begûnen mei
har rjocht fan stim en demonstraasje
tsjin ûnderdrukking fan har folk;
minachtsjend seach de foarst dernei,
as sultan daliks út ’e rie:
der is en bliuwt ien naasje.
Slaan útinoar wie it befel,
en del wa’t dan noch demonstrearret,
minder- en moardweardich is dat folk,
bestimd foar earst de dea, de hel
ferbrânt de rest fan ’t minne sie,
sa’t Allah iepenbierret.
Wat sa begûn, rûn nei de ein
fan in folsleine genoside
op ’e rest fan it Armeenske folk,
dêr wie de ein noch net mei sein,
omdat de Turk der oars yn stiet:
it wiene oare tiden.
* Foto ‘Krusige Armeenske frouwen’