februari 29, 2024
fan Alexandre Isidore Leroy de Barde*
Se stoarje ús ferwitend oan:
wat ha jim nei de dea úthelle
mei ús mage, lever en ús fleis,
wy binne net deselden bleaun,
jim ha ús libben stellen.
By libben songen sy op toan
in fleurich liet om te fertellen
dat sy wiene ’t leafste ûnderweis;
de sinne wie har bêste freon…
ha wy dy har ûntstellen?
Sy binne dochs natuerlik stoarn
of hat it minskdom harren fongen?
Dêrmei kaam in ein oan harren reis,
doe binne se yn kastkes treaun…
ha wy in rouliet songen?
* Alexandre Isidore Leroy de Barde (1777-1828)
Skilderij ‘Opsette fûgels’
februari 28, 2024
fan ûnbekend*
Sjedêr de boer yn ús provinsje
en twa boerinnen yn ’t bestjoer
mei har ienkleurige belang
fan foarrang nimme op in oar,
hy is no ienkear boer.
Sân kleuren binne har tefolle,
dy iene kleur is raaigers-grien,
sy gean net foar diversiteit,
fan blommen is gjin spoar te sjen,
de boer hâldt it op ien.
Syn trekker is yn tank feroare,
sjit fjoer en stront út op ’e dyk,
diversiteit fan read en brún,
sân kleuren binne net te sjen,
ferhâldings reitsje bryk.
Sjedêr de homo en lesbienne
en oaren dy’t yn ’t neaken stean
fanwege provinsjaal belied,
boerinnen binne der net foar
om foar mear kleur te gean.
* Foto ‘Reinbôgeflagge’