{"id":9311,"date":"2017-02-05T16:36:28","date_gmt":"2017-02-05T16:36:28","guid":{"rendered":"http:\/\/www.tjerkstra.com\/wordpress\/?p=9311"},"modified":"2017-02-05T16:36:28","modified_gmt":"2017-02-05T16:36:28","slug":"tsjinst-fan-salt-en-ljocht","status":"publish","type":"post","link":"https:\/\/tjerkstra.com\/wordpress\/religy\/tsjinst-fan-salt-en-ljocht\/","title":{"rendered":"Tsjinst fan s\u00e2lt en ljocht"},"content":{"rendered":"

Op 5 febrewaris 2017 yn Goai\u00efngaryp
\n<\/strong>
\n\"\"<\/a><\/p>\n

1. Tarissing
\n<\/strong>
\nWy binne op dizze fiifde snein nei Epifany,
\nde ferskining fan Jezus as wr\u00e2ldwide Befrijer,
\nby elkoar kommen om de tsjinst
\nfan s\u00e2lt en ljocht te fieren,
\nwant ek dizze gemeente
\nis it s\u00e2lt en ljocht foar de wr\u00e2ld.<\/p>\n

Mar dat kin net s\u00fbnder help fan de Ivige,
\ndy\u2019t himel en ierde skepen hat
\nen trou bliuwt oan de wr\u00e2ld;
\nal is dy noch sa s\u00e2ltleas en tsjuster,
\nde Ivige h\u00e2ldt oan syn belofte f\u00east.
\nAmen<\/p>\n

2. Sjonge
\n<\/strong>Psalm 118: 1 en 2<\/p>\n

3. Bea<\/strong><\/p>\n

Hear, wy ha krekt it feestliet songen,
\nmar it feest fan Kryst leit al wer
\noardel moanne achter \u00fas
\nen it bern yn \u00fas inerlik
\nis op \u2019e wjukken fan ingels fuortflein.<\/p>\n

Wy binne as folwoeksenen al wer konfrontearre
\nmei \u00fas eigen noeden: krupsjes, iensumens, fertriet en neam mar op,
\nen mei de noeden fan de wr\u00e2ld: oarloch, \u00fbnrjocht en wat al net mear.<\/p>\n

Fjouwer kear ha wy yn it earste k\u00fbplet songen
\ndat jo goedens de ein fan wei is,
\nder komt gjin ein oan.<\/p>\n

Kinne wy wier leauwe dat fan de skepping fan himel en ierde \u00f4f,
\ntroch de skiednis fan Israel hinne
\nen troch \u00fas eigen ferline hinne
\njo goedens noch altyd st\u00e2nholden hat?<\/p>\n

Wy ha niis \u00fatsprutsen dat de Ivige f\u00easth\u00e2ldt oan syn belofte,
\nin Keninkryk s\u00fbnder oarloch en \u00fbnrjocht en wat al net mear.
\nWolno, Hear, lit dan jins Keninkryk komme
\nen as dat net op slach kin,
\nstjoer dan jo ingels om it minskdom \u00fat it swierste lijen wei op te tillen.<\/p>\n

Want soene wy inkeld op \u2019e grutten yn dizze wr\u00e2ld betrouwe,
\ndan kinne wy it wol skodzje om it mar plan\u00fat te sizzen.
\nAmen<\/p>\n

4. Sjonge
\n<\/strong>Psalm 118: 3<\/p>\n

5. Ynlieding
\n<\/strong>
\nKrekt as op 4 desimber 2016 yn dizze tsjerke wurdt jim in berneboek foarholden, al wer! Wat beweecht dy grize man op \u2019e preekstoel om foar de twadde kear in bern as foarbyld oan folwoeksenen foar te h\u00e2lden?
\nNet dat ik \u00fas tsjinst fan \u2019e moarn ferlykje wol mei de mannichte om Jezus hinne, doe\u2019t de dissipelen de bern op \u00f4fst\u00e2n holden: \u2018Fuort, de preek fan de Hear is net foar jim bedoeld!\u2019
\nR\u00f4p Jezus dy bern doe net by him: \u2018Lit de bern by My komme en kear se net, want foar sokken is it ryk fan God.\u2019<\/p>\n

\"\"<\/a><\/p>\n

Soe ik it dan oan it begjin fan dizze tsjinst net oandoare om it famke Momo troch de tsjerkedoar te roppen om har ferhaal te dwaan? Har namme hat op 28 febrewaris ferline jier ek yn Prelude op Omrop Frysl\u00e2n klonken, d\u00ear\u2019t Leendert Noordmans noch op reagearre hat.<\/p>\n

\u2018Hoechst net te klopjen Momo, kom der mar yn, fertel mar, wy harkje mei s\u00e2n pear earen nei dy.\u2019
\n\u2018Ja, ik bin Momo en wenje yn in st\u00ead d\u00ear\u2019t elk syn eigen gong gean koe… en de tiid gie ek syn gong.
\nMar op in kweade dei kamen der hearen yn grize pakken yn de st\u00ead, dy\u2019t grutte sigaren rookten. De reek wie like griis as de pakken. Se hiene ek wat te sizzen. Elkenien soe lokkich wurde as der tiid sparre waard, want dat soe winst opleverje. Se hiene al in plak \u00fatsocht d\u00ear\u2019t de sparre tiid bewarre wurde koe, in kl\u00fbs mei in slot derop.\u2019
\n\u2018Momo. efkes in fraach der tuskentroch, jim libben dochs al as tefreden boargers yn de st\u00ead?\u2019
\n\u2018Wat oars, mar de minsken harken mei s\u00e2n pear earen en woene wol tiid sparje.\u2019
\n\u2018En dosels?\u2019
\n\u2018Ik woe leaver mei de oare bern b\u00fbten boartsje… w\u00earom soe ik tiid sparje?\u2019
\n\u2018Om letter foar it boartsjen noch mear tiid te krijen… w\u00earom lakest, Momo?\u2019
\n\u2018Ik laitsje no wol, mar ik koe doe wol g\u00fble, want it feroare hielendal yn de st\u00ead. Doe\u2019t elkenien de sparre tiid nei de tiidkl\u00fbs brocht, waarden de minsken hastich en beg\u00fbnen se op elkoar te lykjen.\u2019
\n\u2018En dosels?\u2019
\n\u2018Ik woe net op elkenien lykje. Op \u2019t l\u00east boarte ik allinnich noch mar op strjitte, want myn freondintsjes sparren ek tiid. En witst wat dy grize heren diene… nee? Dy rotsakken joegen de tiid net werom. En witst hoe\u2019t se sigaren makken… nee? Se skuorden de bledsjes fan de blommen, droegen dy om sigaren fan te r\u00f4ljen. Alle blommen giene doe yn reek op.\u2019
\n\u2018Hoe is it \u00f4fr\u00fbn?\u2019
\n\u2018Gelokkich kaam master Hora, dy\u2019t de tiid stilsette en doe koe der gjin tiid mear sparre wurde… en witst wat d\u00ear sa goed oan wie… nee? De grize hearen stiene ek stil, deastil.\u2019
\n\u2018En de sparre tiid dan, Momo?\u2019
\n\u2018Ik wist w\u00ear\u2019t de kl\u00fbs wie en doe\u2019t ik dy iepen kriich, koe elkenien syn eigen tiid weromkrije.\u2019
\n\u2018Tankewol foar dyn ferhaal.\u2019<\/p>\n

\"\"<\/a><\/p>\n

Momo, it famke dat har eigen tiid f\u00easthold en d\u00earmei har eigenheid, har identiteit. Sa liet se har ljocht skine.<\/p>\n

6. Sjonge
\n<\/strong>Liet fan de wr\u00e2ld: 1 en 2
\nWize: Liet 416 (\u00e2ld lieteboek)
\n<\/em>
\nWansillich is de wr\u00e2ld
\nas jild de oerh\u00e2n hat,
\nwant Mammon makket k\u00e2ld,
\nde kimen wurde swart;
\nde nacht falt oer it l\u00e2n
\nen tsjuster wurdt de wei,
\nde macht balt moard en br\u00e2n
\nen bringt de krisis mei.<\/p>\n

Gelokkich is men net
\nas tiid de oerh\u00e2n krijt,
\nmen komt altyd te let,
\ngjin stilte dy\u2019t befrijt,
\nde minske is net wis
\nfan hoe’t it fierder giet,
\n’t gefoel fan grut gemis
\nkomt troch de rappe tiid.<\/p>\n

7. L\u00eaze
\n<\/strong>Jesaja 43, 9-12<\/p>\n

\"\"<\/a><\/p>\n

8. Sjonge
\n<\/strong>Liet fan th\u00faskomst:\u00a0 1
\nWize: Liet 315
\n<\/em>
\nDe Hear r\u00f4p op syn feint Jesaja:
\n\u2018Rop op nei h\u00fbs wa\u2019t balling is,
\nlit klinke oan de ierde-ein ta
\ndat ivich bliuwt myn leafde wis.\u2019
\nLit \u00fas dan brekke \u00fat \u2019e bannen
\nfan soarch om lijen en gemis,
\nde oerstek dwaan troch toarre lannen
\nnei h\u00fbs d\u00ear\u2019t libben wetter is.<\/p>\n

9. Ferkundiging 1<\/strong><\/p>\n

It boek fan Momo is \u00fat, mar stel dat it ferhaal fierder gean soe en dat de hearen yn de grize pakken troch master Hora wer yn beweging brocht waarden om ferantwurding \u00f4f te lizzen, om\u2019t se tiid stellen hiene.
\nD\u00ear steane se foar de rjochtbank mei master Hora as rjochter.
\n\u2018No meie jimme de m\u00fble wer iependwaan,\u2019 seit de rjochter, \u2018sprek jim mar \u00fat oer jim dieden.\u2019
\nMar de grize hearen swije, want har dieden kinne net helje by wat Momo dien hie.<\/p>\n

\"\"<\/a>
\nKatedraal fan Ami\u00ebns<\/p>\n

Yn it koarte ferhaal dat wy fan Jesaja l\u00eazen ha, wurdt ek in rjochtsaak holden. God is de rjochter en ropt de folken en alle naasjes op om nei it gerjocht te kommen, net as misdiedigers, mar as tsj\u00fbgen.
\nD\u00ear komme se, de grize folken, \u00fat alle wynstreken wei. Se binne griis, want se misse de kleuren fan it ljocht, ljocht dat feroare is yn in reinb\u00f4ge, teken fan it beh\u00e2ld fan de ierde… jim witte wol de belofte nei de s\u00fbntfloed.
\n\u2018No meie jim de m\u00fble iependwaan,\u2019 seit de Grutte Rjochter, \u2018tsj\u00fbgje mar fan it ferline, oft der ien folk op ierde is dat itselde meimakke hat as it folk Israel.\u2019
\nDer falt in stilte, want alle grize folken swije.
\nDan keart de Grutte Rjochter him nei it folk oan syn rjochterh\u00e2n en seit: \u2018Jim binne myn tsj\u00fbgen, tsj\u00fbgje dus fan jim ferline.\u2019
\n\u2018It is wier, Jahweh, Jo ha \u00fas befrijd \u00fat \u2019e slavernij fan Egypte en weromkomme litten \u00fat \u2019e ballingskip yn Babel.\u2019
\nDe Grutte Rjochter knikt en sprekt: \u2018Sis dan no wa\u2019t jim yn jim eigen eagen binne.\u2019
\n\u2018It is wier, Jahweh, wy binne jo tsjinners, dy\u2019t Jo \u00fatkard ha \u00fat alle folken.\u2019
\nWer knikt de Grutte Rjochter: \u2018As dit jim identiteit is, tsj\u00fbgje dan foar de grize folken…\u2019
\nYn de koarte stilte dy\u2019t falt, keart de Grutte Rjochter Him nei de grize folken: \u2018… fertel dan oan harren oan wa\u2019t ik My bekend makke ha yn de woestyn yn it fjoer fan in toarnbeibosk.\u2019
\nNei\u2019t de namme Mozes fallen is, klinkt l\u00fbd: \u2018Ik bin dy\u2019t Ik bin, de Ferlosser.\u2019
\nOp \u2019e nij keart de Grutte Rjochter Him nei de grize folken: \u2018Ha jim goed harke?\u2019
\nOan de iepen eagen en iepen m\u00fblen is te sjen dat de Grutte Rjochter en it folk Israel yndruk makke ha.
\n\u2018Dan ha jim harke nei de wierheid.\u2019<\/p>\n

Dat wie it koarte ferhaal fan Jesaja mei in pear oanfollings.<\/p>\n

De rjochtbank fan God en de rjochtbank fan Hora binne beide bylden fan dat der rjocht dien wurdt.
\nHora docht rjocht oan de ynwenners fan de st\u00ead fan wa\u2019t de tiid \u00fbntstellen is; hy docht foaral rjocht oan Momo. Momo is it byld fan de minske dy\u2019t de eigen tiid sels bewekket en d\u00earmei har of syn identiteit. Momo is net opgongen yn de massa, de massa fan meirinners. Sy is dwerslizzer wurden, se gie dwers tsjin de ekstreme druk fan de grize hearen yn, lei dwers op \u2019e r\u00fbte fan it jachtige libben.<\/p>\n

God docht foar de eagen fan de grize folken rjocht oan syn folk, it folk Israel. Dat folk hearde it byld te w\u00eazen fan rjochtfeardigens en frede, dochs foel faak werom yn \u00fbrjocht en striid. Mar yn de rjochtbank klinkt gjin feroardieling. De godsspraak is: \u2018Jim binne myn tsjinners, dy\u2019t ik \u00fatkard ha.\u2019
\nIt soe my net fernuverje dat boppe it byld fan de rjochtbank noch in byld opriist, dat fan de reinb\u00f4ge, teken fan beh\u00e2ld, ek foar de grize folken.<\/p>\n

\"\"<\/a><\/p>\n

10. Sjonge
\n<\/strong>Liet fan th\u00faskomst: 2 en 3<\/p>\n

De Hear liet oan Jesaja witte:
\n\u2018Ik ha elk al by namme neamd,
\ngjin noed, Ik sil de djipte mjitte
\nfan \u2019t wetter dat sa skomjend streamt,
\nIk sil jim troch rivieren fiere,
\ndat elk komt oan de oare kant,
\nit l\u00e2n d\u00ear\u2019t jimme berntsjes tiere,
\ngjin macht dy\u2019t d\u00ear mear strikken spant.\u2019<\/p>\n

Jesaja hat fan tiden sprutsen
\nd\u00ear\u2019t hy de strekking al fan seach:
\nhoe\u2019t kweade machten stikken brutsen,
\n\u00fat alle streken kaam in weach
\nfan soannen troch rivieren hinne
\nen dochters nei \u2019t beloofde l\u00e2n,
\ndy\u2019t mei elkoar de takomst binne
\nfan hiel de wr\u00e2ld yn ien ferb\u00e2n.<\/p>\n

11. L\u00eaze
\n<\/strong>Matt\u00e9us 5, 13-16<\/p>\n

\"\"<\/a><\/p>\n

12. Sjonge
\n<\/strong>Liet fan ljochtsjend s\u00e2lt: 1, 2, 3, 4 en 5
\nWize: Liet 464<\/em><\/p>\n

It lok hat klonken njoggen kear
\nfoar wa\u2019t troch \u2019t wiffe libben gean,
\nwant sy fertrouwe op \u2019e Hear,
\nsa bliuwt yn lykwicht har bestean.<\/p>\n

Foar oaren komt it oer as skok,
\nsy h\u00e2lde oan har ego f\u00east,
\nferbine swakte net mei lok,
\nin hurde f\u00fbst slacht noch it b\u00east.<\/p>\n

Wa\u2019t fan de wiere wurden h\u00e2ldt,
\ndy\u2019t iuwen lyn al klonken ha,
\nis foar de wr\u00e2ld smaakmeitsjend s\u00e2lt,
\nd\u00ear komme oaren graach op ta.<\/p>\n

Komt by it s\u00e2lt ek noch it ljocht,
\ndan wurdt de minske ljochtsjend s\u00e2lt
\nfoar wa\u2019t de f\u00fbst der noch ta docht,
\ndan iepen docht foar syn beh\u00e2ld.<\/p>\n

It lok klinkt d\u00earnei t\u00fbzen kear
\nfoar folk dat bliid troch \u2019t libben giet
\nas ljochtsjend s\u00e2lt lykas de Hear,
\ndy\u2019t wachtsjend yn de eintiid stiet.<\/p>\n

13. Ferkundiging 2<\/strong><\/p>\n

Lokkich dy\u2019t suver fan hert binne, want se sille God sjen.
\nLokkich Momo, dy\u2019t it hert suver hold, want sy hat de godsst\u00ead sjoen.<\/p>\n

Lokkich dy\u2019t honger en toarst hawwe nei gerjochtichheid, want se sille har gerak krije.
\nLokkich master Hora, dy\u2019t rjocht die oan de st\u00ead en oan Momo, want hy sil krije wat him takomt.<\/p>\n

Krekt foar it s\u00e2lt en it ljocht steane de lokkichprizingen fan Jezus. Fan herten lokwinske minsken dy\u2019t al fan it s\u00e2lt preaun ha en dus ek al ljocht \u00fatstrielje. Ja, d\u00ear hearre jim ek by Momo en master Hora…
\nen ek dizze gemeente fan master Jezus.<\/p>\n

Fan it s\u00e2lt preaun?
\nTsjintwurdich wurdt der pleite foar minder s\u00e2lt yn it iten, want tefolle soe skealik foar de s\u00fbnens w\u00eaze. Dus fan herten lokwinske mei dyn s\u00fbnens, want s\u00e2ltleas is goed foar it hert.
\nMar tusken s\u00e2ltleas en breins\u00e2lt sit romte om smaak oan it iten… en figuerlik sein: oan it libben te jaan. In libben mei in suver en rjochtfeardich hert.
\nW\u00ear hellet sa\u2019n libben dan syn smaak wei? Al wer figuerlik sein: \u00fat it Wurd fan God, foar de Joaden de Toara, de earste fiif boeken fan de Bibel. Foar de Toara wurdt wol it byld fan it s\u00e2lt br\u00fbkt, de Toara as smaakmakker foar it libben.<\/p>\n

En harkje no wat Jezus op \u2019e berch tsjin syn folgelingen seit. Mar foar\u2019t Hy wat seit, moatte wy noch witte dat gjinien better bekend wie mei de Toara as Hy. De smaak d\u00earfan hat Er yn de synagogen al op it folk oerbrocht. Mar no seit Er dat syn folgelingen sels de smaakmakkers binne. Sy binne, om sa te sizzen, de Toara yn beweging, fan it iene plak nei it oare. En om it byld noch byldzjender te meitsjen: it s\u00e2lt dat de folgelingen binne, jout ek noch ljocht. De Toara yn beweging strielet ljocht \u00fat.<\/p>\n

\"\"<\/a><\/p>\n

Soe it dan in w\u00fbnder w\u00eaze dat it folk stean bliuwt om nei dat w\u00fbnderlike tafriel te sjen? Ja, it is in w\u00fbnder. Itselde w\u00fbnder as op it Pinksterfeest yn Jeruzalem, doe\u2019t t\u00fbzenen minsken seagen dat de folgelingen fan de opstiene Jezus mei flammen op \u2019e holle ljocht \u00fatstrielen en doe\u2019t de wyn fan de Hillige Geast by wize fan sprekken it folk s\u00e2lt priuwe liet… troch it sprekken fan Petrus, dy\u2019t op dat stuit de Toara yn folle beweging wie.
\nEn sjed\u00ear, al dat folk sette nei it Pinksterfeest wer op h\u00fbs oan, nei alle wynstreken, om de wr\u00e2ld fan it ljochte s\u00e2lt priuwe te litten.<\/p>\n

Nee, Mona en master Hora wiene op it Pinksterfeest der net by, mar de skriuwer fan it boek, Michael Ende…
\nMichael, is der ek net in ingel dy\u2019t Michael hjit? De ingel, dy\u2019t striidt foar gerjochtichheid, sadat \u2018am Ende\u2019 it Keninkryk fan God stal krije kin… Michael Ende…
\nDe skriuwer fan it boek, Michael Ende, hat hiel goed foar eagen h\u00e2n wat s\u00e2lt en ljocht foar de wr\u00e2ld te betsjutten ha. Momo en master Hora spuiden de breins\u00e2lte grize hearen \u00fat en koene ek wol spuie fan it s\u00e2ltleaze folk, dat ta tiidsparders wurden wie. Master Hora en Momo wiene yn de st\u00ead de bewegende Toara en strielen fan it ljochte s\u00e2lt. Dat wie har identiteit.<\/p>\n

\"\"<\/a><\/p>\n

En de gemeente fan Terkaple, Eagemaryp, Goai\u00efngaryp en Terherne? Jim wurde as gemeente hieltyd lytser. Boppedat liket it derop dat de wr\u00e2ld net mear nei it Evangeelje harket. Mar salang\u2019t hjir noch masters Hora en Momo\u2019s binne en salang\u2019t it Evangeelje troch jim as ljocht s\u00e2lt yn beweging bliuwt, sil troch de kr\u00eaft fan Jezus en de Hillige Geast it Keninkryk fan God oan de ein fan de tiid opljochtsje.
\nAmen<\/p>\n

14. Oargelspul<\/strong><\/p>\n

15. Us Heit<\/strong><\/p>\n

Us Heit yn ‘e himel,
\nlit jo namme hillige wurde,
\nlit jo keninkryk komme,
\nlit jo wil dien wurde
\nop ierde likegoed as yn de himel.
\nJou \u00fas hjoed \u00fas deistich brea
\nen ferjou \u00fas \u00fas skulden,
\nsa’t ek wy \u00fas skuldners ferj\u00fbn hawwe;
\nen lit \u00fas net yn fersiking komme,
\nmar ferlos \u00fas fan ‘e kweade.
\nWant fan jo is it keninkryk
\nen de kr\u00eaft
\nen de hearlikheid
\noant yn ivichheid.
\nAmen<\/p>\n

16. Sjonge<\/strong>
\nLiet fan de tuskentiid: 1, 2, 3, 4, 5 en 6
\nWize: Liet 90a<\/em>
\n
\n<\/em>It libben rint mei troch de tiid
\nen h\u00e2ldt him d\u00earoan f\u00east,
\ngjin tel dy\u2019t stiet of stadich giet,
\nde oere fynt gjin r\u00east.<\/p>\n

De tiid is mei de dei beg\u00fbn
\ndy\u2019t kaam te stean yn \u2019t ljocht,
\ndoe is de tiid nei \u2019t libben r\u00fbn,
\ndat mei de dagen fljocht.<\/p>\n

De Iene seach syn skepping oan,
\nit lei net oan de tiid,
\nde minske hie syn dei bedoarn
\nmei tsjusternis en striid.<\/p>\n

De Soan waard berne mei de tiid,
\nHy sloech gjin oere oer;
\nal harkjend nei it f\u00fbgelliet,
\njoech Hy de minsken stjoer.<\/p>\n

Nei Kristus hold de tiid gjin skoft,
\nde wolken driuwe oer,
\nde minsken sjogge nei de loft,
\nsy hawwe r\u00east noch doer.<\/p>\n

Wy libje yn de tuskentiid,
\nde ein bliuwt noch lang wei,
\ndochs klinkt de tiding wiid en siid:
\nder komt in nije dei.<\/p>\n

17. Seine<\/strong>
\n
\n<\/strong>It is tiid om nei h\u00fbs te gean,
\nmar lit \u00fas yn de tuskentiid
\ndy\u2019t \u00fas j\u00fbn wurdt
\nde tiid nimme om stil te w\u00eazen
\nen yn dy stilte \u00fas \u00f4f te stimmen
\nop de seine fan God de Heit,
\nde leafde fan Jezus Kristus de Soan
\nen de ynspiraasje fan de Geast.
\nAmen<\/p>\n

\"\"<\/a><\/p>\n","protected":false},"excerpt":{"rendered":"

Op 5 febrewaris 2017 yn Goai\u00efngaryp 1. Tarissing Wy binne op dizze fiifde snein nei Epifany, de ferskining fan Jezus as wr\u00e2ldwide Befrijer, by elkoar kommen om de tsjinst fan s\u00e2lt en ljocht te fieren, want ek dizze gemeente is it s\u00e2lt en ljocht foar de wr\u00e2ld. Mar dat kin net s\u00fbnder help fan de […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-9311","post","type-post","status-publish","format-standard","hentry","category-religy"],"_links":{"self":[{"href":"https:\/\/tjerkstra.com\/wordpress\/wp-json\/wp\/v2\/posts\/9311","targetHints":{"allow":["GET"]}}],"collection":[{"href":"https:\/\/tjerkstra.com\/wordpress\/wp-json\/wp\/v2\/posts"}],"about":[{"href":"https:\/\/tjerkstra.com\/wordpress\/wp-json\/wp\/v2\/types\/post"}],"author":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/users\/1"}],"replies":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/comments?post=9311"}],"version-history":[{"count":2,"href":"https:\/\/tjerkstra.com\/wordpress\/wp-json\/wp\/v2\/posts\/9311\/revisions"}],"predecessor-version":[{"id":9323,"href":"https:\/\/tjerkstra.com\/wordpress\/wp-json\/wp\/v2\/posts\/9311\/revisions\/9323"}],"wp:attachment":[{"href":"https:\/\/tjerkstra.com\/wordpress\/wp-json\/wp\/v2\/media?parent=9311"}],"wp:term":[{"taxonomy":"category","embeddable":true,"href":"https:\/\/tjerkstra.com\/wordpress\/wp-json\/wp\/v2\/categories?post=9311"},{"taxonomy":"post_tag","embeddable":true,"href":"https:\/\/tjerkstra.com\/wordpress\/wp-json\/wp\/v2\/tags?post=9311"}],"curies":[{"name":"wp","href":"https:\/\/api.w.org\/{rel}","templated":true}]}}