{"id":8789,"date":"2016-11-22T19:50:02","date_gmt":"2016-11-22T19:50:02","guid":{"rendered":"http:\/\/www.tjerkstra.com\/wordpress\/?p=8789"},"modified":"2016-11-22T19:53:00","modified_gmt":"2016-11-22T19:53:00","slug":"tsjinst-fan-it-inerlik","status":"publish","type":"post","link":"https:\/\/tjerkstra.com\/wordpress\/religy\/tsjinst-fan-it-inerlik\/","title":{"rendered":"Tsjinst fan it inerlik"},"content":{"rendered":"\n\n\n
<\/td>\n \"PDF\" <\/a><\/td>\n \"Print\" <\/a><\/td>\n \"E-mail\" <\/a><\/td>\n<\/tr>\n<\/tbody>\n<\/table>\n\n\n\n
Tsjinst op 1 febrewaris 2015 yn Terkaple<\/p>\n

1. Tarissing<\/strong><\/p>\n

\"Image\"<\/p>\n

Yn dizze tsjinst giet it oer profeet-w\u00eazen
\n\u00fat it inerlik wei nei b\u00fbten ta.
\nD\u00earom is dit de tsjinst fan it inerlik,
\nmar tagelyk fan wat \u00fat it inerlik komt.<\/p>\n

Dizze tsjinst is \u00fat namme fan de Skepper
\nfan himel en ierde,
\nfan it inerlik en uterlik,
\ndy’t de Skepper beide ta ienheid bringt,
\nsadat wy yn harmony libje kinne.
\nAmen<\/p>\n

2. Sjonge
\n<\/strong>Tuskentiden 5: 1, 2 en 3<\/p>\n

3. Bea<\/strong><\/p>\n

God, Heit yn de himel en Skepper fan de kosmos,
\nd\u00ear’t de ierde syn r\u00fbnten yn makket,
\nwy bringe tank foar it w\u00fbnder dat wy libje meie,
\noerdei \u00fbnder it blauwe swurk mei it ljocht fan de sinne
\nen nachts \u00fbnder de \u00fbntelbere stjerren en planeten,
\ndreamend fan in nije ierde,
\nd\u00ear’t 2000 jier lyn mei it ferskinen fan Jezus
\nit begjin fan sichtber waard.<\/p>\n

Wy fiele \u00fas yn de \u00fbneinige kosmos as in stofke
\ndat opljochtet en d\u00fbnset yn de strielen fan de sinne.
\nMar tagelyk tankje wy, om mei Psalm 8 te sprekken,
\ndat Jo \u00fas as minsken sawat godlik makke ha.<\/p>\n

Wy tankje Jo, God de Heit, dat wy libje meie
\nmei de wissichheid dat Jezus net fergees libbe hat,
\ndat Jo Him oannommen ha as de godlike Soan
\nsa’t wy yn neifolging fan Him ek soannen en dochters
\nfan Jo neamd wurde meie… sawat godlik.
\nLykwols as wy de \u00fbntwikkelings op ierde folgje,
\ndan moatte wy konstatearje dat it stofke
\ndat de ierde yn de kosmos is,
\nin baan folget dy’t \u00f4fwykt fan de oarspronklike oarder
\nyn de skepping.<\/p>\n

D\u00earom bidde wy, Skepper fan himel en op ierde:
\nmei brea de honger ferslaan,
\nmei s\u00fbnens baas wurde oer syktes,
\nmeie smoargens yn loft, gr\u00fbn en wetter
\ntroch skjinne streamen fuortspield wurde,
\nmei de leagen yn religy, polityk en ekonomy
\ntroch de wierheid ynhelle wurde,
\nmeie oarloggen ferslein wurde troch de frede,
\nmei terreur yn de gloede fan leafde ferbr\u00e2nd wurde.<\/p>\n

Lit \u00fas inerlik iepenstean foar de geast dy’t ynspiraasje jout
\nom r\u00east, waarmte en moed \u00fat te strieljen.
\nAmen<\/p>\n

4. Sjonge
\n<\/strong>Tuskentiden 5: 4 en 5<\/p>\n

5. Ynlieding
\n<\/strong>
\n‘Ik tink, dus bin ik,’ sei de Fr\u00e2nske filosoof Descartes yn de 17e<\/sup> ieu. Mei oare wurden: net it lichem of it uterlik, mar de geast of it inerlik seit wat oer de minske. D\u00earmei brocht er skieding oan tusken lichem en geast.
\nTinke, neitinke, betinke, oertinke, \u00fas inerlik liket faak op in draaimole of mallemole, men wurdt der bytiden m\u00e2l fan. It liket as is \u00fas geast noait leech. Dat begjint al as wy fan ’t b\u00ead komme en de kommende dei op \u00fas \u00f4fkomt: wat stiet allegearre op it programma? Tagelyk of yn de rin fan de dei begjinne de soargen te draaien: noed oer dysels of dyn man\/frou (bygelyks sykte dy’t taslacht); oer de bern en bernsbern (r\u00eade sy it yn de maatskippij dy’t hieltyd komplekser en hurder wurdt); noed oer de \u00e2lders dy’t soarch nedich ha en dy net mear krije kinne yn in fersoargingsh\u00fbs). En ast j\u00fbns it nijs op it sjoernaal sjochst, dan draait de ellinde fan de grutte wr\u00e2ld syn r\u00fbntsjes yn it inerlik.
\nDat duorret foar guon minsken krekt salang oant de draaimole kreakjend hoh\u00e2ldt en de \u00fatspraak dien wurdt: ‘Ik fiel my hielendal leech.’
\nLeech, in holle leechte, benearjend, omdatst it gefoel hast datst dysels net mear bist.
\n‘Ik kin net mear tinke, dus ik bin der net mear,’ om de \u00fatspraak fan Descartes yn it negative oan te passen. Do bist dysels kwytrekke.
\nMar hoe moat it dan? It tsjinstelde fan de holle leechte is de folle leechte. Dat klinkt frjemd, mar it is de inerlike leechte (gjin prakkesaasjes mear) om fol te reitsjen. Fol fan in geast dy’t r\u00east en waarmte jout, moed om middenyn it libben te stean, motivaasje, ynspiraasje of hoest it mar neame wolst.<\/p>\n

\"Image\"<\/p>\n

Ha jim op 19 desimber 2014 it In Memoriam fan Jehannes Fijnvandraat l\u00eazen? Hy is 91 jier wurden en stoarn yn it Wumkesh\u00fbs yn Snits.
\nJehannes wurke as jongfint op it natuerkundich laboratoarium fan Philips yn Eindhoven en yn syn inerlik sille grif formules omdraaid ha. Mar doe’t er 23 jier wie, rekke dat inerlik op de ien of oare manier leger en kaam der plak foar in stim dy’t r\u00f4p. Hy fernaam de ropping om it evangeelje fan Kristus te bringen. Dat betsjutte gjin f\u00easte baan en ynkommen mear, dat Jehannes libbe mei syn frou en letter acht bern fan jeften.
\nDe evangelist en syn dissipelen reizgen mei twa stedsbussen troch it hiele l\u00e2n, makken fan de bussen in seal, d\u00ear’t er de minsken wolkom hiet en tsj\u00fbge fan de leafde fan Kristus. De lege bussen rekken fol, lykas it lege inerlik fan Jehannes fol rekke fan de geast.
\nWie Jehannes Fijnvandraat in profeet? Wa sil it sizze? Yn alle gefallen spriek er wurden dy’t minsken rekken, omdat yn syn inerlik plak wie foar de geast fan Kristus.
\nD\u00earoer giet it fan ‘e moarn. .<\/p>\n

6. Sjonge
\nLiet fan wa en w\u00ear: 1, 2 en 3
\nWize: Liet 133 \u00fat it Lieteboek foar de tsjerken<\/em><\/p>\n

Wa bisto minske? is de fraach
\ndy’t klinkt it hiele libben lang.
\nIt krekte antwurd jou ik graach,
\nmar ’t slagget amper, bin ik bang.<\/p>\n

Wa bisto, minske yn it leed
\ndat taslacht by berch Sion wei.
\nGod r\u00f4p my as syn heilsprofeet,
\nik rop hjoed \u00fat in nije dei.<\/p>\n

Wa bisto, man by de Jordaan
\ndy’t opslacht \u00fat ‘e delte wei.
\nIk kin ienf\u00e2ldich ’t antwurd jaan,
\nwa’t mei de Geast doopt, komt hjirnei.<\/p>\n

7. L\u00eaze
\n<\/strong>Deuteronomium 18, 15-20<\/p>\n

8. Sjonge
\n<\/strong>Liet fan Mozes: 1, 2, 3, 4 en 5
\nWize: Liet 168 \u00fat it Lieteboek foar de tsjerken<\/em><\/p>\n

It jonkje \u00fat it wetter wei
\ngie letter mei syn folk op wei,
\ndy’t \u00fatkaam yn ’t beloofde l\u00e2n
\nmei gers en bou yn plak fan s\u00e2n.<\/p>\n

Doe’t lytse Mozes yn in koer
\nde weagen fan de Nyl befoer,
\nnaam de prinses it foar him op,
\nsyn earste stapke nei de top.<\/p>\n

De Iene r\u00f4p him ta de die:
\nbefrijing \u00fat it slavel\u00e2n;
\nit folk kriich fan de lieder rie:
\nnim jimme berntsjes by de h\u00e2n.<\/p>\n

It folk kaam by de Reade See,
\nseach d\u00earyn klear de kleur fan ’t bloed,
\nmar Mozes stie foaroan al ree,
\nsyn st\u00eaf en wurden joegen moed.<\/p>\n

De toarst sloech letter bitter ta,
\nit folk woe ’t wetter sa net ha;
\nde Iene wiisde ’t hout doe oan,
\nse dronken wat wie earst bedoarn.<\/p>\n

9. Ferkundiging 1
\n<\/strong>
\nIt barde middenyn de woestyn, de Sina\u00ef-woestyn, oerdei smoarhjit en nachts sa k\u00e2ld dat it folk fan Mozes derfan riboske. Mozes, de grutte lieder, klom op ‘e rots om it folk ta te sprekken. Hy hie syn inerlik leechmakke om de stim fan de Iene te hearren. Net dat er roppen wurde soe, want dat wie al jierren lyn bard, by it br\u00e2nende toarnbeiboskje, ek yn de woestyn. Net dat er roppen wurde soe om de berch op te gean, want dy hie hy al beklommen om de Tsien Wurden fan de Iene op te heinen.
\nWylst Mozes d\u00ear sa yn de hichte stie om te sprekken, kamen him wer de bylden fan it bange folk foar eagen, dat by de Hoareb ek huvere hie, net fan kjeld, mar fan it grutte fjoer en de stim fan de Iene.<\/p>\n

\"Image\"
\nDomenico Beccafumi<\/em><\/p>\n

Hoewol’t Mozes roppen wie om it folk troch de woestyn te lieden, hie syn lege inerlik op ‘e berch ek trille fan \u00fbntsach. Dy leechte wie folr\u00fbn mei in hillige oerfloed, d\u00ear’t er amper wurden foar wist.
\nMar hjoed moast er de wurden fan de Iene sprekke en wied er foar it folk in profeet. Lieder en tagelyk profeet. In d\u00fbbelfunksje, wat in ferantwurdlikheid! Mar de hillige oerfloed yn syn inerlik soe him ynspirearje om de goede wurden \u00fat te sprekken.
\nDat koe in profeet net sittend dwaan, in profeet gie ek net stean, lykas it folk oereinkaam om it folgende trajekt fan de woestynreis \u00f4f te lizzen. Nee, in profeet stie op om de wurden fan de Iene yn syn lege inerlik op te heinen.
\nDoe’t Mozes fernaam dat it yn him beg\u00fbn te streamen, swaaide er mei de earm en it r\u00fbzjen fan de stimmen stoar fuort.
\n‘Folk fan de Iene, w\u00eas net benaud, want wat jim frege ha by de Hoareb, komt no \u00fat. Om’t jim doe huveren by it oanhearren fan de stim fan de Iene en it sk\u00f4gjen fan syn hillich fjoer en om’t jim tochten dat jim it bestjerre soene, ha jim frege dat dit nea wer barre soe.’
\nMozes seach dat de eagen fan it folk opljochten as byld fan har ferromme inerlik.
\n‘Folk fan de Iene, de Heare dyn God sil \u00fat dyn fermidden in profeet opstean litte. Ha jim it heard? In profeet lykas my, in profeet dy’t opstiet foar de Iene. Jim komme oerein wannear’t ik as lieder it sein jou om wer op ‘en paad te gean, mar in profeet stiet op om jim it paad te wizen. Harkje dus nei him. Soe der ien fan jim w\u00eaze dy’t net harket?’
\nMozes liet in stilte falle, dy’t net ferbrutsen waard, doe gie er fierder:
\n‘Mocht der ien w\u00eaze dy’t net harkje soe nei de wurden dy’t de profeet opheint yn syn inerlik en \u00fatsprekt foar it folk, dan sil de Iene it weromfreegje.’
\nMozes seach dat de eagen fan guon \u00fat it folk grut waarden.
\n‘Krekt, wa’t net harket, sil wer huverje fan de stim fan de Iene. Lykas de falske profeet, dy’t syn inerlik fol hat mei eigen wurden, dy’t er bretaalwei foar it folk \u00fatsprekt. Sterker noch, sa’n profeet sil nea wer oereinkomme.’
\nDoe swaaide Mozes wer mei syn earm as teken dat der gjin wurden fan de Iene mear wiene.
\n‘Folk fan de Iene, gean nei jim tinten ta; as lieder sil ik jim moarnier oproppe om oerein te kommen en op ‘en paad te gean nei it l\u00e2n fan belofte.’<\/p>\n

10. Sjonge
\n<\/strong>Liet fan Mozes: 6, 7 en 8<\/p>\n

Nei’t Mozes Wurden krigen hie,
\njoech hy it folk mei rie en die
\nit perspektyf op de profeet,
\nde godsman yn it sljochte kleed.<\/p>\n

De droege m\u00fble spriek wer op,
\nit wetter streamde nei in klap
\nyn plak fan Mozes’ liedersrop,
\nhy sette yn it l\u00e2n gjin stap.<\/p>\n

It jonkje \u00fat it wetter wei,
\nwie letter d\u00ear ek mei fertroud,
\nhy seach it l\u00e2n by ljochtskyndei,
\nde kimen ljochten lykas goud.<\/p>\n

11. L\u00eaze
\n<\/strong>Markus 1, 21-28<\/p>\n

\"Image\"<\/p>\n

12. Sjonge
\n<\/strong>Liet fan de romte: 1, 2, 3, 4 en 5
\nWize: Tuskentiden 5<\/em><\/p>\n

Sinne, moanne en de stjerren,
\nalles past yn it hielal,
\nromte amper te ferklearjen,
\nnet te tellen is it tal.<\/p>\n

Ierde yn de kosmos draaiend
\nom de sinne yn in jier,
\nminsken yn de romte baaiend,
\nkimen lizze withoefier.<\/p>\n

Minske, sjoch dysels fan binnen,
\nromte as in nij hielal,
\nfolje dy mei stjer en sinne,
\ndan sil ’t strielje fan dyn stal.<\/p>\n

Rint de romte fol mei noeden,
\nwurdt it faaie libben dreech,
\nkomt it kwea yn ’t plak fan ’t goede,
\nmeitsje dan de romte leech.<\/p>\n

Komt in oanfal fan de kweade,
\nkin de geast it net mear oan,
\nskaait it libben nei de deaden,
\ndan glydt hjoed net mear nei moarn.<\/p>\n

13. Ferkundiging 2
\n<\/strong>
\nLit \u00fas der efkes fan \u00fatgean dat Mozes noch libbe hie yn de tiid dat fiif manlju by de See fan Galil\u00e9a l\u00e2nsr\u00fbnen, Jezus en fjouwer fiskers dy’t Hy krekt by de netten weiroppen hie. Dan wie it net yn him opkommen dat de taspraak dy’t er foar it folk holden hie, op de folgjende sabbat wierheid wurde soe.
\nIn swijende profeet mei fjouwer ienf\u00e2ldige fiskers \u00fbnderweis nei Kafarna\u00fcm? It like der net op! En wie dit no it l\u00e2n fan belofte, d\u00ear’t er it folk hinnebrocht hie? It folk hjir libbe \u00fbnder it jok fan de Romeinen. Wat sei? It Galil\u00e9a fan de heidenen? R\u00fbn d\u00ear in profeet yn in heidensk gebiet? It moast net raarder! Mozes soe djip teloarsteld west ha mei it sicht op l\u00e2n en libben 1200 jier nei syn taspraak yn de woestyn.<\/p>\n

Lit \u00fas mei Mozes op de folgjende sabbat de synagoge fan Kafarna\u00fcm binnenstappe. D\u00ear steane de fjouwer fiskers tusken it stedsfolk. En foaroan stiet Hy dy’t de manlju by de netten weiroppen hat.<\/p>\n

\"Image\"
\nMarco Basati<\/em><\/p>\n

Mozes skuort grutte eagen, want hy sjocht himsels op ‘e rots stean, fielt de leechte fan it inerlik oan, dat folstreamt mei wurden fan de Iene. Sa stiet Jezus d\u00ear, wylst er in taspraak h\u00e2ldt. Dit is folslein oars as de gong fan de swijende man tusken de fjouwer fiskers \u00fbnderweis nei Kafarna\u00fcm. Hjir sprekt in man dy’t wat te sizzen hat, in sprekker mei gesach, in profeet mei folmacht. It inerlik fan dizze profeet is \u00fbnder it rinnen by it wetter l\u00e2ns leechstreamt om op ‘e sabbat yn de synagoge fol te reitsjen. Hjir stiet in profeet mei folmacht, dy’t \u00fat namme fan de Iene sprekt.
\nMozes werkent dizze folle macht daliks, want hysels hat ek sprutsen \u00fat namme fan de Iene. Hiel oars as de macht fan farao of de keizer, dy’t sprekke \u00fat it eigen machtstinken wei, sadat se as machthawwer oer it folk hearskje.<\/p>\n

Ynienen skrillet Mozes op fan in skreau, in balten dat troch de hiele romte klinkt. It folk yn de synagoge skrillet tebek. De fjouwer fiskers bliuwe op har plak stean, mei iepen m\u00fble d\u00ear’t gjin l\u00fbd \u00fatkomt. En de profeet? Hy rint stadich op it razen \u00f4f, d\u00ear’t mearstimmige wurden yn trochklinke dy’t Him tsjinh\u00e2lde wolle. Mar de profeet rint troch. Op ‘e nij raze stimmen him yn de mjitte: de tsjinstelling tusken ferdjer en God, tusken ferneatiging en it hillige.
\nIt kringt stadich yn Mozes troch dat hjir in striid levere wurdt tusken it hillige en wat tsjin it hillige yngiet, tusken it suvere fan de Iene en it \u00fbnreine fan it gouden keal, sa’t hysels meimakke hat by de berch Hoareb. It inerlik fan it folk wie sa fol fan in \u00fbnreine geast, dat se m\u00e2ltjirgen om it bollekeal hinne.
\nMozes sjocht nei de m\u00e2ltjirgjende man dy’t foar Jezus stiet, de lea spand as in b\u00f4ge foar it sjitten. Syn inerlik moat ek sa fol w\u00eaze fan in \u00fbnreine geast dat der gjin plak is foar de wurden dy’t de profeet sprutsen hat.
\nEn harkje, wer sprekt de profeet: ‘H\u00e2ld dy stil en gean \u00fat him wei.’
\nDe lea fan de man skokke heftich , dan falle se stil en komt de \u00fbntspanning. It inerlik fan de man is leechrekke.
\nMozes is ferbjustere. Wis hy hat mei de st\u00eaf it wetter fan de see fuortstreame litten, mei in stik hout bitter wetter swiet makke, mei de st\u00eaf wetter \u00fat ‘e rots slein, allegearre w\u00fbnders mei\u00a0 streamend wetter. Mar dit wie in w\u00fbnder mei in minske, dy’t leechstreamde om fol te reitsjen mei libben wetter, in suvere geast.
\nLibbenswier, dit wie wurd en died fan in grut profeet foar it minskdom, wurd en died as in ienheid.<\/p>\n

14. Sjonge
\n<\/strong>Liet fan de romte: 6 en 7<\/p>\n

Minsken yn de synagoge
\nhearden ’t razen fan in geast
\nyn de keardel dy’t net doogde,
\n’t wie in tast\u00e2n op it nearst.<\/p>\n

Jezus r\u00f4p de geast nei b\u00fbten,
\nromte as in nij hielal
\nhat de sinne doe begroete,
\nstrielen skeaten fan syn stal.<\/p>\n

15. Ferkundiging 3
\n<\/strong>
\n\"Image\"<\/p>\n

Fan de woestyn fia Kafarna\u00fcm nei Terkaple. In prachtich doarp tusken de Puollen en de S\u00e2ltepoel mei r\u00fbnom griene greiden. Yn de fierste fierte gjin woestyn of in berch of it moast de oprit fan Hearresyl w\u00eaze.
\nWy sjogge ek gjin fiif manlju by de Terkaplester Puollen l\u00e2nsrinnen op ‘en paad nei de tsjerke.
\nEn in Mozestra makket gjin risselwaasje om hjir op ‘e hichte in rede te h\u00e2lden oer in profeet dy’t yn Terkpale opstean sil om \u00fat namme fan de Iene wurden te sprekken ta heil fan it minskdom.
\nOf binne it yn Terkaple allegearre al profeten? It wurd ‘profeet’ hat syn tiid h\u00e2n, wurdt der sein. It is in wurd \u00fat it Alde Testamint en dus in \u00e2ld wurd. En lit \u00fas earlik w\u00eaze, wy ha der gjin ferlet fan om nei de \u00e2lde tiid werom te gean. Wy libje yn in nije tiid en watfoar ien! In tiid fol mei mooglikheden, fan laptop, IPad en mobyltsje. En dy mooglikheden litte de hiele wr\u00e2ld yn \u00fas inerlik draaie. Nee, der hoecht gjin sprake te w\u00eazen fan in \u00fbnreine geast. Ik sit sels ek achter de laptop en ha dizze tsjinst d\u00earop makke.
\nWy geane werom nei it begjin fan de tsjinst, doe’t der sprake fan wie dat it inerlik, \u00fas eigen geast, nea leechrekket, dat it d\u00ear as in mallemole oan it draaien is. Dan is der ek gjin romte foar de ynh\u00e2ld fan de rede fan Mozes en de taspraak fan Jezus, want d\u00ear is in leech inerlik foar nedich.
\nUs inerlik kin rinnendewei by de Terkaplester Puollen of de S\u00e2ltepoel l\u00e2ns leechreitsje om wer fol te wurden fan de natuer as Gods skepping. Of om op te heinen wat de inerlike ingel \u00fas ta fl\u00fasteret. Jawis, de inerlike ingel, leaver net de \u00fbnreine geast, want elkenien mei in ingel yn him of har wolkom hjitte. Wa’t oan de Puollen leechrekke is, kin yn de stilte dy stim hearre.
\nEn wa wit, fl\u00fasteret de persoanlike ingel him of har yn dat er yn syn eigen lytse wr\u00e2ld in lytse profeet w\u00eaze mei.<\/p>\n

De profeet<\/strong>
\nAlexander Poesjkin<\/em><\/p>\n

\"Image\"<\/p>\n

Wylst toarst myn geast ferdroege hat,
\nsleep ik de lea oer toarre heide.
\nYnienen, tusken dyk en greide,
\nferskynt in ingel op myn paad.
\nSeis wjukken waaie mei in stream
\nmyn eagen skerp, as yn in dream
\nsjoch ik de lytste skepsels stean
\nas hie ‘k it eachweid fan in earn.
\nMyn earen rekke hy ek oan,
\ndoe hearde ik de heechste toan,
\nit hillich beevjen fan de sfearen,
\nde fl\u00fasterflecht fan Gabri\u00ebl,
\nit f\u00fbgell\u00fbd, fan s\u00eaft nei skel,
\nde fisken, hinne en yn ’t kearen.
\nDoe kaam de ingel nei myn m\u00fble,
\ndy’t troch myn praat in slangek\u00fble
\nfol fenyn en listen wurden wie.
\nHy loek de tonge \u00fat en die
\nyn plak d\u00earfan syn spraak deryn,
\nit wie as ’t r\u00fbzjen fan de wyn.
\nIk fielde hoe’t syn swurd my snie,
\ndjip yn it boarst, it hert mei bloed
\n\u00fbntnaam er my en sjoch, der gie
\nin koal fan fjoer yn ’t leech gemoed.
\nD\u00ear lei ik oeren lang foar dea,
\ndoe klonk Gods ropstim oer it gea:
\n‘Oerein, profeet, sjoch net nei juster,
\ntsjoch op, ferlit dyn h\u00fbs en hurd,
\ngean oer see en l\u00e2n, by ljocht en tsjuster,
\nbr\u00e2n yn it minskehert dyn wurd.’<\/p>\n

\"Image\"
\nGiovani Battista Tiepolo\u00a0\u00a0 Jesaja’s ropping<\/em><\/p>\n

Amen<\/p>\n

16. Oargelspul
\n<\/strong>
\n17. Sjonge
\n<\/strong>Liet fan wa en w\u00ear: 5, 6 en 7<\/p>\n

W\u00ear giesto hinne, heilsprofeet,
\nsa troch de s\u00e2n- en rotswoestyn.
\nMei ’t folk rin ik \u00fat ballings need
\nberch Sion op, de frijheid yn.<\/p>\n

W\u00ear giesto hinne, man fan Wurd
\nen wetter yn de iensumheid.
\nIk gean de stream yn, spiel sa fuort
\nit kwea dat op ‘e siele leit.<\/p>\n

W\u00ear giesto hinne? is de fraach
\ndy’t klinkt it hiele libben lang.
\nYn optocht mei it hoopjend laach
\nnei ’t antwurd mei muzyk en sang.<\/p>\n

18. Us Heit
\n<\/strong>
\nUs Heit yn ‘e himel,
\nlit jo namme hillige wurde,
\nlit jo keninkryk komme,
\nlit jo wil dien wurde
\nop ierde likegoed as yn de himel.
\nJou \u00fas hjoed \u00fas deistich brea
\nen ferjou \u00fas \u00fas skulden,
\nsa’t ek wy \u00fas skuldners ferj\u00fbn hawwe;
\nen lit \u00fas net yn fersiking komme,
\nmar ferlos \u00fas fan ‘e kweade.
\nWant fan jo is it keninkryk
\nen de kr\u00eaft
\nen de hearlikheid
\noant yn ivichheid.
\nAmen<\/p>\n

19. Sjonge
\n<\/strong>Liet 330: 1 en 3<\/p>\n

20. Seine
\n<\/strong>
\nWy geane nei h\u00fbs mei in ferromme inerlik
\nmei d\u00earyn de seine fan God de Heit,
\nde leafde fan Jezus Kristus
\nen de ynspiraasje fan de Hillige Geast
\nAmen<\/p>\n

\"Image\"
\n <\/p>\n

 <\/p>\n

 <\/td>\n<\/tr>\n<\/tbody>\n<\/table>\n","protected":false},"excerpt":{"rendered":"

Tsjinst op 1 febrewaris 2015 yn Terkaple 1. Tarissing Yn dizze tsjinst giet it oer profeet-w\u00eazen \u00fat it inerlik wei nei b\u00fbten ta. D\u00earom is dit de tsjinst fan it inerlik, mar tagelyk fan wat \u00fat it inerlik komt. Dizze tsjinst is \u00fat namme fan de Skepper fan himel en ierde, fan it inerlik en […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-8789","post","type-post","status-publish","format-standard","hentry","category-religy"],"_links":{"self":[{"href":"https:\/\/tjerkstra.com\/wordpress\/wp-json\/wp\/v2\/posts\/8789","targetHints":{"allow":["GET"]}}],"collection":[{"href":"https:\/\/tjerkstra.com\/wordpress\/wp-json\/wp\/v2\/posts"}],"about":[{"href":"https:\/\/tjerkstra.com\/wordpress\/wp-json\/wp\/v2\/types\/post"}],"author":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/users\/1"}],"replies":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/comments?post=8789"}],"version-history":[{"count":2,"href":"https:\/\/tjerkstra.com\/wordpress\/wp-json\/wp\/v2\/posts\/8789\/revisions"}],"predecessor-version":[{"id":8791,"href":"https:\/\/tjerkstra.com\/wordpress\/wp-json\/wp\/v2\/posts\/8789\/revisions\/8791"}],"wp:attachment":[{"href":"https:\/\/tjerkstra.com\/wordpress\/wp-json\/wp\/v2\/media?parent=8789"}],"wp:term":[{"taxonomy":"category","embeddable":true,"href":"https:\/\/tjerkstra.com\/wordpress\/wp-json\/wp\/v2\/categories?post=8789"},{"taxonomy":"post_tag","embeddable":true,"href":"https:\/\/tjerkstra.com\/wordpress\/wp-json\/wp\/v2\/tags?post=8789"}],"curies":[{"name":"wp","href":"https:\/\/api.w.org\/{rel}","templated":true}]}}