{"id":8609,"date":"2016-11-17T20:23:41","date_gmt":"2016-11-17T20:23:41","guid":{"rendered":"http:\/\/www.tjerkstra.com\/wordpress\/?p=8609"},"modified":"2016-11-17T20:23:41","modified_gmt":"2016-11-17T20:23:41","slug":"tsjinst-fan-it-geduld","status":"publish","type":"post","link":"https:\/\/tjerkstra.com\/wordpress\/religy\/tsjinst-fan-it-geduld\/","title":{"rendered":"Tsjinst fan it geduld"},"content":{"rendered":"\n\n\n
<\/td>\n \"PDF\" <\/a><\/td>\n \"Print\" <\/a><\/td>\n \"E-mail\" <\/a><\/td>\n<\/tr>\n<\/tbody>\n<\/table>\n\n\n\n
Tsjinst op 12 desimber 2010 yn Hjerbeam<\/p>\n

\"Image\"<\/p>\n

1. Tarissing<\/p>\n

<\/strong>De loft wie pears,
\nde noch donkere kleur fan de iere ferwachting.
\nMar sjed\u00ear, it r\u00f4ze fan de dei komt der trochhinne.
\nOp dizze tredde, r\u00f4ze snein fan Advint,
\ndaget it yn it easten.
\nWy binne by elkoar kommen om dat te fieren.<\/p>\n

Wy sprekke d\u00earby \u00fat dat \u00fas help is
\nyn namme fan de Hear
\ndy’t himel en ierde skieden hat,
\ndy’t stiet foar it wurk dat Hy
\nop Him nommen hat
\nen trou bliuwt oant yn ivichheid.
\nAmen<\/p>\n

\"Image\"<\/p>\n

2. Sjonge
\n<\/strong>Tuskentiden 1: 1, 2, 3, 4 en 7<\/p>\n

3. Gebed
\n<\/strong>
\nHear, Jo komt de tank ta dat de ierde net yn it tsjuster bleaun is,
\ndat Jo by de skepping de gaos feroare ha yn himel en ierde
\nen dat wy hjoed yn it tsjusterste fan de dagen de r\u00f4ze gloede
\nfan de nije dei boppe de kym gewaarwurde.<\/p>\n

Foar in protte minsken op ierde binne de dagen tsjuster.
\nSy sitte yn noed oer de takomst,
\noft der moarn wol gen\u00f4ch te iten is,
\noft de goalera oan harren tinte foarbygiet,
\noft de fulkaan tenei swije sil,
\noft de loop fan de kanonnen k\u00e2ld bliuwt,
\noft sy gr\u00fbn \u00fbnder de fuotten h\u00e2lde,
\noft de grutte weach it str\u00e2n net berikke sil.<\/p>\n

\"Image\"<\/p>\n

Hear, \u00fbntfermje Jo oer harren.<\/p>\n

Mar ek om \u00fas hinne sitte minsken yn noed
\noer de lege dagen fanwege wurkleazens,
\noer de folle dagen dy’t te swier weage,
\noer de stille dagen troch iensumens,
\noer it eigen lichem dat net mear mei wol,
\noer de eigen geast dy’t fertsjustere rekket,
\noer \u00e2lders dy’t nei de ein fan it libben rinne,
\noer bern dy’t oan it begjin fan it libben
\nit paad bjuster reitsje.<\/p>\n

Hear, \u00fbntfermje Jo.<\/p>\n

Wy freegje Jo om in sletten geast foar de roppers en razers fan dizze wr\u00e2ld.
\nDat sels gjin echo klinke mei en de spoaren fan har arrog\u00e2nsje \u00fatwiske wurde.<\/p>\n

Wy freegje om in iepen ear foar Jo Wurd fan heil dat hjoed klinke sil.
\nFanwege dat heil sille wy it halleluja sjonge.
\nAmen<\/p>\n

4. Sjonge
\n<\/strong>Psalm 146: 1 en 2
\n
\n5. Ynlieding
\n<\/strong>
\nSa geduldich as Job, sa is de siswize.
\nWy kenne it Job-ferhaal fan de rykdom dy’t net allinnich yn folsleine earmoede ferkearde, mar ek yn it ferlies fan bern en s\u00fbnens.
\nIk ha in ikoan meinommen mei Job, syn frou en syn trije freonen. De ikoan is makke nei in skilderij fan de Russyske skilder Ilja Repin.
\nD\u00ear sit Job, ferslein troch de ellinde dy’t er meimakke hat. Syn frou, achter him, hat de rie j\u00fbn om God mar farwol te sizzen en syn trije freonen sykje de oarsaak fan syn lijen yn wat er sels mooglik ferkeard dien hat.
\nEn Job sit ferslein mei b\u00fbgde holle en lege hannen en noch s\u00fbnder werwurd. Wat moat er in geduld opbringe om tsjin God, syn frou en trije freonen net yn grimmitigens \u00fat te brekken.
\nW\u00ear wachtet Job op?
\nWat ferwachtet er noch?
\nDer is mar ien antwurd mooglik:
\nOp ‘e takomst
\nOp wat \u00fat ‘e oare wr\u00e2ld op him takomme sil<\/p>\n

\"Image\"
\nIkoan makke nei it skilderij fan Ilja Repin<\/em><\/p>\n

Kinne wy \u00fas identifisearje mei Job?
\nGjinien fan \u00fas is safolle \u00f4fnommen as fan Job.
\nMar dochs… ast siik bist s\u00fbnder \u00fatsicht
\n… ast dyn libbenspartner ferlern hast
\n…. of ien fan dyn bern<\/p>\n

W\u00ear wachtest dan op?
\nOp ‘e takomst?
\nOp wat \u00fat ‘e oare wr\u00e2ld op dy takomt?<\/p>\n

W\u00ear wachtsje wy op dizze tredde Advintssnein op?
\nOp it feest fan it krystbern?
\nOp ‘e takomst?
\nOp wat \u00fat ‘e oare wr\u00e2ld op \u00fas takomt?
\nOp ‘e weromkomst fan Kristus? Mar wy wachtsje al sa lang!<\/p>\n

Ik kundigje trije ferhalen oan:
\nIt ferhaal fan de Nefilim, bewenners fan de tolfde planeet
\nIt ferhaal fan de Israeliten
\nIt ferhaal fan Jakobus en \u00fassels<\/p>\n

6. Sjonge
\n<\/strong>Psalm 146: 3<\/p>\n

7. Ferkundiging 1
\n<\/strong>It ferhaal fan de Nefilim<\/em><\/p>\n

Ferkundiging stiet by dit \u00fbnderdiel fan de liturgy, mar is it wol ferkundiging? It hat mear fan science fiction, sa’t der films binne oer w\u00eazens fan oare planeten. Marsmantsjes, waard \u00fas as bern al ferteld. Fantasy dus… mar dochs…
\nLit my begjinne mei Zecharia Sitchin, de skriuwer fan it boek ‘De tolfde planeet’. Zecharia Sitchin, in Joad? Jawis, syn namme hat wat profetysk. Mar hy wie gjin profeet, earder in wittenskipsman. Tritich jier lang hat er studearre foar’t er syn boek klear hie. Hy hie him ferdjippe yn de Bibel, mar ek yn de \u00e2lde teksten fan de Soemeari\u00ebrs, Assyri\u00ebrs en Babyloani\u00ebrs. Dy teksten kamen by opgravings op klaaitabletten boppe de gr\u00fbn, by t\u00fbzenen, safolle wiene yn de eardere keningsh\u00f4ven skreaun. Net yn \u00fas alfabet, mar yn spikerskrift, dat wittenskippers yn de rin fan de jierren \u00fbntsifere ha.
\nDer waarden by de opgravings ek byldsjes f\u00fbn fan Soemearyske, Assyryske en Babyloanyske
\ngoaden.
\nZecharia Sitchin kaam by syn st\u00fadzje ta in wichtige fraach d\u00ear’t er earst gjin antwurd op wist: hoe kin it dat nei wol trijeh\u00fbndertt\u00fbzen jier fan primityf libben ynienen in hege beskaving yn Soemeari\u00eb opbloeie koe? Dat wie sa likern\u00f4ch 3600 jier foar Kristus.
\nHy f\u00fbn yn de teksten op klaaitabletten en nei it sekuer besjen fan de goadebyldsjes syn eigen antwurd: yn dy tiid moatte astronauten fan in oare planeet op ierde west ha.
\nHoe seach er dat dan oan de goadebyldsjes? De goaden hiene in helm op en in piloatebril foar eagen.
\n‘Jim leauwe myn antwurd net?’ freget Zecharia Sitchin.
\n‘Leauwe jim de Bibel dan ek net?’
\nHy ferwiisde nei Genesis 6, 4: ‘Yn dy dagen wiene der reuzen op ierde. Doe’t dy soannen fan God by de dochters fan de minsken kamen, krigen se bern. Dat wiene de sterke mannen \u00fat ‘e \u00e2lde tiden, de mannen fan namme.’
\n‘Sjed\u00ear,’ wol Zecharia Sitchin ha, ‘dy reuzen of soannen fan God wiene de astronauten fan de tolfde planeet, ek wol Nefilim neamd.’
\nDy Nefilim holpen de Soemeari\u00ebrs mei de bou fan st\u00eaden, d\u00ear’t se teminsten ien hege toer yn oprize lieten, in ziggoerat, lykas de toer fan Babel. Want de Nefilim stribben de hichte nei, it wiene en bleauwen loftw\u00eazens. Se waarden troch de Soemeari\u00ebrs fereare as goaden, soannen fan God, sa’t de Bibel seit.
\nEn dy tolfde planeet dan? Mercurius, Venus, Mars, Jupiter, Saturnus, Neptunus, Uranus, Pluto? Dizze planeten fan \u00fas sinnestelsel draaie allegearre yn in r\u00fbnte om de sinne hinne en kinne de planeet fan de Nefilim net w\u00eaze. De tolfde planeet hat in ellipsfoarmige baan en komt ien kear yn de 3600 jier yn de buert fan de ierde, neffens Zecharia Sitchin.
\nIen kear yn de 3600 jier? Kamen de Nefilim 3600 jier foar Kristus mei har loftskip net del yn Soemeari\u00eb om dat gebiet ta in hege beskaving te bringen? Dan arrivearre de tolfde planeet om it jier 0 hinne wer yn de buert fan de ierde. Wie dat dan de stjer fan Betlehem boppe de st\u00e2l, de stjer dy’t de wizen \u00fat Babel \u00fbntdekten?
\nOer likern\u00f4ch 1600 jier sil de planeet fan de Nefilim wer by de ierde l\u00e2nssjitte. Wy moatte dus noch efkes geduld dwaan om de wierheid te \u00fbntdekken.<\/p>\n

\"Image\"
\nGustave Dor\u00e9<\/em><\/p>\n

8. L\u00eaze
\n<\/strong>Jesaja 35, 1-10<\/p>\n

9. Sjonge
\n<\/strong>Liet 128: 1 en 2<\/p>\n

10. Ferkundiging 2
\n<\/strong>It ferhaal fan de Israeliten<\/em><\/p>\n

W\u00earom earst it ferhaal fan de Nefilim en dan no dat fan de Israeliten?
\nMoast dat earste ferhaal fan ‘e moarn wol ferteld wurde?
\nWat ha dizze ferhalen te krijen mei Advint?
\nIt binne fragen dy’t ik mysels ek steld ha.
\nDe antwurden ljochtsje miskien yn de rin fan it ferhaal oer de Israeliten op.<\/p>\n

De Nefilim loftw\u00eazens, de Israeliten gr\u00fbnminsken.
\nDat beg\u00fbn al yn Egypte, doe’t it neiteam fan Jakob as slaven yn de klaai fan de Nyl omwrotten om stiennen te meitsjen en d\u00earfan grinsst\u00eaden te bouwen… gr\u00fbnminsken.
\nEn doe’t se achter Mozes oan as befrijd folk troch de woestyn reizgen, fielden se \u00fbnder de sandaalsoallen it br\u00e2nende s\u00e2n… gr\u00fbnminsken.
\nEn doe’t se smachten fan de toarst en de magen rattelen fan de honger, hongen de hollen foaroer en seagen se net mear de wolk oerdei en de fjoerkolom nachts… gr\u00fbnminsken.
\nEn doe’t se fjirtich jier yn de toarre woestyn omdoarme hiene en einlings oankamen yn it l\u00e2n fan belofte, struiden se it sied \u00fat oer it fjild om letter rispje te kinnen… gr\u00fbnminsken.
\nNea ha se yn it beloofde l\u00e2n in toer boud lykas de Soemeari\u00ebrs, de Assyri\u00ebrs en de Babyloani\u00ebrs, dy’t dat leard hiene fan de Nefilim, sa’t it ferhaal fan Zecharia Sitchin giet.
\nMar sjoch… doe kaam in tiid dat de Israeliten fergeaten dat se de gr\u00fbn fan de belofte krigen hiene fan Jahweh, harren God. Se hiene wol each foar oare goaden, Ba\u00e4l en Astarte, d\u00ear’t se fan leauden dat dy it fjild fruchtber makken, want it bleauwen gr\u00fbnminsken, de Isaeliten.
\nEn doe’t de profeet Jesaja warsk\u00f4ge dat it op ‘e kop ferkeard rinne soe, b\u00fbgden se de holle, mar noch altyd de knibbels foar Ba\u00e4l en Astarte… gr\u00fbnminsken.
\nEn doe’t it op ‘e kop ferkeard r\u00fbn en se meifierd waarden troch de Assyri\u00ebrs, r\u00fbnen se mei de holle foaroer troch de Syrysk-Arabyske woestyn en fielden se it br\u00e2nende s\u00e2n \u00fbnder de sandaalsoallen… gr\u00fbnminsken.
\nEn doe’t se wennen yn it l\u00e2n fan de ballingskip, hoewol’t se de hege tuorren foar eagen hiene, boud mei help fan de Nefilim, bleauwen it gr\u00fbnminsken.<\/p>\n

\"Image\"
\nGustave Dor\u00e9<\/em><\/p>\n

Mar doe, as hearre wy it l\u00fbd fan de hoarn, klonk de stim fan de profeet Jesaja:
\nGr\u00fbnminsken? Jawis, jim moatte werom troch de woestyn, mar d\u00ear wellet no wetter op.
\nGr\u00fbnminsken? Jawis, jim hiene sloppe earms, lamme skonken en triljende knibbels, bline eagen, d\u00f4ve earen en in stomme m\u00fble, mar jim sille oereinrize en rinne oer de hillige wei dy’t apart oanlein is foar minsken, fertroud mei de gr\u00fbn.
\nGr\u00fbnminsken? Jawis, mar sjoch op nei de berch Sion, nei Jeruzalem, want d\u00ear is hillige gr\u00fbn, apart foar elk ornearre dy’t troch it lijen hinne de freugde belibje mei fan in nije tiid.
\nEn sa mochten de gr\u00fbnminsken it each opslaan nei de berch, fol ferwachting nei it heil… Advint.<\/p>\n

11. Sjonge
\n<\/strong>Liet 128: 3, 5 en 7<\/p>\n

12. L\u00eaze
\n<\/strong>Jakobus 5: 7-11<\/p>\n

13. Sjonge
\n<\/strong>Liet fan it geduld: 1, 2 en 3
\nWize: Tuskentiden 5<\/em><\/p>\n

Lit \u00fas harkje nei Jakobus,
\nbroer fan Jezus wurdt wol sein,
\nneier as Jehannes, Petrus,
\nhy hie langstme nei de ein:<\/p>\n

Wit dat Jezus libbet fierder
\nyn de r\u00fbnte fan syn Heit,
\nHy hat hjir op ierde siedde,
\nwachtet op it l\u00easte pleit.<\/p>\n

Ha geduld, Hy komt net earder
\nas it is oan rispjen ta,
\nwachtsje wurkjend troch de jierren,
\ndan sil elk grif takomst ha.<\/p>\n

14. Ferkundiging 3
\n<\/strong>It ferhaal fan Jakobus en \u00fas<\/em><\/p>\n

Kenne wy Jakobus? Net faak fan heard… wa is dy man?
\nIn broer fan Jezus, wurdt sein; in healbroer, wolle oaren ha.
\nMar hy is wol grutwurden yn deselde h\u00fash\u00e2lding as Jezus.
\nGrif binne se tegearre oplutsen, ha se tegearre boarte.
\nMiskien f\u00fbn Jakobus syn broer wol in sedepreker mei syn fromme praatsjes.
\nHy moast nei alle gedachten neat ha fan syn godstsjinstich swalkjen: lju bystean, mar sels libje fan de byst\u00e2n fan oaren, want hoe kaamst oars oan dyn deistige kost.
\nNee, folle respekt foar en geduld mei syn broer hie Jakobus net.
\nDat feroare nei Jezus syn dea en opstanning.
\nYn 1 Korinti\u00ebrs 15, 7 stiet: ‘D\u00earnei is Kristus ferskynd oan Jakobus, fierder oan alle apostels.’
\nJakobus wurdt apart neamd, de broer fan Jezus moat dus wol in wichtich persoan west ha yn de earste kristlike gemeente te Jeruzalem.
\nMar tink net dat er it maklik h\u00e2n hat, want nei de stienniging fan Stefanus flechten de kristenen \u00fat Jeruzalem wei alle kanten \u00fat.<\/p>\n

\"Image\"
\nRembrandt<\/em><\/p>\n

Is it in w\u00fbnder dat Jakobus langstme hie nei it wersjen fan syn broer, syn weromkommen op ierde? Hy libbe by wize fan sprekken yn Advint, de tiid fan de ferwachting. Mar wat duorre dy tiid lang. Faak frege er him \u00f4f oft er it noch wol belibje soe. Mar dan b\u00eade er himsels en oaren del: ‘Geduld, minsken, wy moatte geduld dwaan lykas in boer dy’t wachtet op ‘e hjerst- en maitiidsrein, want as dy komt dan sille de fjilden wyt wurde om te rispjen. Sjoch nei de profeten, Jesaja bygelyks, wat hat er geduldich it kwea ferneard, mar hy wachte net fergees op ‘e befrijing \u00fat ‘e ballingskip. Sjoch nei Job, wat hat er in geduld opbrocht yn syn lijen, mar hy libbe yn de ferwachting dat Jahweh him rjocht dwaan soe en it kaam sa.’
\nDat wie Jakobus, de broer fan Jezus,
\nde apostel fan wurden en dieden,
\nde apostel fan de gr\u00fbn, dy’t bewurke wurde moast nei it reinwetter,
\nde apostel fan it geduld en de ferwachting.<\/p>\n

Us ferhaal<\/em>
\nWat ha wy no noch oer \u00fassels te fertellen?
\nWy binne gjin loftw\u00eazens, sa as de Nefilim, hoewol’t der al minsken yn de romte sweve.
\nBinne wy gr\u00fbnminsken? Wis it l\u00e2n moat bewurke wurde en soms rinne wy mei b\u00fbgde holle,
\nfol fan fertriet om it ferlies fan s\u00fbnens, in leave neiste of it ferlies fan fertrouwen en ferwachting.<\/p>\n

Wat ferwachtsje wy eins noch? Jawis, it is Advint en oer fjirtjin dagen is it krystfeest,
\nmar hoe faak ha wy wol net fierd dat Jezus yn Betlehems st\u00e2l op ‘e wr\u00e2ld kommen is? Nee, net as Nefilim mei helm en astronautebril, mar as lytse poppe. Der is wol in oerienkomst: de Nefilim waarden, neffens Zecharia Sitchin, troch de Soemeari\u00ebrs as goaden fereare en by Jezus’ berte songen ingels en leine hoeders en wizen foar Him op ‘e knibbels.
\nEn hoe siet it hast ek al wer mei de stjer fan Betlehem, dy’t boppe alle oare stjerren \u00fatstriele en it paad wiisde nei de st\u00e2l? De tolfde planeet wie doe nei 3600 jier wer yn de buert fan de ierde, sa wol Sitchin ha. Fantasy, tafal of is tusken himel en ierde noch mear as dat wy al leauwe?<\/p>\n

Wat ferwachtsje wy nei Advint en Kryst eins noch? De werkomst fan…
\nIt duorret noch 1600 jier foar’t de tolfde planeet en de Nefilim wer yn de buert fan de ierde binne. Geduld oer \u00fas dea hinne is net re\u00ebel.
\nHoe lang duorret it noch foar’t Jezus wer op ierde komt?
\nJakobus ferwachte him noch by syn libben. Geduld foar’t de dea komt, is noch op te bringen,
\nd\u00earom r\u00f4p Jakobus op ta geduld. Mar wy binne \u00fbndertusken al mear as 1900 jier fierder.
\nBottenbley fan de Betheltsjerke ferwachtet Jezus noch by syn libben werom op ‘e wolken. Wolno, b\u00easte Drachtster loftprofeet, safolle geduld kinst grif noch wol opbringe.
\nMar wy dan, hjir yn Hjerbeam?
\nLit \u00fas as gr\u00fbnminsken mei Kryst de holle yn de nekke lizze en sykje nei de helderste stjer, dy’t fertelt dat it heil 2000 jier lyn al kommen is en dat \u00fas eigen takomst yn godlik skrift oan de himel skreaun stiet.
\nAmen<\/p>\n

15. Oargelspul
\n<\/strong>
\n16. Sjonge
\n<\/strong>Liet fan it geduld: 4, 5 en 6<\/p>\n

Nim in foarbyld oan profeten
\ndy’t fernearden fij\u00e2ns kwea,
\nsy ha fan de takomst witten,
\ndulden lijen oant de dea.<\/p>\n

Jim ha Job noch wol foar eagen,
\nhoe’t er folhold oant de ein,
\nhy wist fan bedroch noch leagen,
\nGod hat him it lok tasein.<\/p>\n

D\u00earom ha geduld yn ’t lijen,
\nwant broer Jezus komt hjir wer
\nom foargoed \u00fas te befrijen,
\nsjoch dan op nei wolk en stjer.<\/p>\n

17. Us Heit
\n<\/strong>
\nUs Heit yn ‘e himel,
\nlit jo namme hillige wurde,
\nlit jo keninkryk komme,
\nlit jo wil dien wurde
\nop ierde likegoed as yn de himel.
\nJou \u00fas hjoed \u00fas deistich brea
\nen ferjou \u00fas \u00fas skulden,
\nsa’t ek wy \u00fas skuldners ferj\u00fbn hawwe;
\nen lit \u00fas net yn fersiking komme,
\nmar ferlos \u00fas fan ‘e kweade.
\nWant fan jo is it keninkryk
\nen de kr\u00eaft
\nen de hearlikheid
\noant yn ivichheid.
\nAmen<\/p>\n

18. Sjonge
\n<\/strong>Liet 124: 1, 2, 3, 4 en 5<\/p>\n

19. Seine
\n<\/strong>
\nWy geane wer op ‘en paad nei h\u00fbs
\nmei it geduld as fan Job
\nyn de ferwachting fan de komst fan Kryst
\nen it weromkommen op ierde fan Kristus…<\/p>\n

mei de seine fan God, de Heit,
\nde leafde fan Kristus, de Soan
\nen de ynspiraasje fan de Hillige Geast
\nAmen<\/p>\n

20. Sjonge
\n<\/strong>De frede fan de greiden<\/p>\n

\"Image\"<\/td>\n<\/tr>\n<\/tbody>\n<\/table>\n","protected":false},"excerpt":{"rendered":"

Tsjinst op 12 desimber 2010 yn Hjerbeam 1. Tarissing De loft wie pears, de noch donkere kleur fan de iere ferwachting. Mar sjed\u00ear, it r\u00f4ze fan de dei komt der trochhinne. Op dizze tredde, r\u00f4ze snein fan Advint, daget it yn it easten. Wy binne by elkoar kommen om dat te fieren. Wy sprekke d\u00earby […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-8609","post","type-post","status-publish","format-standard","hentry","category-religy"],"_links":{"self":[{"href":"https:\/\/tjerkstra.com\/wordpress\/wp-json\/wp\/v2\/posts\/8609","targetHints":{"allow":["GET"]}}],"collection":[{"href":"https:\/\/tjerkstra.com\/wordpress\/wp-json\/wp\/v2\/posts"}],"about":[{"href":"https:\/\/tjerkstra.com\/wordpress\/wp-json\/wp\/v2\/types\/post"}],"author":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/users\/1"}],"replies":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/comments?post=8609"}],"version-history":[{"count":1,"href":"https:\/\/tjerkstra.com\/wordpress\/wp-json\/wp\/v2\/posts\/8609\/revisions"}],"predecessor-version":[{"id":8610,"href":"https:\/\/tjerkstra.com\/wordpress\/wp-json\/wp\/v2\/posts\/8609\/revisions\/8610"}],"wp:attachment":[{"href":"https:\/\/tjerkstra.com\/wordpress\/wp-json\/wp\/v2\/media?parent=8609"}],"wp:term":[{"taxonomy":"category","embeddable":true,"href":"https:\/\/tjerkstra.com\/wordpress\/wp-json\/wp\/v2\/categories?post=8609"},{"taxonomy":"post_tag","embeddable":true,"href":"https:\/\/tjerkstra.com\/wordpress\/wp-json\/wp\/v2\/tags?post=8609"}],"curies":[{"name":"wp","href":"https:\/\/api.w.org\/{rel}","templated":true}]}}