{"id":8581,"date":"2016-11-17T18:49:20","date_gmt":"2016-11-17T18:49:20","guid":{"rendered":"http:\/\/www.tjerkstra.com\/wordpress\/?p=8581"},"modified":"2016-11-17T18:51:29","modified_gmt":"2016-11-17T18:51:29","slug":"bonustsjinst","status":"publish","type":"post","link":"https:\/\/tjerkstra.com\/wordpress\/religy\/bonustsjinst\/","title":{"rendered":"Bonustsjinst"},"content":{"rendered":"\n\n\n
<\/td>\n \"PDF\" <\/a><\/td>\n \"Print\" <\/a><\/td>\n \"E-mail\" <\/a><\/td>\n<\/tr>\n<\/tbody>\n<\/table>\n\n\n\n
Tsjinst op 10 maart 2010 yn Offenwier
\n
\n\"Image\"
\n<\/strong>
\n1. Liet foar de tsjinst
\n<\/strong>Liet 21: 1 en 22. Tarissing
\n<\/strong>
\nNo’t de fraach om in Alvest\u00eadetocht
\nnet it antwurd krigen hat d\u00ear’t it folk
\nop hope hie, binne wy j\u00fbn yn dizze tsjerke
\nkommen mei in oare fraach, it gebed
\nom groei en wurk, mar d\u00ear boppe-\u00fat
\nde fraach fan kening Salomo om wiisheid.<\/p>\n

Mar foar’t it safier is, roppe wy God oan,
\ndy’t de ierde as plak foar minske, dier en plant
\nskepen hat,
\nde ierde d\u00ear’t it groeit en bloeit
\nen d\u00ear’t de minske it wurk foar himsels
\nen syn neiste dwaan kin.
\nDat de Geast fan God \u00fas j\u00fbn mei wiisheid
\ntarisse mei.
\nAmen<\/p>\n

3. Sjonge
\n<\/strong>Liet fan it h\u00fbs: 1, 2, 3, 4 en 5
\nWize: Tuskentiden 1<\/em><\/p>\n

De wiisheid liedt \u00fas nei dit h\u00fbs,
\ndat bringt de biddei mei,
\nGod ropt syn Namme \u00fat oer \u00fas,
\nwy sjonge fan syn wei.<\/p>\n

Dit h\u00fbs fan hout en stien, dat lang
\noerlibbe stoarm en striid,
\njout wjerl\u00fbd oan gebed en sang
\nfan ’t folk \u00fat earder tiid.<\/p>\n

As hjoed dit h\u00fbs in oarde is
\ndat nei Gods wiisheid wiist,
\ndan is de groei yn ’t gea wol wis,
\nde griene hope riist.<\/p>\n

Lear \u00fas jo wurd opnij ferstean
\nen brek foar \u00fas it brea
\nta iten om \u00fas wei te gean
\ntroch libben en troch dea.<\/p>\n

Dit h\u00fbs slyt, mar de wiisheid net,
\ndy drage wy hjoed \u00fat,
\nom’t God \u00fas yn de romte set
\nen nea syn wente sl\u00fat.<\/p>\n

4. Ynlieding
\n<\/strong>
\nBonustsjinst en biddei foar gewaaks en arbeid
\nsoe by jim wolris de reaksje oproppe kinne
\ndat it as in tange op in baarch slacht.
\nAs de biddei de tange is en de bonus de baarch,
\ndan sit it wol goed (dan sitte wy hjir wol goed)
\nen sille wy fol goede moed oer in oerke op h\u00fbs ta sette.<\/p>\n

Nimme wy it wurd ‘bonus’ letterlik, dan is dy sa min noch net.
\nNet min, mar wol goed, want bonus is \u00f4flaat fan it Fr\u00e2nske ‘bon’
\nen dat betsjut oars net as goed.<\/p>\n

Van Dale, it wurdboek, ha ‘k dochs ek mar efkes frege.
\nHy joech as antwurd: ‘uitkering van bijzondere aard’.
\nEn krekt d\u00ear leit it knyppunt, want elkenien wit
\ndat God it aard fan de minske goed (bon) skepen hat,
\nmar dat it ek \u00fbntaardzje kin (bonus).
\nKening Salomo en profeet Amos kinne \u00fas mear fertelle
\noer dit probleem, dat de ieuwen troch spile hat.<\/p>\n

5. Sjonge
\n<\/strong>Liet 21: 5<\/p>\n

6. Gebed<\/strong><\/p>\n

It bidden wurdt sjongend \u00fbnderstreke
\nmei Kyrie eleison
\n<\/em>
\n\"Image\"<\/p>\n

Goede God, tankewol foar it libben op dit stikje ierde,
\nde Legea\u00ebn, it lege l\u00e2n fan groei en wurk.
\nTankewol dat wy yn dit gea rom sykhelje kinne
\nen dat wy sa wurkje meie oan jo goede ierde.<\/p>\n

Wy bidde dat jo goede ierde
\nyn de maitiid wer opbloeie mei,
\nde greiden grien fan hope wurde
\nen de kij gl\u00e2nzich fan h\u00fbd
\nen dat de molkpriis en de leanen
\nyn ferh\u00e2lding steane mei it wurk
\ndat dien wurdt.
\nHear, \u00fbntfermje Jo.<\/p>\n

Wy bidde om jo seine op \u00fas wurk,
\noft dat no as boer of boerinne,
\nleanwurker, h\u00fasfrou of h\u00fasman is
\nof watfoar berop ek.
\nHear, \u00fbntfermje Jo.<\/p>\n

Wy bidde foar minsken yn de Legea\u00ebn
\ndy’t wurkleas binne of troch sykte
\nof ynvaliditeit it wurk net mear dwaan kinne.
\nHear, \u00fbntfermje Jo.<\/p>\n

Wy bidde foar de lytse man en frou,
\ndy’t harren yn \u00fas hurde maatskippij
\nmisdield fiele.
\nHear, \u00fbntfermje Jo.<\/p>\n

Wy bidde foar de wr\u00e2ld yn need,
\nit folk fan Ha\u00efti en Chili,
\nsa swier troffen troch ierdbeving
\nen oerstreaming.
\nDat d\u00ear wer groei en wurk komme mei.
\nHear, \u00fbntfermje Jo.<\/p>\n

7. Ferkundiging 1
\n<\/strong>
\nLit dit ferhaal him mar \u00f4fspylje yn de Legea\u00ebn, sis mar yn Offenwier. D\u00ear wenne in jongkeardel dy’t it libben serieus naam. Hy hie in universit\u00eare st\u00fadzje wiskunde achter de r\u00each, d\u00ear’t er cum laude foar slagge wie. De takomst lei foar him iepen. Mar tagelyk sloech de twivel ta, want wie in libbenlang achter de kompj\u00fbter sitte om mei wiskundige formules goede \u00fatkomsten te krijen no it doel d\u00ear’t er foar berne wie?
\nNei lang en djip tinken besleat er oan it begjin fan syn karri\u00eare de wike te ferdielen tusken twa banen. Hy keas in kantoarbaan op in leanbedriuw mei de mooglikheid om ek mei de trekker it fjild yn, want hy hold fan de natuer. De oare helte fan de wike waard er oannommen as help yn in ferpleechh\u00fbs mei de mooglikheid in diplomearre ferpleger te wurden, want hy hold fan minsken. De kar dy’t er makke hie, foldie him skoan fanwege de \u00f4fwikseling fan wurk mei de holle achter de kompj\u00fbter, mei de fuotten op gaspedaal en rem fan de trekker en mei de hannen om de sike meiminsken te steunen. Boppedat die er syn wurk \u00fat ‘e oertsj\u00fbging wei dat der mear tusken himel en ierde wie as kompj\u00fbters, trekkers en ferpleechh\u00fbsb\u00eaden.
\nNei in goed jier waard er \u00fatnoege op in feest fan syn eardere st\u00fadzjematen. D\u00ear sloech op ‘e nij de twivel by him ta, want de karri\u00eareperspektiven fan syn freonen wiene mei goud ynlein. Der wiene al in pear dy’t mei in dikke bonus pronken fanwege nije kompj\u00fbterprogramma’s dy’t se \u00fbntwikkele hiene.
\nDy nacht, doe’t er yn syn \u00e2ld Fiatsje drankfrij nei h\u00fbs ried, w\u00e2le it him sa yn de kop om dat in flok \u00fat ‘e m\u00fble r\u00f4le. Hy waard der sels kjel fan, want it wie de bedoeling net om syn agresje te ferbinen mei de namme fan \u00fas Leave Hear.
\nDoe’t er op b\u00ead lei, koed er mar min yn sliep komme. Yn de neinacht soe it dan einlings w\u00eaze, mar doe waard er steurd troch in trekkerl\u00fbd. De sjauffeur sprong der\u00f4f en r\u00fbn op him ta. De man, dy’t er noch nea earder op it leanbedriuw sjoen hie, stelde him foar as Judas Iskariot.
\n‘Ik bin op dyn gebed \u00f4fstjoerd,’ heakke er ta.
\n‘Gebed?’ frege de jongkeardel ferheard.
\n‘Fannacht yn de auto.’
\n‘Mar dat wie in flok.’
\n‘Dat wie foar \u00fas Leave Hear in gebed.’
\n‘Hat de Hear jo stjoerd?’
\nJudas knikte: ‘Omdat ik \u00fbnderfining ha mei in bonus, moast ik nei dy ta. Do witst wol dy tritich sulverlingen.’
\n‘Mar ik ha hielendal gjin \u00fbnderfining mei in bonus!’ r\u00f4p de jongfeint.
\n‘Dat mienst net,’ sei Judas.
\n‘Jo kinne it de baas neifreegje. En ek yn it ferpleechh\u00fbs. Jo tinke dochs net dat ik in bonus krij as ik in pasjint \u00fat ‘e stront help?’
\n‘Dat stelt de Hear wol op priis,’ sei Judas.
\n‘Mar in bonus sit der net oan f\u00east,’ herhelle de jongfeint.
\n‘Wol oan dy,’ woe Judas ha.
\nDe leanwurker en ferpleger seach him ferheard oan.
\nDoe sei Judas Iskariot glimkjend: ‘Ik moast fan \u00fas Leave Hear trochjaan dat er dy de folgjende bonussen al jierrenlang takent: in skrandere holle foar de kompj\u00fbter, linige fuotten foar gaspedaal en rem en warbere hannen om de sike minsken te steunen.’
\nDe dagen dy’t folgen, gie de jongkeardel fluitsjend nei syn wurk ta.<\/p>\n

\"Image\"<\/p>\n

8. Sjonge
\n<\/strong>Liet 21: 8<\/p>\n

9. L\u00eaze
\n<\/strong>2 Kroniken 1, 7-13<\/p>\n

10. Ferkundiging 2
\n<\/strong>
\nDo silst yn dizze tiid fan resesje mar wurkleas w\u00eaze! De f\u00eastichheid yn it libben sakket dan foar in part \u00fbnder dy wei. Wis, do hast dyn famylje noch om dy hinne, frou en bern (of man en bern), dy’t foar dy in th\u00fasbasis binne, mar d\u00earst dy ek ferantwurdlik foar fielst troch it hawwen fan wurk en it fertsjinjen fan in goed lean.
\nHast ast wurkleas bist, noch ferlet fan in biddei foar gewaaks en arbeid of mei oare wurden: groei en wurk?<\/p>\n

Salomo hie gjin soargen oer wurkleazens. Hy hie krekt it keningskip op ‘e skouders krigen en dat weage der swier yn, sa swier dat it swit him op ‘e offerhichte \u00fatbriek. It wie yn dy tiid de gewoante\u00a0 dat de nije kening oan de goaden offere. En oan wa koe Salomo dat oars dwaan as oan Jahweh, de God fan Israel, dy’t syn heit David as kening ryklik seinige hie.
\nWolno, op de offerhichte fan Gibe\u00f6n kamen de kening en alle\u00a0 pommeranten fan it folk by elkoar. It wie, om it mei \u00fas eigen tiid te ferlykjen, in soarte fan ynauguraasje fan de presidint fan de Feriene Steaten mei dit ferskil dat der net offere waard oan Mammon yn syn moaiste galakost\u00fam op in grut bal, mar oan Jahweh. En dat liigde der net om, want der waarden yn Gibe\u00f6n t\u00fbzen br\u00e2noffers brocht. Miskien stie it swit d\u00earom de kening ek wol op ‘e foarholle.
\nDochs fielde er him d\u00ear op ‘e offerhichte tusken al dy pommeranten net op syn gemak. Hy frege him \u00f4f hoe’t er sa’n grut l\u00e2n mei sa’n grut folk wol goed bestjoere koe, s\u00fbnder draaierij, mar rjocht troch see, dus rjochtfeardich.
\nDy nacht koed er op ‘e offerhichte mar min yn sliep komme. En doe’t er fan de iene side op ‘e oare draaide, liet Jahweh it rjocht fan it derby w\u00eazen jilde, sa’t Hy dat ek by Mozes dien hie by it toarnbeiboskje yn de woestyn: ‘Ik bin derby.’
\n‘Sis it mar, wat moat Ik dy jaan?’
\nSalomo skrille op, hy krige it foar it sizzen. Hy mocht sizze wat him dwers siet, wat er net rjocht krije koe. Boppedat mocht er sizze wat er behalve it keningskip ha woe. Hy mocht syn hert iepenlizze en it hert iepenh\u00e2lde om it fol rinne te litten.
\nDe nije kening hoegde net lang nei te tinken. Op ‘e offerhichte tusken al dy pommeranten hied er mar twa winsken om de rjochte wei te gean: ‘Wiisheid en ynsicht, dat binne de alderheechste wearden foar in kening… Alderheechste,’ sei er beskieden.
\nSjogge jim Salomo by de offerhichte delrinnen? Mei it hert fol wiisheid en ynsicht streekrjocht nei Jeruzalem. Wiis is er om’t er \u00fbntsach foar Jahweh hat: ‘Sizze Jo it mar, Heare, ik harkje wol.’ Dus krekt oarsom as God him oansprutsen hie: ‘Sis it mar, wat moat ik dy jaan?’
\nEn doe’t de nije kening goed harke hie, krige er ynsicht yn it Wurd fan Jahweh, dat fan Mozes syn tiid \u00f4f de ieuwen troch it folk de wei wiisd hie.
\nMei dy wiisheid en dat ynsicht koe Salomo, de kening fan de sjaloom, fan de frede, it keningskip oan.<\/p>\n

\"Image\"
\nGustave Dor\u00e9<\/em><\/p>\n

Wat hast hjir no oan ast moarn wer nei dyn wurk giest? Of ast wurkleas bist? Wy binne no ienkear gjin kening of keninginne. Soms soest dat winskje, dan soe it al oars yn dit l\u00e2n! Of net? Gjin politike draaierijen en kabinetskrisissen mear, sa regeare dat elk ta syn of har rjocht komt, foaral de swakken yn de maatskippij. Mar ja, wy moatte it dwaan s\u00fbnder kroan op ‘e holle. Wy ha wol it foarbyld fan de kening fan de sjaloom foar eagen: in bidnacht om wiisheid.
\nIn bidnacht om wiisheid? Soe dat net folle better w\u00eaze as in biddei foar gewaaks en arbeid? Want skonk Jahweh oan Salomo behalve wiisheid ek net rykdom, skatten en eare? As dat de godlike en keninklike wei is, dan meie wy fan God, as wy bidde om wiisheid, ek gewaaks en arbeid ferwachtsje. Of groei en wurk. Groei op it fjild en yn \u00fas geast. Wurk mei holle, hannen en fuotten, want dy ha wy fan Him as bonus krigen.
\nHoe’t it fierder gie mei kening Salomo? Foar de wyn, want de skippen en kamielen namen \u00fat alle wynstreken rykdom en skatten mei. Twa bonussen fan Jahweh. En de keninginne fan Skeba en oare b\u00fbtenl\u00e2nske pommeranten brochten him eare. De tredde bonus fan Jahweh. Neat mis mei, want de Alderheechste makke syn belofte oan de kening fan de sjaloom wier. Sa barde it no ienkear yn it beloofde l\u00e2n.
\nHoe’t it fierder gie mei kening Salomo? Foar syn gefoel noch altyd foar de wyn, mar syn skip fan steat en syn priveeboat foeren gjin rjochte koers mear.
\nHy t\u00fagde 1400 weinen mei likefolle hynders oan en r\u00f4p 12.000 ruters yn tsjinst. Sa kende er himsels in dikke oarlochsbonus ta. De kening fan de sjaloom waard de machthawwer dy’t him op oarloch tarette.
\nHy helle 700 froulju fan heech kom\u00f4f en 300 bywiven yn syn paleis en liet foar harren offerhichten fan de \u00f4fgoaden oanlizze. T\u00fbzen frouwen, dat wie wat oars as de t\u00fbzen br\u00e2noffers op ‘e offerhichte fan Gibe\u00f6n. Sa kende de kening himsels in dikke frouljusbonus ta. De kening fan de bidnacht om wiisheid wie haremfoarst wurden.<\/p>\n

11. Sjonge
\n<\/strong>Liet fan Salomo: 1, 2, 3, 4, 5 en 6
\nWize: Liet 446 \u00fat it Lieteboek foar de\u00a0 tsjerken<\/em><\/p>\n

Hoe’t Salomo in wize waard,
\ndat is in ryk ferhaal,
\ntroch Israel r\u00fbn ’t keningspraat
\nfan alles grut op skaal.<\/p>\n

Wol t\u00fbzen offers waarden brocht,
\noan God alhiel de ear,
\nmar noch seach Salomo gjin ljocht,
\nhy socht wat oars, net mear.<\/p>\n

Dyselde nacht klonk ’t godlik l\u00fbd:
\n‘Wat sil Ik oan dy jaan?
\nSit, soan fan David, net yn noed,
\ndo fregest, Ik sil ’t dwaan.’<\/p>\n

It antwurd liet gjin fraach mear ta:
\n‘Jo wiene foar heit goed,
\nik wol graach wiisheid yn my ha,
\ndan gean ‘k myn wei mei moed.’<\/p>\n

De keninklike wei r\u00fbn op
\nnei wiisheid, rom en skat,
\nsa kaam de kening op ‘e top,
\nsjaloom foar ’t folk fan God.<\/p>\n

Sjaloom feroare yn it fjoer
\nfoar t\u00fbzen kear in frou,
\nde reekwolk liet gjin wiisheid oer
\nen makke minder trou.<\/p>\n

\"Image\"
\nGustave Dor\u00e9<\/em><\/p>\n

12. L\u00eaze
\n<\/strong>Teksten \u00fat Amos<\/p>\n

De wurden fan Amos, ien fan de skieppefokkers \u00fat Tek\u00f3a,
\ndy’t him iepenbierre binne oer Israel.<\/p>\n

(Amos, 1, 1a)<\/p>\n

Dit hat de Heare te sizzen:
\nFanwege al de misdieden fan Israel, iderkear wer,
\nsjoch Ik der net fan \u00f4f.
\nIn \u00fbnskuldich man ferkeapje se samar,
\nin earme ferkw\u00e2nselje se foar in pear sandalen.
\nSe binne derop \u00fat om de holle fan de lytse man
\nyn de modder te traapjen en de stumper it libben
\n\u00fbnmooglik te meitsjen.<\/p>\n

(Amos 2, 6-7a)<\/p>\n

Rjochtdwaan witte se net fan, is de godsspraak fan de Heare,
\ndy lju steapelje yn har stinzen mar op
\nwat se mei macht en geweld byinoar klauwe.<\/p>\n

(Amos 3, 10)<\/p>\n

Hear nei dit wurd, froulju fan Samaria,
\ngl\u00e2nzich as kij \u00fat Bazan;
\njim d\u00ear op ‘e berch fan Samaria,
\njim h\u00e2lde de lytse man der\u00fbnder,
\njim ferw\u00e2dzje de earme
\nen sizze tsjin jimme manlju:
\n‘T\u00f4gje oan en lit \u00fas drinke!’<\/p>\n

(Amos 4, 1)<\/p>\n

\"Image\"<\/p>\n

Jimme dy’t derop \u00fat binne de earme \u00fat te r\u00fbpeljen
\nen de lytse man yn dit l\u00e2n omkomme te litten;
\njimme mei jim sizzen:
\nwannear komt der dochs in ein oan nijmoanne,
\ndat wy wer n\u00f4t ferkeapje meie?
\nEn oan de sabbat,
\ndat wy wer weet slite kinne?
\nDan meitsje wy de mjitte lytser
\nen sette de priis heger,
\ndan ferrifelje wy de lju mei falske skealjes,
\ndan kinne wy de earme keapje foar jild,
\nde lytse man foar in pear sandalen.<\/p>\n

(Amos 8, 4-6a)<\/p>\n

13. Ferkundiging 3
\n<\/strong>
\nDo silst mar yn in tiid libje dy’t dy it gefoel jout datst de lytse man of frou bist. Datst it gefoel hast dat de hearen en dames yn Ljouwert, De Haach, Brussel, Washington en yn megabanken en -bedriuwen harren eigen gong geane. Dat partijen mei in C (yn it Frysk in K) yn de namme noch nea heard ha fan in biddei om wiisheid. En datst sels by de tsien prosint wurknimmers hearst dy’t mar 10 euro bruto per oere fertsjinje en datst mei dyn h\u00fash\u00e2lding \u00fbnder de earmoedegrins libje moatst.<\/p>\n

Amos, de skieppeboer en figekweker \u00fat Tekoa, oan de r\u00e2ne fan de Judeeske woestyn, koe
\nd\u00earoer meiprate. Net dat er sels \u00fbnder de earmoedegrins libbe, want hy hie in bloeiend bedriuw. En om earlik te w\u00eazen siet Israel yn dy tiid alhiel net yn in resesje. Krekt oarsom, kening Jerobe\u00e4m II kloppe himsels op it boarst, want it wie yn syn l\u00e2n in tiid fan oerfloed en wielde. Mar de kening seach inkeld ien kant \u00fat, de kant fan de pommeranten, de rike keaplju en wielderige dames, gl\u00e2nzich as kij.
\nDe eagen fan Amos binne wiid iepengien doe’t er de holle de kant \u00fatdraaide fan de lytse man en frou.
\n‘Sjoch, Amos,’ sei Jahweh, ‘d\u00earom rop Ik dy, om tsjin dy misstannen te profetearjen.’
\nDat is wier net mis, want stel dy foar datsto fannacht in dream hast, d\u00earst alles sa klear as by deiljocht yn sjochst. Do hearst in stim sa d\u00fadlik as siet \u00fas Leave Hear sels n\u00east dy: ‘Sjoch … (folje dyn namme mar yn), d\u00earom rop ik dy dus, om tsjin de misstannen yn Ljouwert, De Haach, Brussel, Washington en yn megabanken en -bedriuwen dyn stim hearre te litten.’
\nSoe it earste wat troch dy hinne giet dan net w\u00eaze, it is mar in dream. En ast der djipper oer neitinkst, dus der serieuzer op yngiest, soe dan it twadde net w\u00eaze, yn \u00fas tiid binne der gjin profeten. En it tredde, ik bin mar in lytse man of frou, w\u00earom ik?
\nSoe it yn \u00fas opkomme om in eigen bidnacht om wiisheid te h\u00e2lden, lykas kening Salomo?<\/p>\n

\"Image\"<\/p>\n

Mar Amos hat grif by syn keppel skiep knibbele en om in wiis hert frege, syn bonus. Miskien hat er ek wol efkes tocht oan David, de hoedersjonge, dus in kollega fan him. Hoe’t dy reus Goliat fersloech. Soe hy, Amos, dan bang w\u00eaze om de iepenbiering fan Jahweh nei de hollen fan de pommeranten yn Israel te slingerjen? Want it liicht der net om wat er seit: ‘Jim steapelje yn jim stinzen mar op wat jim mei macht en geweld byinoar klauwe, wylst de holle fan de lytse man yn de modder trape wurdt.’<\/p>\n

Yn de tiid fan Amos steapelen de riken de bonussen en it \u00fbnrjocht al himelheech op. En de profeet sette syn stim \u00fat om yn namme fan Jahweh d\u00eartsjin te protestearjen.<\/p>\n

Ik freegje my wolris \u00f4f w\u00earom’t yn \u00fas eigen tiid it profetyske l\u00fbd fan de tsjerken of fan de kristlike partijen amper te hearren is. Sy hawwe ommers de profeet Amos as foarbyld. Of is it roppende l\u00fbd fan Jahweh en \u00fas God yn dizze tiid net mear te hearren? Ropt God noch wol streekrjocht? As dat net mear sa is, dan hawwe wy it bibelboek Amos noch as oprop om op te kommen foar minsken dy’t \u00fbnrjocht lije troch Ljouwert, De Haach, Brussel, Washington, mega-banken en -bedriuwen.<\/p>\n

Wy geane aansen wer op h\u00fbs oan en moarn sjogge wy om \u00fas hinne dat der neat feroare is. Neat? W\u00earom ha wy dan dizze bidj\u00fbn foar gewaaks en arbeid holden? Of groei en wurk? Binne wy j\u00fbn net geastlik groeid troch de wiisheid d\u00ear’t wy om frege ha? En geane wy moarn net oan it wurk, of mei \u00fassels om de wiisheid f\u00east te h\u00e2lden of mei \u00fas neiste om yn \u00fas eigen lytse r\u00fbnte op te kommen foar in wr\u00e2ld dy’t de muoite wurdich is? En leau dan mar dat God \u00fas as bonus de Geast jout.
\nAmen<\/p>\n

14.\u00a0 Oargelspul
\n<\/strong>
\n15. Sjonge
\n<\/strong>Liet fan Amos: 1, 2, 3, 4 en 5
\nWize: Liet 474 \u00fat it Lieteboek foar de tsjerken<\/em><\/p>\n

Tek\u00f3a, doarp by de woestyn,
\ndyn namme waard bekend,
\nwant Amos wenne yn dyn oard,
\noan ’t boerelibben wend.
\nFier wiesto fan de keningsst\u00ead
\nmei foarst Jerobe\u00e4m,
\nsyn rykdom wie r\u00fbnom bekend,
\nmar d\u00f4ve wie de flam.<\/p>\n

God r\u00f4p doe Amos ta de die,
\nby skiep en figen wei,
\nhy moast op wei mei ’t wurd dat God
\nhim yn de m\u00fble lei:
\n‘De Heare brinzget as in liuw,
\nsyn l\u00fbd klinkt oer it gea,
\nde greiden lizze toar en feal,
\nde berchtop eaget dea.’<\/p>\n

Doe b\u00fbgde Amos n\u00east syn skiep
\nde holle nei de gr\u00fbn,
\nwant as profeet moast hy it dwaan
\nmei wiisheid troch God j\u00fbn.
\nWa’t wiisheid mingt mei ’t fjurrich moed,
\nsjocht by gjin kening op,
\nsyn hert rint oer fan hillich fjoer,
\noer ’t gea klinkt l\u00fbd syn rop.<\/p>\n

De wierheid hie in skelle stim:
\n‘It is in grut skandaal,
\n\u00fbnskuldigen ferkeapje jim
\nfoar twa kear in sandaal.
\nJim slaan it jild yn stinzen op,
\nfertsjinje sels gjin stoer,
\nmar klauwe ’t yn mei swier geweld,
\njim misdied is moarn oer.’<\/p>\n

Mar oan de ein wie Amos’ l\u00fbd
\nfol fan in kommend heil:
\n‘Oer is de neare ballingskip,
\nGod bringt syn folk op ’t peil
\nfan kening Davids hoederskip,
\nde greiden wurde grien,
\nde berchtop dript fan druvesop,
\nsjaloom foar elkenien.<\/p>\n

\"Image\"<\/p>\n

16. Us Heit
\n<\/strong>
\nUs Heit yn ‘e himel,
\nlit jo namme hillige wurde,
\nlit jo keninkryk komme,
\nlit jo wil dien wurde
\nop ierde likegoed as yn de himel.
\nJou \u00fas hjoed \u00fas deistich brea
\nen ferjou \u00fas \u00fas skulden,
\nsa’t ek wy \u00fas skuldners ferj\u00fbn hawwe;
\nen lit \u00fas net yn fersiking komme,
\nmar ferlos \u00fas fan ‘e kweade.
\nWant fan jo is it keninkryk
\nen de kr\u00eaft
\nen de hearlikheid
\noant yn ivichheid.
\nAmen<\/p>\n

17. Kollekte
\n<\/strong>
\n18. Sjonge
\n<\/strong>Liet 425: 1, 3 en 5<\/p>\n

19. Seine<\/strong><\/p>\n

‘Wy geane oer in oerke nei h\u00fbs,’ klonk oan it begjin fan de tsjinst.
\nDat is net hielendal slagge: it is in goed oere wurden.<\/p>\n

Hooplik is it twadde wat doe sein is, wol \u00fatkommen: ‘Fol goede moed.’<\/p>\n

Yn alle gefallen stiet God boarch foar syn bonus oan \u00fas, de seine.<\/p>\n

Lit \u00fas fol goede moed nei h\u00fbs ta gean mei
\nde seine fan God de Heit,
\nde leafde fan Jezus Kristus, de Soan
\nen de besieling fan de Hillige Geast.
\nAmen
\n
\n20. Sjonge
\n<\/strong>De frede fan de greiden<\/p>\n

De frede fan de greiden w\u00eas oer dy,
\nde frede fan mar en l\u00e2n;
\nde frede fan de loften w\u00eas oer dy,
\nde frede fan waad en str\u00e2n.
\nDjippe frede mei komme oer dy.
\nMei Gods frede no groeie yn dy.<\/p>\n

\"Image\"<\/td>\n<\/tr>\n<\/tbody>\n<\/table>\n","protected":false},"excerpt":{"rendered":"

Tsjinst op 10 maart 2010 yn Offenwier 1. Liet foar de tsjinst Liet 21: 1 en 22. Tarissing No’t de fraach om in Alvest\u00eadetocht net it antwurd krigen hat d\u00ear’t it folk op hope hie, binne wy j\u00fbn yn dizze tsjerke kommen mei in oare fraach, it gebed om groei en wurk, mar d\u00ear boppe-\u00fat […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-8581","post","type-post","status-publish","format-standard","hentry","category-religy"],"_links":{"self":[{"href":"https:\/\/tjerkstra.com\/wordpress\/wp-json\/wp\/v2\/posts\/8581","targetHints":{"allow":["GET"]}}],"collection":[{"href":"https:\/\/tjerkstra.com\/wordpress\/wp-json\/wp\/v2\/posts"}],"about":[{"href":"https:\/\/tjerkstra.com\/wordpress\/wp-json\/wp\/v2\/types\/post"}],"author":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/users\/1"}],"replies":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/comments?post=8581"}],"version-history":[{"count":2,"href":"https:\/\/tjerkstra.com\/wordpress\/wp-json\/wp\/v2\/posts\/8581\/revisions"}],"predecessor-version":[{"id":8584,"href":"https:\/\/tjerkstra.com\/wordpress\/wp-json\/wp\/v2\/posts\/8581\/revisions\/8584"}],"wp:attachment":[{"href":"https:\/\/tjerkstra.com\/wordpress\/wp-json\/wp\/v2\/media?parent=8581"}],"wp:term":[{"taxonomy":"category","embeddable":true,"href":"https:\/\/tjerkstra.com\/wordpress\/wp-json\/wp\/v2\/categories?post=8581"},{"taxonomy":"post_tag","embeddable":true,"href":"https:\/\/tjerkstra.com\/wordpress\/wp-json\/wp\/v2\/tags?post=8581"}],"curies":[{"name":"wp","href":"https:\/\/api.w.org\/{rel}","templated":true}]}}