{"id":8548,"date":"2016-11-16T20:10:19","date_gmt":"2016-11-16T20:10:19","guid":{"rendered":"http:\/\/www.tjerkstra.com\/wordpress\/?p=8548"},"modified":"2016-11-16T20:13:21","modified_gmt":"2016-11-16T20:13:21","slug":"paulus-tsjinst","status":"publish","type":"post","link":"https:\/\/tjerkstra.com\/wordpress\/religy\/paulus-tsjinst\/","title":{"rendered":"Paulus-tsjinst"},"content":{"rendered":"\n\n\n
<\/td>\n \"PDF\" <\/a><\/td>\n \"Print\" <\/a><\/td>\n \"E-mail\" <\/a><\/td>\n<\/tr>\n<\/tbody>\n<\/table>\n\n\n\n
\u00a0<\/strong>Op 27 septimber 2009 yn Itens<\/p>\n

\"Image\"
\nRubens<\/em><\/p>\n

1. Startliet
\n<\/strong>Hear, wy leauwe<\/p>\n

2. Fotum en groet, oanslutend Bemoediging<\/strong><\/p>\n

Wy binne op dizze startsnein fan it nije seizoen
\nby elkoar kommen om Paulus te hifkjen.
\nDe man r\u00fbn sels hifkjend troch de wr\u00e2ld,
\nalderearst hifke er de folgelingen fan dy Jezus
\nfan Nazaret en fan Jeruzalem, syn fij\u00e2n;
\nletter hifke er Joaden en Griken.
\nOan de iene kant fan de skealjes
\nlei er de hope, it leauwe en de leafde
\nfan syn meibruorren en -susters yn Kristus
\nen oan de oare kant it evenemint,
\nde opstanning fan syn grutte broer Jezus.
\nAs de skealjes yn lykwicht wiene,
\nseach er yn de ferbylding de weromkomst
\nfan Kristus op ierde, it begjin fan it Keninkryk
\nfan God.<\/p>\n

Lit \u00fas dizze tsjinst begjinne.
\nWy roppe de Heare oan
\ndy’t himel en ierde skepen hat
\nas in paradys, syn earste Keninkryk,
\ndy’t trou is oan syn skepping
\nen dy’t mei \u00fas \u00fbnderweis is
\nnei in nije skepping,
\nop ‘e nij syn Keninkryk.<\/p>\n

3. Gebed foar de wr\u00e2ld
\n<\/strong>Tuskentiden 16: 1 en 3<\/p>\n

Beurs
\nYn Atene hawwe se ieuwenlang in beurs h\u00e2n.
\nDat wie al sa yn de tiid fan Socrates
\ndy’t meditearjend oer it stedsplein r\u00fbn en de lju
\nbefrege oer gewoane en b\u00fbtengewoane kwestjes
\nfan it libben. Plato en Aristoteles folgen.
\nIn pear h\u00fbndert jier letter kaam Paulus ek
\nop dy beurs fan Atene en oft er wat te fertellen hie!
\nEarst oer de Grykske goaden en d\u00earnei oer
\nsyn grutte broer Jezus.<\/p>\n

\"Image\"
\nRafa\u00ebl<\/em><\/p>\n

No ha wy yn Itens gjin stedsplein mei in soarte
\nfan Ateenske beurs, mar wol in tsjerke mei
\nde beurs fan Itens.<\/p>\n

Wat is der yn de \u00f4fr\u00fbne moannen wol net bard
\nop gewoan en b\u00fbtengewoan m\u00ead. Wy hoege
\ngjin Socrates te w\u00eazen om wat nei foaren te bringen.<\/p>\n

Tuskentiden 16: 6 en 7<\/p>\n

4. Paulus, fan misdracht ta Kristusdrager
\n<\/strong>
\n* Ynlieding<\/em><\/p>\n

\"Image\"
\nEttiene Parrocel<\/p>\n

Ik wie gjin fan fan Paulus. Mar d\u00ear hat de man ek net op longere, krekt oarsom. Hy woe net dat wy achter him oanr\u00fbnen, likemin dat wy folgeling w\u00eaze soene fan Petrus of Apollos. Mar d\u00ear hoegde hy my net mear foar te warsk\u00f4gjen: de man wie my gewoanwei net sympatyk. Ik bin no ienkear gjin briefskriuwer fan fjouwer of mear kantsjes. Dy \u00fatwreide brieven fan him oan al dy st\u00eaden yn Lyts-Azi\u00eb en Grikel\u00e2n stiene my tsjin. Boppedat kaam er nochal arrogant op my oer mei syn ‘sa is it en net oars’. Moast it mei safolle klam? Ik fielde my troch him klam setten, foar it blok.
\nDe rop gong dat er de fersprieder fan it kristendom w\u00eaze soe. It soe wat! As er it kristendom al ferspraat hat, dan op negative wize, nammentlik troch de folgelingen fan Kristus yn Jeruzalem sa te ferfolgjen dat se alle kanten \u00fat flechten.
\nMar doe lies ik yn 1 Korinti\u00ebrs 15, 8: ‘En l\u00east fan allegearre is Kristus ek ferskynd oan my as in misdracht.’
\nWa hie it oer arrogant? Ast dysels besk\u00f4gest as in mislearre frucht \u00fat ‘e skurte fan dyn mem, dan leist dy wol hiel leech del. W\u00ear doochst dan noch foar yn dizze wr\u00e2ld? Doogde Paulus wol?
\nHy is foar alles \u00fatmakke:
\nfoar Joad en antysemyt
\nfoar seksist en feminist
\nfoar swartsjogger en befrijer
\nfoar mystikus en manager
\nWy sille al dy kwalifikaasjes fan ‘e moarn yn it koart by del. Mar wy sille ek it djipte-, mar tagelyk it hichtepunt foar Paulus yn it ljocht sette litte, syn ommekear op wei nei Damaskus, syn persoanlik evenemint.<\/p>\n

* K\u00fbplet 1 fan it Paulus-liet<\/p>\n

Sis Paulus, kinst fertelle
\nw\u00earomst dyn wegen giest,
\nyn ’t earstoan fan dat felle
\nsa’st yn it libben stiest.
\nDy iene wei r\u00fbn f\u00east,
\nik ha nei wetten stribbe
\ndy’t deadzje ’t wiere libben,
\nik, misdracht, droech de l\u00east.<\/em><\/p>\n

* Hannelingen 9, 1-6<\/p>\n

* It evenemint<\/em><\/p>\n

\"Image\"<\/p>\n

Wy libje as minsken fan de 21ste ieu fan evenemint nei evenemint, fan sk\u00fbtsjesilen nei de PC en fan Oerol nei ‘W\u00ear sille wy no ris hinne?’. Wy ha de oanstriid om fan alles wat mar boppe \u00fas deistich bestean \u00fatstekt, in evenemint te meitsjen. Want it libben moat boeiend w\u00eaze. En wy ferwachtsje fan in evenemint dat it \u00fas oandacht yn de boeien slacht.
\nEn sjoch no ris nei wat der bart op ‘e wei tusken Jeruzalem en Damaskus. In arrogante Joad \u00fat it foarname laach fan de Farizee\u00ebrs, syn namme is Saulus, is \u00fbnderweis om de folgelingen fan Kristus yn de boeien te slaan en as de misdie it dissipel- of apostelskip oanbelanget te feroardieljen ta de deastraf, lykas de misdiediger Stefanus stiennige is.
\nMar yn plak fan dat er de k\u00e2ns kriget om yn Damaskus syn eigen ljocht op ‘e saak skine te litten, wurdt er omstriele troch ljocht. En yn plak fan dat er heech op it hynder troch de poarte fan Damaskus rydt, falt er sels mei syn saak fan it hynder. En foar de tredde kear: yn plak fan dat er syn l\u00fbd \u00fatset om te feroardieljen, harket er nei it l\u00fbd dat him, wylst er op ‘e gr\u00fbn leit, berikt: ‘Kom no oerein!’
\nWiswier, de opstanning, syn opstanning, mar dat wurdt er him earst letter bewust.
\nOp dit stuit is er folslein fan it hynder, blyn foar de draachwiidte fan dit barren, ek noch blyn foar de draachwiidte fan de opstanning fan Kristus, fan wa’t er de stim heard hat. De opstanning fan syn eardere fij\u00e2n Jezus wurdt foar Paulus it grutte evenemint. Hy hat it fan hearren sizzen, hat it net mei eigen eagen sjoen, mar dat it beneamd is, namme krigen hat, is al fol-slein. Sa’n soarte fan evenemint slacht by de minske fol yn. It rekket djip yn it moed, it geastlike hert fan de minske, it sintrum fan fielen, tinken, hope, leauwe en leafde tagelyk.
\nDe eagen fan Paulus geane iepen, as it moed d\u00ear fol fan is. En as it moed oerstreamt nei hannen, fuotten en m\u00fble, dan is de draachwiidte folslein d\u00fadlik, dan draacht er Kristus en syn eigen opstanning de wr\u00e2ld yn.<\/p>\n

\"Image\"
\nCaravaggio<\/em><\/p>\n

Giet it evenemint foar \u00fas boppe it sk\u00fbtsjesilen en de PC \u00fat?<\/p>\n

* K\u00fbplet 2 fan it Paulus-liet<\/p>\n

Hoe rinne frjemd de wegen,
\nman fan Jeruzalem,
\nfan ’t hege nei it lege,
\nblyn troch dyn fij\u00e2ns stim.
\nDy r\u00f4p my wer oerein,
\nit wie as lei ‘k te sliepen,
\nde wr\u00e2ld gie foar my iepen,
\nd\u00earmei wie alles sein.<\/em><\/p>\n

* Hannelingen 15, 1-2
\n* Filippi\u00ebrs 3, 5-7 en 10-11
\n
\n* Joad of antysemyt
\n<\/em>
\nWy libje yn in maatskippij fan wetten en regels. In famke fan trettjin jier mei net in syltocht om de wr\u00e2ld meitsje, \u00fb.o. fanwege de learplicht (it oare argumint leit neffens my wol gewicht yn de skaal).
\nDe Joaden hiene oan de Tsien Wurden, dy’t Mozes by de berch Sinai deldroegen hie, net gen\u00f4ch en wiene troch de ieuwen hinne in regelfolk wurden. Wa wie in bettere Joad as Saulus, dy’t foarstanner wie fan wet is wet mei de uterste konsekwinsje fan de deastraf foar de wetteleazen troch stienniging. Saulus as model-Joad.
\nEn sjoch no ris wat der bart. Paulus en syn maat Barnabas komme fan har earste reis werom yn Antiochi\u00eb, de st\u00ead d\u00ear’t foar it earst sprake is fan it wurd ‘kristenen’ as folgelingen fan Kristus. Se fertelle ent\u00fbsjast oer hoe’t net-Joaden op it grutte evenemint reagearre ha, reagearre mei har eigen lyts evenemint, it moed dat folrekke is fan fielen, tinken, hope, leauwe en leafde. En dat it oerstreamde nei m\u00fble, fuotten en hannen.
\n‘Mar de wet dan,’ sizze guon Joaden, ‘se hawwe it mes dochs wol op it gefoelige plak field?’
\nPaulus skodhollet.
\n‘Binne se dan net besnien foar’t se kristen waarden?’
\n‘It is harren fol yn it moed slein en dat is folslein gen\u00f4ch,” is it antwurd fan Paulus.
\nWat in omslach fan Saulus nei Paulus, fan model-Joad nei anty-semyt, tsjin-Joad?
\nNee, mei-Joad mei Kristus: ‘It giet my derom dat ik Him ken en de kr\u00eaft fan syn ferrizenis \u00fbnderfyn en diel ha oan syn lijen, troch oan Him gelyk te wurden yn syn dea. Ik doch tige myn b\u00east om sa te kommen ta de ferrizenis \u00fat ‘e dea.’
\nHjir ferbynt Paulus it grutte evenemint fan Kristus ferrizenis oan syn persoanlik evenemint. As dat mei ynmoed bart, dan binne regels en wetten oerstallich wurden.<\/p>\n

Hasto lykas Paulus ek in persoanlik evenemint meimakke?
\nHoe ferh\u00e2ldt dyn persoanlik evenemint him mei it grutte evenemint?
\nKin it foar dy s\u00fbnder de tsjerklike dogma’s?<\/p>\n

* K\u00fbplet 3 fan it Paulus-liet<\/p>\n

Wat hasto noch mei wetten,
\nman fan de grutte wr\u00e2ld?
\nIs ’t Joadske boek no sletten
\nen wurdt it nij foar \u00e2ld?
\nIk bliuw myn woartels trou,
\nmar libje troch it nije
\ndat groeit om te befrijen,
\n’t folsleine komt al gau.<\/em><\/p>\n

* Hannelingen 16, 13-15
\n* Galati\u00ebrs 3, 27-28<\/p>\n

* Seksist of feminist
\n<\/em>
\nWy hoege net iens safier werom yn de tiid dat de earste frou de preekstoel fan in protestantse tsjerke beklimme mocht. Ik bin har namme fergetten, mar neffens my wie sy mennist. Is dat net likern\u00f4ch in ieu lyn? Yn de roomske tsjerke mei in frou no noch net achter it alter stean. Twat\u00fbzen jier ha wy te dwaan h\u00e2n mei in seksistyske tsjerke. It mei noch in w\u00fbnder hjitte dat frouwen de tsjerke net flokkend \u00fatr\u00fbn binne.
\nEn sjoch no ris wat der sawat twat\u00fbzen jier lyn bart. Paulus en Barnabas stekke op har twadde reis oer nei Grikel\u00e2n, want Paulus hat yn de kustst\u00ead Troas in fisioen h\u00e2n: ‘Stek oer om \u00fas te helpen.’ Se geane oan board en komme oan yn de kustst\u00ead Filippy. Oft se no fan de hagetsjinst oan de igge fan de rivier heard hiene of net, mar se rinne dy sabbat de poarte \u00fat. En wat sjogge se by de rivier, it wetter as teken fan libben. Oars net as biddende Eva’s (de namme Eva hat mei wetter te krijen). Hoe is it mooglik, der is gjin inkele man by. In joadsk-feministyske tsjinst. En Lydia, de poarperferkeapster, stiet mei ynmoed te harkjen.
\nNo Paulus, jonge, no moatst opspatte, want dit liket op fleanen. Hasto sels oan de Korinti\u00ebrs net skreaun dat it gjin foech jout dat froulju yn tsjerke it wurd dogge? Wat seist?
\nDo hast ek noch in brief oan de Galaten skreaun: ‘Joad of Gryk, slaaf of frije, man of frou, dat makket neat \u00fat. Want jim binne allegearre in ienheid yn Jezus Kristus.’
\nNo dy ynkonsekwinsje moatst dan mar ris \u00fatlizze…
\nHjir falt in stilte, dat kin Paulus net, want kin in deade \u00fatlis jaan? Hy wie nammentlik al ferstoarn doe’t se yn syn brieven omknoeid hawwe. Paulus ferwachte de werkomst fan Kristus noch by syn eigen libben. Wat meitsje dan de ferskillen noch \u00fat? As yn Gods Keninkryk, dat der oan stiet te kommen, froulju gelykweardich binne oan manlju, dan ek yn de koarte tiid dy’t wy noch op ierde binne, sa wie Paulus fan betinken. Mar doe’t nei syn dea Kristus noch altyd net op ‘e wolken ferskynd wie, moasten de \u00e2lde ferh\u00e2ldings weromkomme, sa wiene de tsjerkepommeranten fan betinken. Sy pakten de brieven fan Paulus derby en beg\u00fbnen te krassen en seksistyske parten ta te heakjen. En Paulus, de feminist, waard d\u00ear ieuwenlang op oansjoen.<\/p>\n

Lokkigern\u00f4ch steane Coby en Yvonne geregeld by \u00fas achter de mikrofoan.<\/p>\n

* K\u00fbplet 4 fan it Paulus-liet<\/p>\n

Wat hat dy dreaun nei ’t wetter
\nd\u00ear’t Eva’s namme klonk?
\nIs Adams plak net better,
\nde baas op hiem en honk?
\nYn God syn Keninkryk,
\nit stiet der oan te kommen
\nfoar Gryk en Joadske frommen,
\nis elkenien gelyk.<\/em><\/p>\n

* Hannelingen 18, 23
\n* Galati\u00ebrs 5, 13-18<\/p>\n

* Swartsjogger of befrijer<\/em><\/p>\n

As men \u00e2lder wurdt, hat men oanstriid om swart tsjin de \u00fbntwikkelings yn de maatskippij en it klimaat oan te sjen: ‘Yn \u00fas tiid wiene de simmers waarm en lang; alle winters koest ride dat it klapte.’
\nEn de swartsjogger bliuwt sitten w\u00ear’t er sit, nammentlik yn syn eigen donkere wr\u00e2ld.
\nMar sjoch no ris wat der bart. Paulus hat al twa lange reizen achter de r\u00each en dan begjint er, as solist, oan syn tredde, troch Galati\u00eb en Frygi\u00eb yn Lyts-Azi\u00eb, dat yn dy tiid! En wat docht er? Oeral w\u00ear’t er kristenen tsjinkomt, moed ynsprekke mei it moed fan tinken, fielen, hope, leauwe en leafde.
\nW\u00ear binne it moed fan Paulus en de moed dy’t ynsprutsen wurdt op basearre? Op twa eveneminten, op it evenemint fan Kristus syn opstanning yn it ferline en op it evenemint fan Kristus syn werkommen, dat Paulus noch by syn libben ferwachtet. Tusken dy beide eveneminten leit it no. Hat it libben yn it no foar Paulus \u00f4fdien? Libbet er allinnich by de waarme simmer fan it ferline en de ivige simmer fan de takomst?
\nWis net, want yn de brief oan de Galati\u00ebrs hat er each foar de donkere realiteit, sjocht er it swart: ‘Jim ferbite elkoar en frette elkoar op.’
\nYn \u00fas eigen wurden: ‘Jim slaan elkoar de harsens yn.’
\nMar de wurden fan de frijheidsstrider fleane der as dowen fier boppe-\u00fat: ‘Jim binne roppen ta frijheid, tsjinje elkoar troch de leafde.’
\nDe leafde is de do dy’t it heechste en it leechste fljocht en omfiemet alles wat yn it moed fan de minske plak fynt: it tinken, fielen, leauwen en de hope.<\/p>\n

Trije fragen:
\nIs dyn libben (noch) kleure troch de beide grutte eveneminten?
\nWatfoar kleur fan de reinb\u00f4ge hat it libben foar dy?
\nBisto in swartsjogger of in befrijer?<\/p>\n

* K\u00fbplet 5 fan it Paulus-liet<\/p>\n

Seis kleuren hat de b\u00f4ge,
\nis ien ’t symboal fan dy?
\nDo stiest faak yn de l\u00f4ge,
\nmar jiske heart derby.
\nDe ierde kleuret grien
\nfan hope op befrijing,
\nit leauwe \u00fat it lijen
\nen leafde ien en mien.
\n<\/em>
\n* Hannelingen 16, 6-10
\n* Galati\u00ebrs 1, 16-17<\/p>\n

* Mystikus of manager
\n<\/em>
\nIk kin der neat oan dwaan, mar soms benij ik minsken dy’t de Hear sjoen ha of in Sawat-Dea-Underfining h\u00e2n ha. Dan soe in protte fan de twivel d\u00ear’t ik mei omrin, ek oer de beide grutte eveneminten, as snie foar de sinne fuortteie.
\nHoe siet dat mei Paulus? Hy en Barnabas binne op har twadde reis troch Lyts-Azi\u00eb, sprekke de kristenen moed yn en wurde dan opkeard. Troch heidenen soest dy noch yntinke kinne. Mar troch de Geast? Stie dy as in ingel mei in swurd foar har, lykas foar Bileam dy’t op syn ezel \u00fbnderweis wie om it folk Israel te ferflokken? Details wurde net j\u00fbn, mar dat bart wol yn it ferhaal fan it fisioen, de dream dy’t Paulus op in nacht hie. Oan de Grykske kant fan de see stie in man te roppen: ‘Stek oer nei Masedoni\u00eb om \u00fas te helpen.’
\nNei Paulus syn earste persoanlik evenemint by Damaskus makket er hjir in twadde en in tredde mei: dy fan de Geast en it fisioen. Ast dat belibbe hast, it is dy yn it moed slein, dan meist dy ger\u00east in mystikus neame. Mar as it d\u00earby bliuwe soe, kinst likegoed op in pylder sitten gean as pylderhillige, dei en nacht, fier boppe it sljochtweihinne folk.
\nPaulus en syn maat stekke daliks de see oer om yn Grikel\u00e2n it bliid boadskip te bringen. Ast dat dochst, meist dy ger\u00east manager neame yn de oarspronklike betsjutting fan dat wurd: hannen \u00fat ‘e mouwe. Oan dy oare betsjutting ha ‘k in grouw\u00e9lige hekel: h\u00e2n \u00fat ’t mouwe om in bonus yn te klauwen.
\nYn de brief oan de Galati\u00ebrs ferbynt Paulus yn in pear wurden syn rol as mystikus en manager: ‘Hy (God) besleat om syn Soan oan my te iepenbierjen. Want ik moast it bliid boadskip oer Him oan de heidenen bringe.’
\nSyn persoanlike eveneminten ferbynt Paulus al hanneljend oan de grutte eveneminten fan Kristus syn opstanning en weromkommen.<\/p>\n

\"Image\"
\nPierro della Francesca<\/em><\/p>\n

Sa bin ik troch de simmer fan 2009 hinne fan fan Paulus wurden. Paulus in misdracht? Earder in geniale Kristusdrager.<\/p>\n

Noch ien fraach:
\nHa wy wat fan Paulus?
\nAs dat sa is, dan soene de oekumenyske tsjinsten yn Itens \u00fatgroeie ta wiere eveneminten.<\/p>\n

* K\u00fbplet 6 fan it Paulus-liet<\/p>\n

Wat seachsto yn dyn dreamen
\nwat dy twa wjukken joech?
\nKinsto de stream beneame
\ndy’t dy de wr\u00e2ld troch droech?
\nIt ljocht sloech yn myn moed,
\nik koe net lizzen bliuwe,
\nop ’t boadskip soe ik driuwe
\nnei Kristus’ twadde groet.<\/em><\/p>\n

5. Kofje
\n<\/strong>
\n6. Liet fan de leafde
\n<\/strong>1 Korinti\u00ebrs 13, 1 -13
\nWize: Liet 446 \u00fat it Lieteboek foar de tsjerken<\/em><\/p>\n

Al spriek ik mei in ingelstim
\nen song ik himelsk heech,
\nas ik de leafde net fernim,
\ndan wurdt it libben dreech.<\/p>\n

Al wist ik alles fan de wr\u00e2ld
\nen tsj\u00fbge as profeet,
\nas ik net fan myn neiste h\u00e2ld,
\ndan reitsje ik yn need.<\/p>\n

Al skonk ik earmen al myn jild
\nen joech myn lichem wei,
\nas ik de leafde net mear fiel,
\ndan stiet it libben faai.<\/p>\n

De leafde h\u00e2ldt de moed deryn
\nen leit de oergeunst \u00f4f,
\nis foar de pronk en grutskens blyn,
\nhat each foar treast en trou.<\/p>\n

De leafde kin de tsjinst\u00e2n oan,
\nis mei it leauwen ien,
\nse set de hope yn foar moarn,
\nferliest it fan gjinien.<\/p>\n

Oan profetearjen komt in ein,
\nde talen reitsje stom,
\nwant alles is dan alris sein,
\nmar leafde komt werom.<\/p>\n

No is de kennis \u00fbnfolslein,
\nwa wit wat barre sil?
\nDe folheid is oan \u00fas foarsein,
\nde wittenskip wurdt stil.<\/p>\n

Doe’t ik noch boarte as in bern,
\ntocht ik net oan wat wurdt,
\nmar no kin ‘k folle fierder sjen,
\nit bernlike is fuort.<\/p>\n

Dochs sjoch ik alles noch net klear,
\nmyn spegel is beslein,
\nmar ienris is gjin dize mear,
\ndan kenne wy folslein.<\/p>\n

De hoop is yn ferfolling gien
\ndat leauwen hat berikt
\ndat leafde stiet op n\u00fbmer ien,
\nfoar minsken sa beskikt.<\/p>\n

7. Seine
\n<\/strong>
\nWy ha Paulus hifke en konstatearre
\ndat er gjin misdracht wie,
\nmar in geniale Kristusdrager
\nde wr\u00e2ld troch.<\/p>\n

Lit \u00fas betinke dat wy yn \u00fas eigen situaasje
\nit boadskip fan \u00fas grutte broer Jezus ek
\nde wr\u00e2ld oer drage kinne
\ntroch hope, leauwe en leafde.<\/p>\n

Lit it sa w\u00eaze
\ndat de Hear foar dy is, datst it paad net bjuster rekkest,
\ndat de Hear achter dy is om dy te behoedzjen foar it kwea,
\ndat de Hear n\u00east dy is om in earm om dy hinne te slaan,
\ndat de Hear \u00fbnder dy is om dy te heinen ast \u00fbnder\u00fat giest,
\ndat de Hear yn dy is om dy te treasten ast fertriet hast,
\ndat de Hear om dy hinne is as oaren dy tenei komme,
\ndat de Hear boppe dy is om dy te seinigjen.
\nSa seiniget de Ivige hjoed, moarn en yn ivichheid.<\/p>\n

8. Slotliet
\n<\/strong>De frede fan de greiden<\/p>\n

\"Image\"<\/td>\n<\/tr>\n<\/tbody>\n<\/table>\n","protected":false},"excerpt":{"rendered":"

\u00a0Op 27 septimber 2009 yn Itens Rubens 1. Startliet Hear, wy leauwe 2. Fotum en groet, oanslutend Bemoediging Wy binne op dizze startsnein fan it nije seizoen by elkoar kommen om Paulus te hifkjen. De man r\u00fbn sels hifkjend troch de wr\u00e2ld, alderearst hifke er de folgelingen fan dy Jezus fan Nazaret en fan Jeruzalem, […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-8548","post","type-post","status-publish","format-standard","hentry","category-religy"],"_links":{"self":[{"href":"https:\/\/tjerkstra.com\/wordpress\/wp-json\/wp\/v2\/posts\/8548","targetHints":{"allow":["GET"]}}],"collection":[{"href":"https:\/\/tjerkstra.com\/wordpress\/wp-json\/wp\/v2\/posts"}],"about":[{"href":"https:\/\/tjerkstra.com\/wordpress\/wp-json\/wp\/v2\/types\/post"}],"author":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/users\/1"}],"replies":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/comments?post=8548"}],"version-history":[{"count":2,"href":"https:\/\/tjerkstra.com\/wordpress\/wp-json\/wp\/v2\/posts\/8548\/revisions"}],"predecessor-version":[{"id":8550,"href":"https:\/\/tjerkstra.com\/wordpress\/wp-json\/wp\/v2\/posts\/8548\/revisions\/8550"}],"wp:attachment":[{"href":"https:\/\/tjerkstra.com\/wordpress\/wp-json\/wp\/v2\/media?parent=8548"}],"wp:term":[{"taxonomy":"category","embeddable":true,"href":"https:\/\/tjerkstra.com\/wordpress\/wp-json\/wp\/v2\/categories?post=8548"},{"taxonomy":"post_tag","embeddable":true,"href":"https:\/\/tjerkstra.com\/wordpress\/wp-json\/wp\/v2\/tags?post=8548"}],"curies":[{"name":"wp","href":"https:\/\/api.w.org\/{rel}","templated":true}]}}