{"id":8442,"date":"2016-11-15T18:39:12","date_gmt":"2016-11-15T18:39:12","guid":{"rendered":"http:\/\/www.tjerkstra.com\/wordpress\/?p=8442"},"modified":"2016-11-15T18:44:48","modified_gmt":"2016-11-15T18:44:48","slug":"tsjinst-fan-en-nei-hus","status":"publish","type":"post","link":"https:\/\/tjerkstra.com\/wordpress\/religy\/tsjinst-fan-en-nei-hus\/","title":{"rendered":"Tsjinst ‘Fan en nei h\u00fbs’"},"content":{"rendered":"\n\n\n
<\/td>\n \"PDF\" <\/a><\/td>\n \"Print\" <\/a><\/td>\n \"E-mail\" <\/a><\/td>\n<\/tr>\n<\/tbody>\n<\/table>\n\n\n\n
Tsjinst op 9 novimber 2008 op De Jouwer<\/p>\n

\"Image\"<\/p>\n

1. Tarissing
\n<\/strong>
\nYn dizze tiid fan ferfrjemding,
\nfan oeral om \u00fas hinne krisisl\u00fbden
\nas ferkearden wy yn \u00fas eigen h\u00fbs
\nen wenplak yn ballingskip,
\nroppe wy de Heare oan
\ndy’t himel en ierde skepen hat,
\ndy’t trou is oan syn skepping
\nen dy’t stiet foar it wurk
\ndat Hy op Him nommen hat.
\nAmen<\/p>\n

2. Sjonge
\n<\/strong>Psalm 118: 1, 2 en 3<\/p>\n

3. Ynlieding op ‘e tsjinst
\n<\/em><\/strong>
\nKrisis? Wat krisis!
\nWy binne fan ‘e moarn fan h\u00fbs gien
\nen geane nei de tsjinst wer nei h\u00fbs.
\nIn libben yn frijheid mei it Wurd.
\nDe Joaden sizze dan mei de Toara.
\nWat in seine, gjin krisis dus,
\nwant Hy is trou oan syn skepping
\nen stiet foar it wurk
\ndat Hy op Him nommen hat.<\/p>\n

Mar dochs…
\nWy songen:
\nDoe’t heidenfolken my bedrigen
\nen my bekrongen ien en mien…
\n<\/em>Is it net krekt as binne wy yn Babel?<\/p>\n

Ik siet oan alle kant yn ’t lijen…
\n<\/em>Is it net as hearre wy Jona yn de djipte?<\/p>\n

Kom minsken, gean \u00fat Babel wei, nei h\u00fbs.
\nKom op, Jona, jou dy op ‘en paad nei Ninevee.<\/p>\n

Fan h\u00fbs en nei h\u00fbs,
\nd\u00ear giet de tsjinst oer.<\/p>\n

4. Sjonge
\n<\/em><\/strong>Psalm 118: 5<\/p>\n

\"Image\"
\nHebrieuske letters, makke troch mefrou Raadsveld<\/p>\n

5. Bea<\/em><\/strong><\/p>\n

Us Heit, dy’t stiet foar it wurk
\ndat Jo op Jo nommen ha.<\/p>\n

Wy witte dat in protte fan it wurk
\nop dizze ierde net liket op Jo wurk.
\nWylst it hjir faak giet om jild en macht,
\nhieltyd mear en grutter,
\nis it wurk fan jo hannen in skepping
\nd\u00ear’t frede, harmomy en leafde hearskje.<\/p>\n

Wylst hjir it wurd fan de sterkste
\nfoar master opslacht,
\nsprekt jo Wurd, Toara, fan it rjocht
\nfan widdo, wees en frjemdling.<\/p>\n

Wylst hjir de ynklauwers op ‘e beurzen
\nhar de kiel heas skreauwe om hurde faluta
\nen b\u00fbters\u00eafte oandielen,
\ns\u00fbzet de s\u00eafte koelte fan Jo troch de bl\u00eaden
\nfan it paradys.<\/p>\n

Us Heit, wy wolle wol witte
\ndat wy faak klam sitte
\ntusken jild en leafde,
\ntusken de sterkste en de swakste,
\ntusken beurs en paradys.<\/p>\n

Wy bidde mei ynmoed
\nfoar in wr\u00e2ld fan leafde,
\nd\u00ear’t de swakke ta syn rjocht komt,
\nwant sa ljochtet it paradys op.<\/p>\n

Wy bidde mei ynmoed
\nfoar dy’t yn Babel sitte,
\nde ballingskip fan sykte, rou en iensumens.
\nHear, dat se th\u00faskomme meie.<\/p>\n

Wy bidde mei ynmoed
\nfoar alle tsjintwurdige Jona’s,
\ndat sy \u00fat ‘e meunsterfisk komme
\nom op ‘en paad te gean, fier fan h\u00fbs,
\nnei de hjoeddeiske Ninevees.<\/p>\n

Want jo heil rint nei de \u00fateinen fan de wr\u00e2ld,
\nnei alle folken.
\nAmen<\/p>\n

\"Image\"<\/p>\n

6. L\u00eaze
\n<\/em><\/strong>Jesaja 48, 17-21<\/p>\n

7. Sjonge
\n<\/em><\/strong>Liet 224: 1, 2, 3, 4, 5 en 6<\/p>\n

8. L\u00eaze
\n<\/em><\/strong>Jona 1, 1-6<\/p>\n

9. Sjonge
\n<\/strong>Liet fan Jona: 1, 2 en 3
\nWize: Liet 445
\n<\/em><\/p>\n

Jona, f\u00fbgel fan de frede,
\ndo dy’t nei de fierte fljocht,
\nwie in man fan sljochte rede,
\nboppedat hie hy gjin nocht,
\nsocht de see om fier te farren,
\ndreamde wei op hege baren,
\nbylden fan wer foet oan l\u00e2n,
\nmar ferfoel yn seemansh\u00e2n.<\/p>\n

Jona, fisk yn ’t w\u00e2ljend wetter,
\nfoar it meunster inkeld proai,
\nwie doe wei en wist net better
\nof hy libbe b\u00fbten roai,
\nmar syn ropping om te fleanen
\nnei de st\u00ead fan al it skeane,
\nklonk wer, no oer ’t fiere str\u00e2n,
\nnet oer ’t wetter, mar oer ’t l\u00e2n.<\/p>\n

Jona, ropper yn de strjitten,
\nkearde om de kweade stream,
\nhat doe d\u00fbbelsinnich sitten
\n\u00fbnder w\u00fbnderfolle beam,
\nmar syn eigen keale siele
\nkoe net yn de freugde diele
\nfan it fleanend Ninevee,
\nfolk fan God fier fan de see.<\/p>\n

\"Image\"<\/p>\n

10. Ferkundiging 1
\n<\/strong>
\nNei h\u00fbs
\n<\/em>
\nHawwe jim jim wolris ballingen field? …
\nIt is makliker om antwurd te jaan op ‘e fraach fan in healjier – wa hat toarst? – as op dizze fraach.
\nFroulju dy’t it h\u00fbs \u00fbntflechtsje, om’t se mishannele wurde, kinne d\u00ear wol oer meiprate. Sy fiele it geweld op ‘e h\u00fbd en komme yn in frjemde omjouwing tel\u00e2ne. En dat is no krekt ballingskip: troch geweld ferfrjemdzje, de fertroude gr\u00fbn \u00fbnder de fuotten ferlieze, by de boarne weiskuord wurde (it libbene wetter: it fertroude wurd fan dyn neisten of it libbene wurd fan dyn leauwen).
\nMar betsjutte sykte, rou en iensumens soms ek net ballingskip? Troch it geweld fan pine fan lichem en geast ferfremdzje.
\nAs ik de fraach no wer stelle soe: hasto dy wolris balling field?<\/p>\n

De skiednis sit gr\u00f4tfol mei ballingen.
\nWat tinkt jim fan de miljoenen Joaden dy’t yn de Twadde Wr\u00e2ldoarloch mei geweld nei de konsintraasjekampen fierd binne. Troch geweld ferfrjemde…<\/p>\n

Wat tinkt jim fan de miljoenen negers dy’t \u00fbnder minsk\u00fbnweardige omstannichheden \u00fat Afrika fierd binne om har fierdere libben yn Amearika as slaaf te bodzjen. Troch geweld ferfrjemde…<\/p>\n

Wat tinkt jim fan de t\u00fbzenen Joaden dy’t yn 586 foar Kristus troch kening Nebukadnezar fan Babyloni\u00eb nei it easten fierd binne. Troch geweld ferfrjemde…
\nD\u00ear sieten se oan de streamen fan Babel, de Eufraat en de Tigris, itselde gebiet dat foar Adam en Eva it paradys west hie. Mar de ballingen hongen de liere oan de wylgen, want sy seagen it net mear sitten, de takomst wie tichtslein.
\nHiene se it troch hoe’t it kaam dat se by de boarne weiskuord wiene: it libbene wetter, it plak d\u00ear’t de Toara foarl\u00eazen en \u00fatlein wie, mar ek dien…? Of moast in profeet yn Babel opstean om har dat te fertellen?
\nJesaja, wy harkje: ‘Ik, de Heare dyn God, Ik lear dy wat ta dyn eigen b\u00east is en Ik stjoer dy de wei l\u00e2ns dyst te gean hast. Och hiest mar nei myn geboaden harke, dan wie it in stream fan heil foar dy wurden.’
\nDus dat wie it Jesaja, do profeet, waans namme betsjut: de Hear jout heil. It folk hat by de Toara, de stream mei libben wetter, l\u00e2ns libbe. Se ha der net fan dronken. Sa is it ferfrjemde fan it heil en doe’t it geweld fan Nebukadnezar der noch bykaam, ferfjemde it hielendal. It ferlear de fertroude gr\u00fbn \u00fbnder de fuotten.
\nMar wat seist noch mear, Jesaja? Meie se \u00fat ‘e ballingskip weibrekke, troch de woestyn weromgean nei h\u00fbs, nei Jeruzalem, it plak fan de Toara? En hoege se gjin toarst te hawwen, om’t it wetter \u00fat ‘e stienrots opw\u00e2let, lykas doe mei Mozes? En giet it libben troch yn harren bern, man- en froumachtich as de s\u00e2nkerrels? Yndie Jesaja, de Hear jout heil, dyn namme seit it al.<\/p>\n

As wy dan de skiednis fierder trochgean, foar\u00fat, dan witte wy ek dat de negerslaven yn 1863 harren frijheid weromkrigen ha. En dat Martin Luther King in dream hie foar alle negerbern. En dat de donkerh\u00fbdige Barack Obama presidint wurden is fan de Feriene Steaten fan Amearika.<\/p>\n

As wy dan \u00fatkomme by de Twadde Wr\u00e2ldoarloch, dan wurde wy stil, Jesaja, want w\u00ear wie it heil foar de seis miljoen dy’t yn de kampen omkommen binne? Hoefolle bern wiene d\u00ear wol net by? As de s\u00e2nkerrels… Wat seist, Jesaja? Dat it folk fan God nei de Twadde Wr\u00e2ldoarloch \u00fat alle hoeken fan de ierde weromkommen is nei Israel. Ut ‘e ballingskip werom nei h\u00fbs, nei de Toara, it libbene wetter. In tiid fan heil.<\/p>\n

En wat hast oer \u00fas te sizzen, Jesaja, wy dy’t soms ek ballingen binne? Dat sykte, rou en iensumens net it l\u00easte wurd ha, mar dat wy th\u00faskomme meie yn in libben d\u00ear’t wy wer heil yn sjogge, ek al wurde wy net wer better en bliuwt it gemis. Hoefolle minsken hawwe der wol net west, ek yn dizze gemeente, dy’t d\u00ear it ljochtsjende foarbyld fan wiene of noch binne. Miskien bisto der sels wol ien fan. In minske d\u00ear’t oaren har by th\u00fasfiele, omdatsto sels th\u00faskommen bist \u00fat dyn eigen ballingskip wei en libbest boppe dyn sykte en gemis \u00fat. In minske fan heil, in hiel minske.<\/p>\n

\"Image\"<\/p>\n

11. Sjonge
\n<\/strong>Liet ‘Nei en fan h\u00fbs’: 1
\nWize: Liet 330
\n<\/em><\/p>\n

De Hear r\u00f4p op syn feint Jesaja:
\n‘Rop op nei h\u00fbs wa’t balling is,
\nlit klinke oan de ierde-ein ta
\ndat ivich bliuwt myn leafde wis.’
\nLit \u00fas dan brekke \u00fat ‘e bannen
\nfan soarch om lijen en gemis,
\nde oerstek dwaan troch toarre lannen
\nnei h\u00fbs d\u00ear’t libben wetter is.<\/p>\n

12. Ferkundiging 2
\n<\/strong>
\n\u00a0Fan h\u00fbs
\n<\/em>
\nHawwe jim dat as bern ek wol h\u00e2n? Utfanh\u00fbs by pake en beppe of omke-en-dy en de j\u00fbns sa \u00fbnwennich as Jona yn Jafo? Fan h\u00fbs, mar dochs…
\nWat Jona oanbelanget, moatte wy noch fierder werom yn de tiid as doe’t kening Nebukadnezar it folk fan God yn ballingskip fierde. Net de Babyloni\u00ebrs wiene yn de achtste ieu foar Kristus, doe’t Jona libbe, de baas, mar de Assyri\u00ebrs. Har machtige haadst\u00ead hiet Ninevee. Yn de tiid raasde de ferkeardens fan de ynwenners oan de himel.
\nJona, waans namme do<\/em> betsjut, waard roppen om derhinne te fleanen: ‘Fan h\u00fbs, Jona, do man dy’t wit fan de Toara, want de Ivige is der net allinnich foar syn \u00fatkard folk, mar foar alle folken op ierde.’
\nJona’s hert slacht him yn de kiel. Moat er oer de fertroude grinzen fan syn h\u00fbs hinne, sels fan syn l\u00e2n? Hy wit noch fan gjin ballingskip, troch geweld ferfremdzje. Mar hy moat wol fan h\u00fbs. Oan geweld kin er net \u00fbntkomme, mar wol oan in rop, syn ropping, sa sjit it troch him hinne. D\u00earom giet er wol oer grinzen hinne, oer dy fan syn h\u00fbs, fan it heuvell\u00e2n oant er yn Jafo, de havenst\u00ead komt. Stel dy foar dat er yn in noch gruttere st\u00ead as Jafo it folk taroppe moat. In gefoel fan ferfrjemding bekr\u00fbpt de profeet… de \u00fbnwennige do yn Jafo fladdertet nei de haven. Mar dat is noch mar in swak gefoel fan ferfrjemding, want hy kin him noch r\u00eastich deljaan yn it rom fan it skip d\u00ear’t er as passazjier op boekt hat.
\nDan begjint it wetter te w\u00e2ljen, net it libbene wetter \u00fat ‘e rotsen dat de toarst ferslacht, mar it wetter as gaos, as teken fan de dea, slacht tsjin it skip, kriget Jona der\u00fbnder en sleept him nei de bek fan it \u00fbnderwettermeunster. En yn it djipste fan it djipste, yn de soere ballingskip fan de meunstermage, leit Jona alhiel ferfrjemde. It liket as binne nei Jona’s flecht oer see alle flechten annulearre, gjin flecht mear nei Ninevee en alhiel gjin th\u00fasflecht mear.
\nMar Jesaja hat wol in boadskip foar de do: ‘Ik lear dy wat ta dyn eigen b\u00east is en Ik stjoer dy de wei dyst te gean hast. Och hiest mar nei myn geboaden harke, dan hie it in stream fan heil foar dy wurden.’
\nHeil foar dy, Jona, as man fan de Toara, en heil foar Ninevee as st\u00ead fan de folken, om’t de ynwenners har omkearden en th\u00faskamen \u00fat har ferdoarne ballingskip wei.<\/p>\n

Wy geane fan de achtste ieu foar Kristus werom nei \u00fas eigen tiid en harkje op ‘e nij nei it Jonaferhaal:
\nDe Heare liet Jona, de soan fan alle wr\u00e2lddielen, dit wurd takomme: ‘Jou dy op ‘en paad, gean nei Wallstreet, dy grutte Mammonbeurs dy’t stiet foar alle kwea op ierde, en sis har oan dat de ferkeardens by harren sa heech opr\u00fbn is, dat Ik it net oer de holle sjen kin.’
\nEn Jona d\u00fbkte \u00fbnder yn de see fan minsken, it incognito, dat de Heare him mar net fine soe. Doe raasde oer alle wr\u00e2ldsee\u00ebn in stoarm as gefolch fan in djippe depressy, mar it skipsfolk hold oan board wat yn har eagen fan wearde wie mei it each op tiden fan in heger rendemint. En Jona hold him sliepende en wegere om de kening yn it Wite H\u00fbs en de \u00fbnderkeningen yn alle oare Blanke Huzen op ierde it Wurd fan de Heare oan te sizzen.\u00a0 \u00a0<\/em><\/p>\n

Hjir stiet er hjoed foar jim, ien fan de Jona’s fan 2008, dy’t him fersk\u00fble yn de see fan minsken. Hied er dan nei Wallstreet moatten? Wa wit, mar hy hat ek amper in oare aksje \u00fbndernommen. Gjin e-mail mei in protest nei it Wite H\u00fbs stjoerd, gjin petear oanfrege mei \u00fbnderkening Balkenende of gewoanwei in protestmars organisearre, earst fan h\u00fbs \u00f4f en oan de ein fan de dei wer op h\u00fbs oan. Want dat binne de beide r\u00fbtes dy’t wy yn \u00fas libben folgje moatte: fan en nei h\u00fbs ta.<\/p>\n

En ast siik, handicapt of \u00e2ld oan h\u00fbs b\u00fbn bist? Dan noch kinst mei dyn h\u00e2lding en wize wurden oaren sa ynspirearje dat sy dy de wr\u00e2ld oerbringe. Fleanend as in do fan h\u00fbs en weromkommend mei it wurd fan Jesaja: de Heare jout heil.
\nAmen<\/p>\n

\"Image\"<\/p>\n

13. Sjonge
\n<\/strong>Liet ‘Nei en fan h\u00fbs’: 2<\/p>\n

De Hear r\u00f4p op syn tsjinstfeint Jona:
\n‘Ferlit dyn h\u00fbs en gean op wei
\nnei Ninevee, nei ’t folk fan ’t kwea ta,
\ndat ljochtet wer in nije dei.’
\nLit \u00fas it eigen hiem ferlitte
\nen tsj\u00fbgje fan in oare wei,
\ndat neisten fan de r\u00fbte witte
\nnei fiersten foar de ommeswaai.<\/p>\n

14. Us Heit
\n<\/strong>
\nUs Heit yn ‘e himel,
\nlit jo namme hillige wurde,
\nlit jo keninkryk komme,
\nlit jo wil dien wurde
\nop ierde likegoed as yn de himel.
\nJou \u00fas hjoed \u00fas deistich brea
\nen ferjou \u00fas \u00fas skulden,
\nsa’t ek wy \u00fas skuldners ferj\u00fbn hawwe;
\nen lit \u00fas net yn fersiking komme,
\nmar ferlos \u00fas fan ‘e kweade.
\nWant fan jo is it keninkryk
\nen de kr\u00eaft
\nen de hearlikheid
\noant yn ivichheid.
\nAmen<\/p>\n

\"Image\"<\/p>\n

15. Sjonge
\n<\/strong>Ik fiel Jins wyn hjoed waaien, God: 1, 2 en 3<\/p>\n

Ik fiel Jins wyn hjoed waaien, God,
\nen heech set ik it seil.
\nTehaav’ne is ’t, mei skom bespat,
\nmar ‘k hoopje op Jins heil!
\nTe roere stiet Jins eigen Soan,
\nHy stjoert nei feil’ge ree.
\nIk doar mei Him de reis wol oan
\noer wylde, hege see!<\/p>\n

De triennen dy’t ik skrieme moast,
\nbinn’ droege fan Gods wyn;
\nik wit net mear hoe ‘k st\u00famje doarst
\noer muoiten lang ferlyn.
\nNo haw ik nije libbensmoed
\nen f\u00east is myn besl\u00fat:
\nik fiel Gods winen waaien hjoed
\nen syl de haven \u00fat.<\/p>\n

O, lit my nea ferjitte, Hear,
\nhoe’t my Jins leafde laat;
\nlit foar my stean hoe dearlik sear
\nJins holle kroane waard.
\nOan Jo betrou ik my alhiel
\nby ’t oangean fan de reis,
\nno’t ik Gods winen waaien fiel:
\nlied Jo my \u00fbnderweis!<\/p>\n

16. Seine
\n<\/strong>
\nWy sille no de haven \u00fat
\nmei yn de earen noch de wurden
\nfan de Toara – fan en nei h\u00fbs –
\nen mei de seine fan God de Heit,
\nde leafde fan Jezus, de Soan
\nen de ynspiraasje fan de Hillige Geast.<\/p>\n

17. Sjonge
\n<\/strong>Liet 456:3<\/p>\n

\"Image\"<\/p>\n

 <\/td>\n<\/tr>\n<\/tbody>\n<\/table>\n","protected":false},"excerpt":{"rendered":"

Tsjinst op 9 novimber 2008 op De Jouwer 1. Tarissing Yn dizze tiid fan ferfrjemding, fan oeral om \u00fas hinne krisisl\u00fbden as ferkearden wy yn \u00fas eigen h\u00fbs en wenplak yn ballingskip, roppe wy de Heare oan dy’t himel en ierde skepen hat, dy’t trou is oan syn skepping en dy’t stiet foar it wurk […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-8442","post","type-post","status-publish","format-standard","hentry","category-religy"],"_links":{"self":[{"href":"https:\/\/tjerkstra.com\/wordpress\/wp-json\/wp\/v2\/posts\/8442","targetHints":{"allow":["GET"]}}],"collection":[{"href":"https:\/\/tjerkstra.com\/wordpress\/wp-json\/wp\/v2\/posts"}],"about":[{"href":"https:\/\/tjerkstra.com\/wordpress\/wp-json\/wp\/v2\/types\/post"}],"author":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/users\/1"}],"replies":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/comments?post=8442"}],"version-history":[{"count":3,"href":"https:\/\/tjerkstra.com\/wordpress\/wp-json\/wp\/v2\/posts\/8442\/revisions"}],"predecessor-version":[{"id":8446,"href":"https:\/\/tjerkstra.com\/wordpress\/wp-json\/wp\/v2\/posts\/8442\/revisions\/8446"}],"wp:attachment":[{"href":"https:\/\/tjerkstra.com\/wordpress\/wp-json\/wp\/v2\/media?parent=8442"}],"wp:term":[{"taxonomy":"category","embeddable":true,"href":"https:\/\/tjerkstra.com\/wordpress\/wp-json\/wp\/v2\/categories?post=8442"},{"taxonomy":"post_tag","embeddable":true,"href":"https:\/\/tjerkstra.com\/wordpress\/wp-json\/wp\/v2\/tags?post=8442"}],"curies":[{"name":"wp","href":"https:\/\/api.w.org\/{rel}","templated":true}]}}