{"id":8395,"date":"2016-11-14T20:19:17","date_gmt":"2016-11-14T20:19:17","guid":{"rendered":"http:\/\/www.tjerkstra.com\/wordpress\/?p=8395"},"modified":"2016-11-26T19:37:04","modified_gmt":"2016-11-26T19:37:04","slug":"tsjinst-fan-geus-en-jezus","status":"publish","type":"post","link":"https:\/\/tjerkstra.com\/wordpress\/religy\/tsjinst-fan-geus-en-jezus\/","title":{"rendered":"Tsjinst fan Geus en Jezus"},"content":{"rendered":"\n\n\n
<\/td>\n \"PDF\" <\/a><\/td>\n \"Print\" <\/a><\/td>\n \"E-mail\" <\/a><\/td>\n<\/tr>\n<\/tbody>\n<\/table>\n\n\n\n
Tsjinst op 1 april 2007 yn Drylts<\/p>\n

\"Image\"<\/p>\n

1. Tarissing<\/strong><\/p>\n

Wy komme fan ‘e moarn by elkoar
\nyn dizze tsjinst fan Palmpeaske,
\ndy’t net allinnich giet oer de ezel
\nd\u00ear’t Jezus op ried,
\nmar ek oer leafde en ferlerne leafde.<\/p>\n

Us help is yn de namme fan de Hear
\ndy’t himel en ierde skepen hat,
\ndy’t trou is oan syn skepping
\nen dy’t stiet foar it wurk dat
\nHy op Him nommen hat.
\nAmen<\/p>\n

2. Sjonge
\n<\/strong>Psalm 118: 1 en 7<\/p>\n

3. Foar de bern
\n<\/strong>
\nIk (hert) fan …
\nWat is leafde?
\nIt mearke fan it fluitspyljende ezeltsje.<\/p>\n

4. Sjonge
\n<\/strong>Psalm 118: 9<\/p>\n

5. L\u00eaze
\n<\/strong>1 Korinti\u00ebrs 13, 1-3<\/p>\n

6. Sjonge
\n<\/strong>Liet fan de leafde: 1, 2 en 3
\nWize: Liet 446 \u00fat it Lieteboek foar de tsjerken<\/em><\/p>\n

Al spriek ik mei in ingelstim
\nen song ik himelsk heech,
\nas ik de leafde net fernim,
\ndan wurdt it libben dreech.<\/p>\n

Al wist ik alles fan de wr\u00e2ld
\nen tsj\u00fbge as profeet,
\nas ik net fan myn neiste h\u00e2ld,
\ndan reitsje ik yn need.<\/p>\n

Al skonk ik earmen al myn jild
\nen joech myn lichem wei,
\nas ik de leafde net mear fiel,
\ndan stiet it libben faai.<\/p>\n

\"Image\"<\/p>\n

7. Gebed
\n<\/strong>
\nHear, dy’t \u00fat leafde foar it libben
\nde wr\u00e2ld yn oansjen roppen hat:
\nit grien fan beammen en planten,
\nde b\u00fbnte kleuren fan de blommen,
\nde dieren yn har eigen stal en w\u00eazen
\nen as l\u00easte de minske dy’t skepen is
\nfoar de leafde.
\nWy tankje Jo foar dy grutte skat,
\nkostberder as wat ek op ierde.
\nTagelyk witte wy dat de leafde
\nek ferlern gean kin, as it libben
\noars rint as \u00fas ferwachting wie.
\nHear, wy bidde Jo, mei \u00fas leafde
\nsterker w\u00eaze as pine, sykte, fertriet,
\nsterker as alle leed dat \u00fas treffe kin.
\nMei de leafde it winne fan de haat
\nen it geweld dat d\u00ear\u00fat fuortkomt.
\nMei de leafde \u00fatgroeie boppe
\nit stribjen nei jild en matearje.
\nMei de leafde oer de grins
\nfan \u00fas libben hinne \u00fas selskip w\u00eaze,
\nwant dan is de dea oerw\u00fbn.
\nAmen<\/p>\n

8. L\u00eaze
\n<\/strong>1 Korinti\u00ebrs 13, 4-8<\/p>\n

9. Sjonge
\n<\/strong>Liet fan de leafde: 4, 5, en 6<\/p>\n

De leafde h\u00e2ldt de moed deryn
\nen leit de oergeunst \u00f4f,
\nis foar de pronk en grutskens blyn,
\nhat each foar treast en trou.<\/p>\n

De leafde kin de tsjinst\u00e2n oan,
\nis mei it leauwen ien,
\nse set de hope yn foar moarn,
\nferliest it fan gjinien.<\/p>\n

Oan profetearjen komt in ein,
\nde talen reitsje stom,
\nwant alles is dan alris sein,
\nmar leafde komt werom.<\/p>\n

10. L\u00eaze
\n<\/strong>Jehannes 12, 1-19<\/p>\n

\"Image\"<\/p>\n

11. Sjonge<\/strong>
\nLiet fan Betani\u00eb: 1, 2, 3, 4, 5, 6, 7, 8 en 9
\nWize: Liet 294 \u00fat it Lieteboek foar de tsjerken<\/em><\/p>\n

Betani\u00eb, it plak
\nfan libben \u00fat ‘e dea,
\nfoar elk in \u00fbnderdak,
\nin feestmiel nei de bea.<\/p>\n

D\u00ear’t Jezus f\u00fbn de r\u00east,
\nin dei midsmank de nacht,
\nin amerij h\u00e2ldf\u00east,
\nsjaloom, dan mannemacht.<\/p>\n

D\u00ear’t Lazarus ferstie
\nde rop dy’t libben jout,
\nsyn namme sprekt yndie:
\n‘God r\u00eadt’ klinkt sa fertroud.<\/p>\n

D\u00ear’t Marta tsjinjend gie
\nmei iten nei de gast,
\ndiaken dy’t sy wie,
\nsafolle yn de kost.<\/p>\n

Marije folge ’t hert,
\nmei ynmoed geat sy \u00fat,
\nsy joech om jild noch wet,
\nmar wol har leafdest\u00fat.<\/p>\n

Betani\u00eb, it plak
\nfan Judas syn besl\u00fat,
\nal wie it noch mar swak,
\n’t waard de ferriederst\u00fat.<\/p>\n

D\u00ear’t minsken streamden ta
\nom wat foar eagen wie
\nte sjen, net oars, mar sa:
\nhoe’t Lazarus d\u00ear stie.<\/p>\n

D\u00ear’t Farizee\u00ebrs’ haat
\nfertsjustere it gea,
\nin foar\u00fatrinnend skaad
\nop lijenswei nei dea.<\/p>\n

Betani\u00eb, ’t is wier,
\nsjaloom, Jeruzalem,
\nde ezel fredesdier,
\nhosanna klinkt foar Him.<\/p>\n

\"Image\"<\/p>\n

12. Ferkundiging<\/strong><\/p>\n

‘Op 1 april verloor Alva zijn bril’.
\n<\/em>Wa ken dit rymke net? En it ferhaal dat derachter sit? Wy skriuwe 1 april 1572, fjouwer jier nei it begjin fan de Tachtichjierrige Oarloch.
\nD\u00ear sylt de Geuzefloat de Maas op \u00fbnder befel fan admiraal Lumey. Jonker Treslong, dy’t ek oan board is, stelt foar om Den Briel foar de prins te feroverjen, mar Lumey is mei dat \u00fatstel net sa wiis. Der moat in sterk Spaansk garnizoen yn de st\u00ead w\u00eaze, dat folle k\u00e2ns meitsje se net. Mar sjoch, d\u00ear roeit fearman Koppelstok, dy wit mear fan de situaasje. In Spaansk garnizoen? Nee, dat is nei Utert setten, want d\u00ear is reboelje. Lumey hoecht net lang nei te tinken: Koppelstok moat nei Den Briel om oan te kundigjen dat de Geuzen de st\u00ead opeaskje foar de prins. It duorret Lumey fierstente lang dat der berjocht \u00fat ‘e st\u00ead komt. Mei in swiere m\u00east sette de Geuzen nei Den Briel ta en ramaaie d\u00ear de Noarderpoarte mei iepen. De boargers fan Den Briel flechtsje troch de Suderpoarte. De st\u00ead is foar de Geuzen en de prinseflagge komt op ‘e toer. No is it wachtsjen op ‘e Spanjaarden, dy’t op befel fan Alva manmachtich opsetten komme. De Geuzen dogge in \u00fatfal, mar stedstimmerman Meeuwis, dy’t op ‘e w\u00e2l stiet, sjocht dat it net goed komt. Hy pakt in bile, draaft nei it sl\u00faske en hakt in gat yn ien fan de sl\u00fbsdoarren. It wetter fan de Maas streamt yn de polder en de Spanjaarden flechtsje.
\nDen Briel is foar de prins en Alva hat op dy earste april syn bril ferlern.<\/p>\n

\"Image\"<\/p>\n

Dit is it Geuzeferhaal, d\u00ear’t wy as bern yn de skiednisles mei iepen m\u00fble en s\u00e2n pear earen nei sieten te harkjen. Mei in skipsm\u00east de poarte iepenramaaie, mei in bile in gat yn de sl\u00fbsdoar hakke. En dat allegearre troch de ferlerne leafde foar de Spaanske kening Filips II en \u00fat leafde foar Willem van Oranje. En lit \u00fas earlik w\u00eaze: hoe moast it oars… oars hiene wy no\u00a0 Spanjaarden west.<\/p>\n

Leafde en ferlerne leafde<\/em>
\nIt giet dus fan ‘e moarn oer leafde en ferlerne leafde. Wa ken de leafde net? Leafde foar dyn \u00e2lders, dyn bern en bernsbern. Mar boppe-al dyn grutte leafde, it famke of de jonge d\u00earst smoarfereale op waardst. Do sweefdest mei sprate wjukken op ‘e termyk fan de leafde boppe de wr\u00e2ld, dy’t op in altyd grien paradys like. Miskien is \u00fat dy ferealens dyn grutte leafde wol berne: de man of de frou d\u00earst mei troch it libben wjukkest. Nee, de termyk wie der net altyd, do rekkest miskien ek wolris yn in frije fal. Mar alle kearen fieldest de wjukken fan dyn partner wer, dy’t dy opheinden. Tusken heakjes: hjoed de dei is foar in protte minsken de frije fal definityf: de skieding.
\nEn de ferlerne leafde? As earst de suertsjeleafde en letter de ferkearing \u00fatrekke, dan like it as wie alles ferlern, it ferlerne paradys. Do wiest sa’t de D\u00fatsers sizze ‘zum Tode betr\u00fcbt’.
\nMar ferlerne leafde kin ek troch skieding. En troch de dea fan dyn man of frou? Miskien kinst dan better sizze dat de dea dy skieden hat fan dyn grutte leafde, mar dat de leafde sels nea ferlern giet.
\nFan leafde dy’t net ferlern giet, soest sizze kinne dat it sjen mei it hert is, oer de dea hinne. Ferlerne leafde is itselde as dyn bril ferlieze, it net mear sitten sjen.<\/p>\n

De spilers yn it leafdesdrama<\/em>
\nLit \u00fas no nei it leafdesdrama sjen dat him \u00f4fspile hat yn Betani\u00eb en Jeruzalem. It klinkt wat \u00fbnearbiedich, omdat wy by in drama tinke oan in toanielstik en dat wie it perfoarst net. Wy geane \u00fat fan de Grykske betsjutting fan drama: hanneling. En dat yn Betani\u00eb en Jeruzalem wat barde, ha wy yn Jehannes 12 l\u00eaze kinnen.
\nDe persoanen dy’t by it leafdesdrama belutsen binne, hjitte Jezus, de Minskesoan; Lazarus waans namme betsjut ‘God is myn r\u00eader’; Marta dy’t \u00fat leafde tsjinnet; Marije dy’t \u00fat leafde jout; Judas dy’t de leafde ferlern hat; it folk dat inkeld sjocht wat foar eagen is; de Farizee\u00ebrs dy’t behearske wurde troch haat.<\/p>\n

Jezus, de Minskesoan en haadpersoan
\n<\/em>Hoe is it, Jezus, om Minskesoan te w\u00eazen?
\nHoe soe Ik oars oan myn ropping be\u00e4ntwurdzje kinne? As soan fan minsken troch it libben gean, harren freugde en fertriet oanfiele, om te jaan w\u00ear’t se rjocht op hawwe: de leafde fan de Heit en de Soan.<\/p>\n

Hoe is dy leafde dan te rimen mei de dea?
\nGod de Heit is in God fan leafde, Hy wol it libben en net de dea. D\u00earom mocht Ik Lazarus \u00fat ‘e dea weromroppe as teken fan leafde en libben.<\/p>\n

En wy dan, minsken dy’t nei de dea ta libje?
\nIk neamde de opstanning fan Lazarus in teken fan leafde. Tochtst dan dat foar jim de leafde net sterker is as de dea? Jou jim libben en jim dea mar yn fertrouwen oer oan de Heit en de Minskesoan.<\/p>\n

Mar Jo witte wat Josels yn Jeruzalem te wachtsjen stiet. Hoe is jo leafde dan te rimen mei jo eigen dea?
\nSoe Ik foar de minsken in foarbyld w\u00eaze kinne, as Ik net solid\u00ear wie oant yn de dea?<\/p>\n

Hawwe jo freonen of it folk dat begrepen, d\u00ear yn Betani\u00eb en Jeruzalem?
\nAllinnich Marije, want se geat al har leafde oer My hinne en fielde oan dat Ik troch de dea hinne moast nei it libben. Sy hie dat ommers sels sjoen by har broer Lazarus.<\/p>\n

\"Image\"<\/p>\n

\u00a0Lazarus, God is myn r\u00eader
\n<\/em>Miskien dat wy dy fraach net stelle meie, Lazarus, mar hoe is it om dea te w\u00eazen?
\nHoe kin in deade witte hoe’t de dea is, as er net mear tinke kin?<\/p>\n

En doe’t Jezus dy \u00fat ‘e dea weir\u00f4p ta it libben, hoe wie dat?
\nHoe is it om nei in slimme sykte wer better te wurden?<\/p>\n

Bedoelst dat it fielt as krigest nije libbenskr\u00eaft?
\nJa, de kr\u00eaft fan de leafde, dy’t sterker is as de dea.<\/p>\n

Marta dy’t \u00fat leafde tsjinnet
\n<\/em>Do hiest it mar drok, Marta, mei dat feestmiel foar Jezus.
\nDieden geane boppe wurden \u00fat. Of is dat foar jim mennisten gjin libbensmotto mear?<\/p>\n

Marta freget \u00fas wat.
\n…<\/p>\n

Mar asto hieltyd fan de keuken nei de keamer moatst, mist in protte fan it petear, liket my ta.
\nBegrypst dan noch net wat ik niis sei? Boppedat is betsjinjen myn manier om blike te litten dat Jezus my net \u00fbnferskillich is.<\/p>\n

En dyn suster Marije?
\nFreegje dat harsels mar.<\/p>\n

Marije dy’t \u00fat leafde jout
\n<\/em>Marije, moatst dat no, dy djoere nardusoalje?
\nIk die it s\u00fbnder derby nei te tinken, it kaam samar by my op.<\/p>\n

It kaam rjocht \u00fat dyn hert wei, bedoelst?
\nIt is net neat, as dyn bloedeigen broer troch Jezus wer libben wurdt. Foar my is dat alles en dan joust dy folslein, mei h\u00fbd en hier. Dat sis ik no sa, mar op datselde stuit br\u00fbkst spontaan dyn hier as handoek. It sil wol te meitsjen ha mei rjocht \u00fat it hert wei. Ut leafde foar Him.<\/p>\n

Witst hoe’t it yn Jeruzalem \u00f4frint mei Jezus?
\n…<\/p>\n

Seit dyn swijen alles?
\n…<\/p>\n

Okee, Marije.<\/p>\n

Judas dy’t de leafde ferlern hat
\n<\/em>Judas, moast dat no, dyn reaksje op Marije?
\nHa ik \u00fbngelyk? Yn ien kear it hiele fleske djoere oalje \u00fatjitte, it hie ek mei de helte wol ta kinnen. Witst hoefolle earme minsken oft der yn \u00fas l\u00e2n binne? De kapitalisten slaan foar master op en barre hege bonussen en de minima moatte it belije. No, dan hiene wy dat jild fan dy oalje better oan de earmen jaan kinnen of net? Boppedat…<\/p>\n

Wy?
\nJa, joech Marije dat djoere geskink net oan Jezus? En omdat wy alles mienskiplik ha, hie it jild by my as skath\u00e2lder yn de ponge moatten… ik bedoel om it dan wer troch te jaan oan de earmen.<\/p>\n

Dyn kollega Jehannes is oars net sa oer dy te sprekken.
\nO nee?<\/p>\n

Do soest geregeld wat \u00fat ‘e kas nimme.
\nNo ha wy de hichte! Leit er my sa leech del? De flaaiker, dy’t oars net dien hat as Jezus op ‘e lije side komme!<\/p>\n

Bist teloarsteld, Judas?
\nDat kinst wol sizze, ja, as ien fan dyn maten dy foar fraudeur \u00fatmakket.<\/p>\n

Ik bedoel yn Jezus.
\n…<\/p>\n

W\u00earom seist neat?
\nTrije jier lang bist mei Him oplutsen, hast freugde en fertriet dield, yn de ferwachting dat troch in revol\u00fasje in nije maatskippij \u00fbntstean sil en dan sa!<\/p>\n

Hoe sa?
\nJild fergrieme, syn eigen libben fergrieme en dat fan my der noch by. Mar Hy sleept my net mei nei de \u00fbndergong!<\/p>\n

Wat bist dan fan doel?
\nIk knoopje my noch leaver op.<\/p>\n

\"Image\"<\/p>\n

It folk en de Farizee\u00ebn
\n<\/em>D\u00ear r\u00fbn Judas, hy sloech de wei yn nei Jeruzalem en kaam smiten minsken tsjin.<\/p>\n

W\u00ear geane jim hinne?
\nNei Betani\u00eb, der wurdt sein dat Jezus fan Nazaret in deade wer libben makke hat.<\/p>\n

Oan de kant fan de wei stie in ploechje Farizee\u00ebn, dy’t it skodholjend oanseagen.<\/p>\n

Geane jim dy kant net \u00fat, hearen?
\nFolksferlakkerij, d\u00ear is it mei sein. Mar leau mar dat it l\u00easte wurd noch komme moat.<\/p>\n

En wa hat it l\u00easte wurd?
\n…<\/p>\n

In diplomatyk swijen?
\n…<\/p>\n

Jezus, de Minskesoan op in ezel
\n<\/em>De oare deis ried de Minskesoan op in ezel nei de poarte fan Jeruzalem. Der hoegde gjin skipsm\u00east oan te pas te kommen, want de grutte doarren stiene al iepen. De boargers fan Jeruzalem flechten net, lykas it folk fan Den Briel, mar stiene oan de kant fan de wei, j\u00fbchheiden en swaaiden mei palmt\u00fbken.<\/p>\n

Noch ien fraach, Jezus, dit moat Jo dochs wol goed dwaan.
\nGoed is dat der in ezel troch de poarte rydt en gjin hynder, dat de Soan fan David net oan it haad fan in leger Jeruzalem binnenkomt, mar as Minskesoan fan de frede. Mar dy’t hosanna roppe, witte net wat wiere frede is.<\/p>\n

Rolferdieling
\n<\/em>Dit wie de ein fan it leafdesdrama, de tsjinjende leafde fan Marta en Marije en de ferlerne leafde fan Judas. Nei de hanneling yn Betani\u00eb komt de rolferdieling yn de Menniste Gemeente fan Drylts. Watfoar rol spilesto yn it libben?
\nMinskesoan of -dochter
\nDe man of frou fan ‘God r\u00eadt’
\nMarta dy’t \u00fat leafde tsjinnet
\nMarije dy’t \u00fat leafde jout
\nJudas dy’t de leafde ferlern hat
\nIen \u00fat it folk
\nIen fan de Farizee\u00ebn
\nWatfoar rol it ek is, w\u00eas derfan fersekere datst dyn libben en dyn dea oan God de Heit en de Minskesoan tafertrouwe meist. Want harren leafde is sterker as de dea.
\nAmen<\/p>\n

13. Oargelspul
\n<\/strong>
\n14. L\u00eaze
\n<\/strong>1 Korinti\u00ebrs 13: 9-13<\/p>\n

15. Sjonge
\n<\/strong>Liet fan de leafde: 7, 8, 9, 10<\/p>\n

No is de kennis \u00fbnfolslein,
\nwa wit wat barre sil?
\nDe folheid is oan \u00fas foarsein,
\nde wittenskip wurdt stil.<\/p>\n

Doe’t ik noch boarte as in bern,
\ntocht ik net oan wat wurdt,
\nmar no kin ‘k folle fierder sjen,
\nit bernlike is fuort.<\/p>\n

Dochs sjoch ik alles noch net klear,
\nmyn spegel is beslein,
\nmar ienris is gjin dize mear,
\ndan kenne wy folslein.<\/p>\n

De hoop is yn ferfolling gien
\ndat leauwen hat berikt
\ndat leafde stiet op n\u00fbmer ien,
\nfoar minsken sa beskikt.<\/p>\n

\"Image\"<\/p>\n

16. Us Heit
\n<\/strong>
\nUs Heit yn ‘e himel,
\nlit jo namme hillige wurde,
\nlit jo keninkryk komme,
\nlit jo wil dien wurde
\nop ierde likegoed as yn de himel.
\nJou \u00fas hjoed \u00fas deistich brea
\nen ferjou \u00fas \u00fas skulden,
\nsa’t ek wy \u00fas skuldners ferj\u00fbn hawwe;
\nen lit \u00fas net yn fersiking komme,
\nmar ferlos \u00fas fan ‘e kweade.
\nWant fan jo is it keninkryk
\nen de kr\u00eaft
\nen de hearlikheid
\noant yn ivichheid.
\nAmen<\/p>\n

17.\u00a0 Sjonge
\n<\/strong>Ik fiel Jins wyn hjoed waaien, God: 1, 2 en 3<\/p>\n

Ik fiel Jins wyn hjoed waaien, God,
\nen heech set ik it seil.
\nTehaav’ne is ’t, mei skom bespat,
\nmar ‘k hoopje op Jins heil!
\nTe roere stiet Jins eigen Soan,
\nHy stjoert nei feil’ge ree.
\nIk doar mei Him de reis wol oan
\noer wylde, hege see!<\/p>\n

De triennen dy’t ik skrieme moast,
\nbinn’ droege fan Gods wyn;
\nik wit net mear hoe ‘k st\u00famje doarst
\noer muoiten lang ferlyn.
\nNo haw ik nije libbensmoed
\nen f\u00east is myn besl\u00fat:
\nik fiel Gods winen waaien hjoed
\nen syl de haven \u00fat.<\/p>\n

O, lit my nea ferjitte, Hear,
\nhoe’t my Jins leafde laat;
\nlit foar my stean hoe dearlik sear
\nJins holle kroane waard.
\nOan Jo betrou ik my alhiel
\nby ’t oangean fan de reis,
\nno’t ik Gods winen waaien fiel:
\nlied Jo my \u00fbnderweis!<\/p>\n

18. Seine
\n<\/strong>
\nWy sile no wer nei \u00fas eigen haven
\nmei de wyn fan de Geast yn de seilen.<\/p>\n

Mei \u00fas farre de leafde fan God de Heit,
\nde sjaloom fan de Minskesoan
\nen de ynspiraasje fan de Geast.<\/p>\n

19. Sjonge<\/strong>
\nLiet 456: 3<\/p>\n

\"Image\"<\/p>\n

 <\/td>\n<\/tr>\n<\/tbody>\n<\/table>\n","protected":false},"excerpt":{"rendered":"

Tsjinst op 1 april 2007 yn Drylts 1. Tarissing Wy komme fan ‘e moarn by elkoar yn dizze tsjinst fan Palmpeaske, dy’t net allinnich giet oer de ezel d\u00ear’t Jezus op ried, mar ek oer leafde en ferlerne leafde. Us help is yn de namme fan de Hear dy’t himel en ierde skepen hat, dy’t […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-8395","post","type-post","status-publish","format-standard","hentry","category-religy"],"_links":{"self":[{"href":"https:\/\/tjerkstra.com\/wordpress\/wp-json\/wp\/v2\/posts\/8395","targetHints":{"allow":["GET"]}}],"collection":[{"href":"https:\/\/tjerkstra.com\/wordpress\/wp-json\/wp\/v2\/posts"}],"about":[{"href":"https:\/\/tjerkstra.com\/wordpress\/wp-json\/wp\/v2\/types\/post"}],"author":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/users\/1"}],"replies":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/comments?post=8395"}],"version-history":[{"count":4,"href":"https:\/\/tjerkstra.com\/wordpress\/wp-json\/wp\/v2\/posts\/8395\/revisions"}],"predecessor-version":[{"id":8946,"href":"https:\/\/tjerkstra.com\/wordpress\/wp-json\/wp\/v2\/posts\/8395\/revisions\/8946"}],"wp:attachment":[{"href":"https:\/\/tjerkstra.com\/wordpress\/wp-json\/wp\/v2\/media?parent=8395"}],"wp:term":[{"taxonomy":"category","embeddable":true,"href":"https:\/\/tjerkstra.com\/wordpress\/wp-json\/wp\/v2\/categories?post=8395"},{"taxonomy":"post_tag","embeddable":true,"href":"https:\/\/tjerkstra.com\/wordpress\/wp-json\/wp\/v2\/tags?post=8395"}],"curies":[{"name":"wp","href":"https:\/\/api.w.org\/{rel}","templated":true}]}}