{"id":12443,"date":"2018-11-04T14:57:22","date_gmt":"2018-11-04T14:57:22","guid":{"rendered":"http:\/\/www.tjerkstra.com\/wordpress\/?p=12443"},"modified":"2018-11-24T18:13:15","modified_gmt":"2018-11-24T18:13:15","slug":"tsjinst-fan-it-fisioen","status":"publish","type":"post","link":"https:\/\/tjerkstra.com\/wordpress\/religy\/tsjinst-fan-it-fisioen\/","title":{"rendered":"Tsjinst fan it fisioen"},"content":{"rendered":"

Op 4 novimber 2018 yn Hegebeintum<\/strong><\/p>\n

\"\"<\/a><\/p>\n

1. Tarissing
\n<\/strong>
\nWy binne fan \u2019e moarn by elkoar kommen
\nom troch it tredde each fan Jehannes
\nyn de himelske troanseal te sjen.<\/p>\n

Hy is de skriuwer fan Iepenbiering,
\nit l\u00easte boek yn de Bibel.<\/p>\n

Wy roppe oan it begjin
\nfan dizze fisioentsjinst
\nGod oan,
\ndy\u2019t oan it begjin fan it universum stie
\nen oan de ein der ek w\u00eaze sil,
\ntrou oan de belofte oan it minskdom:
\nIk bin dy\u2019t Ik bin en Ik sil der altyd w\u00eaze.
\nAmen<\/p>\n

2. Sjonge
\n<\/strong>Liet 280: 1, 2 en 3<\/p>\n

3. Bea
\n<\/strong>
\nGod \u00fas Hear,
\nJo stiene oan it begjin fan it universum
\nen ha oan Mozes jo namme bekend makke:
\nIk bin dy\u2019t Ik bin en sil der w\u00eaze.
\nGod wy tankje dat Jo dy namme oer \u00fas
\n\u00fatroppen ha, want dan hoege wy net allinnich
\ntroch it libben te gean.<\/p>\n

W\u00eas ek hjoed mei de Geast yn \u00fas fermidden,
\nsadat it oekumenyske wurkferb\u00e2n fan Hegebeintum
\nin iepen mienskip w\u00eaze mei,
\nd\u00ear\u2019t elkenien him wolkom fielt;
\nin iepen mienskip mei in iepen each foar it fisioen
\nfan Jehannes en in iepen ear foar it lofliet
\ndat Jo yn de himelske troanseal tasongen wurdt.
\nMeie wy d\u00ear no yn meistimme.
\nAmen<\/p>\n

\"\"<\/a>
\nJheronimus Bosch<\/p>\n

4. Sjonge
\n<\/strong>Liet 280: 4, 5 en 7<\/p>\n

5. Ynlieding<\/strong><\/p>\n

Minsken en de measte dieren hawwe twa eagen. D\u00ear kinne se de wr\u00e2ld om har hinne mei waarnimme. It is in grutte handicap om blyn te w\u00eazen of te reitsjen. Foar blinen is de wr\u00e2ld as de nacht wurden.
\nDer binne ek minsken dy\u2019t it ljocht \u00fat ien each kwytrekke binne. De wr\u00e2ld is dan noch wol ljocht, mar hat foar de ieneage de djipte ferlern.<\/p>\n

In bys\u00fbnder ferhaal is dat fan Marten Groenhof silger, boer en keunstskilder yn It Heidenskip. As skoaljonge moast er fan master mei in meske de punten op \u2019e potleaden slypje. Doe\u2019t it meske \u00fatskeat, trof it ien fan syn eagen en rekke hy d\u00ear blyn oan. Dochs koed er mei dat iene each noch goed tekenje en skilderje. It aparte wie dat er op syn skilderijen noch djipte oanbringe koe. Hied er yn syn inerlik de djipte fan de wr\u00e2ld om him hinne opslein? Troch in soarte fan inerlik each?<\/p>\n

\"\"<\/a><\/p>\n

Men soe sizze kinne dat wy allegearre in inerlik each ha, nammentlik as wy dreame. Guon dreamen steane \u00fas as in filmfragmint klear foar de geast. Elkenien hat wol fan dy, wat men neamt luside dreamen. Mar de measte dreamen binne sa flechtich dat wy se net neifertelle kinne.<\/p>\n

Behalve nachtdreamen binne der ek deidreamen. In foarbyld d\u00earfan komt \u00fat myn eigen \u00fbnderfining. Alle dagen rin ik oer de Grienedyk by de Snitser mar. Dy dyk leit boppe it feanl\u00e2nskip, mar is net sa heech as de terp fan Hegebeintum. Net dat ik d\u00ear tusken ierde en himel dreamend oer de Grienedyk \u00a0rin. Mar ik sjoch om my hinne en foar my \u00fat. Op in dei lei der in fearke, prachtich tekene, op it r\u00fbge asfalt. Doe hie \u2019k in deidream oer it ferskil tusken it wurk fan de Skepper en it wurk fan minskehannen.<\/p>\n

Asfaltfearke<\/p>\n

De holle heech, mar soms foardel,
\n\u2019t is net allinnich yn de loft te finen,
\n\u2019t langstme dat de himel iepenbrekt,
\njoech him s\u00fbnt de bernetiid al del.<\/p>\n

B\u00fbch d\u00earom faker nei de gr\u00fbn,
\nbytiden sil it ljocht op \u2019t fearke skine
\ndat in ingel fleanend falle liet,
\n\u2019t wurdt foaral troch berne-eagen f\u00fbn.<\/p>\n

Want grutten ha wat mear mei hurd:
\nit asfalt om mei faasje op te fleanen,
\nrubberbannen g\u00fbnzje \u2019t toanleas liet,
\nblaze \u2019t fearke op \u2019e luchtstream fuort.<\/p>\n

De ingel blaast it wer werom,
\ndat berne-eagen der oerhinne geane
\nen in finger oer de r\u00fbntsjes strykt…
\n\u2019t fearke b\u00fbcht foaroer, de r\u00each wurdt krom.<\/p>\n

\"\"<\/a><\/p>\n

Der binne ek minsken dy\u2019t in tredde each ha, net mei eachwyt en in pupil, mar figuerlik sprutsen. Dat figuerlike each sit boppe de noas, tusken de wynbrauwen wurdt der wol sein. De minsken mei sa\u2019n tredde each kinne bylden opheine dy\u2019t \u00fat \u2019e godlike sfear komme. Dy bylden wurde fisioenen neamd, boadskippen dy\u2019t by wize fan sprekken fan boppen nei \u00fbnderen komme.
\nIk ha in ikoan meinommen dat it delkommen fan in fisioen sjen lit:
\n– It godlike ljocht dat yn strielen nei \u00fbnderen komt.
\n– Dy strielen wurde opheind troch Jehannes.
\n– Dy jout yn wurden it fisioen troch oan syn skriuwend feintsje.<\/p>\n

Oer it fisioen fan de himelske troanseal sil Jehannes fan \u2019e moarn fertelle.
\n\u2018Wa\u2019t earen hat, lit him hearre wat de Geast tsjin de gemeente seit.\u2019
\nIt begjint mei in s\u00eaft s\u00fbzjen en oan de ein klinkt it lofliet.<\/p>\n

6. Sjonge
\n<\/strong>Liet 283: 1, 2, 3, 4 en 5<\/p>\n

7. L\u00eaze
\n<\/strong>Iepenbiering 4<\/p>\n

\"\"<\/a><\/p>\n

8. Sjonge
\n<\/strong>Liet 405: 1, 2, 3 en 4<\/p>\n

9. Ferkundiging 1
\n<\/strong>
\nSyn namme hat al klonken: Jehannes. Der binne safolle manlju dy\u2019t troch de tiid geane mei dy namme. Twa fan harren binne tiidgenoaten fan Kristus: Jehannes de Doper en Jehannes de dissipel, dy\u2019t by it nachtmiel n\u00east Jezus siet. It kin Jehannes de Doper net w\u00eaze dy\u2019t de fisioenen yn Iepenbiering foar eagen h\u00e2n hat, want hy wie yn opdracht fan Herodus \u00fbnthalze. It sil dy as preker en doper mar barre datst om dyn wurden de deastraf krigest!
\nJehannes de dissipel dan? Der binne teologen dy\u2019t him oanwize as de skriuwer fan it boek Iepenbiering. Mar yn de tiid dat hy as balling op it eil\u00e2n Patmos isolearre waard, wie hy gjin jongfint mear, sa\u2019t Leonardo da Vinci him n\u00east Jezus skildere hat. De dissipel Jehannes, letter apostel om it boadskip fan Kristus te ferkundigjen, moat op Patmos al njoggentich jier west ha… wat wol mooglik is fansels.
\nMar der binne ek teologen dy\u2019t in oare Jehannes op it each ha, dy\u2019t yn Jeruzalem kristen wurden is, flechtsje moast en as learaar yn Lyts-Azi\u00eb de nije lear ferkundige hat, foaral yn Efeze. Dizze Jehannes besk\u00f4ge as syn grutte foarbyld de dissipel fan Jezus en d\u00earom soed er it boek \u00fbndertekene ha mei de namme Jehannes.<\/p>\n

Yn alle gefallen hat er it yn Efeze ek net troffen. Net dat hy flechte is, mar de Romeinske pommeranten woene sa\u2019n rebel wol kwyt en dan wie der gjin gaadliker oplossing as isolearje op in eil\u00e2n, yn syn gefal Patmos.<\/p>\n

D\u00ear sit er dan, mei it \u00fatsicht oer de see, hy kriget sels de kust fan Lyts-Azi\u00eb yn it each. Wat woed er graach werom om de gemeente fan Efeze en fan oare st\u00eaden wer te bemoedigjen mei it boadskip fan Kristus. Mar hat hysels noch wol moed no\u2019t it godsryk mei \u2018frede op ierde\u2019, sa\u2019t de ingels boppe Betlehem songen ha, der altyd noch net is? Jezus hat sels sein dat syn dissipelen it noch belibje soene dat Hy as triomfator weromkomt. Mar de dissipelen libje net mear, der wurdt sein dat Petrus en Paulus sels de deastraf fan de Romeinen \u00fbndergean moasten.
\nDe Romeinen mei harren Pax Romanum, de Romeinske frede op ierde, it soe wat! Wa\u2019t de knibbels net foar de keizer b\u00fbge wol, wurdt oppakt en noch slimmer: yn de arena oan de liuwen fuorre. Is dat gerjochtichheid, Leave Hear? As de Heit yn de himel sa almachtich is, dan wurdt it no tiid om yn te gripen en syn Soan as triomfator \u00fat \u2019e himel wei op ierde delkomme te litten.
\nHjir sit ik dan, Almachtige, mei de holle yn de nekke en sjoch nei de wolken dy\u2019t foarbydriuwe en achter de kym weiwurde. Ik bin der klear foar!<\/p>\n

10.<\/strong> Sjonge
\n<\/strong>Liet fan de rampen: 1, 2 en 3
\nWize: Psalm 134
\n<\/em>
\nWannear, o Hear, is it safier?
\nWy sjogge \u00fat nei \u2019t Keninkryk.
\nW\u00ear fine wy in goed \u00fbntwyk?
\nHoe wurde bibelwurden wier?<\/p>\n

Wy sjogge rampen op it skerm:
\nde bergen spuie reek en fjoer,
\nde floeden weagje diken oer
\nen liken lizze yn de berm.<\/p>\n

Wit dat dit net it l\u00easte is,
\nmar rampen hawwe ek har tiid;
\nwa\u2019t folh\u00e2ldt yn de ierdske striid,
\nis fan it keninklike wis.<\/p>\n

11. Ferkundiging 2
\n<\/strong>
\nDoe\u2019t in tal jierren lyn Russyske astronauten fan in romtereis weromkamen, hiene se in triomfantlik boadskip. Net dat se Jezus yn de kosmos sjoen hiene, \u00fbnderweis nei de ierde as triomfator oer de ierdske machten. Nee, se fertelden dat se yn de kosmos gjin himel en gjin God sjoen hiene.
\nEarme kosmonauten, dy\u2019t allinnich tinke koene op syn ierdsk, yn trije diminsjes: lingte, breedte en hichte.
\nWittenskippers hawwe \u00fbndertusken \u00fbntdekt dat it universum wol tsien diminsjes hat. No wol ik net sizze dat de himel te finen is yn de tsiende diminsje. Wy moatte wittenskip en religy net trochinoar helje.
\nJehannes hoecht op Patmos net te tinken yn diminsjes. Hy wit al lang hoe lang en breed it eil\u00e2n is en hoe heech de wolken by de loft l\u00e2ns driuwe. Nee, Jehannes krijt op Patmos in tredde each, in figuerlik each om de himelske troanseal te sk\u00f4gjen. Earst sjocht er allinnich noch mar in iepen doar, want de himel komt net op ierde, hy moat sels yn beweging komme.
\nAs er troch de doar is, knypt er syn ierdske eagen stiif ticht fanwege it strieljende ljocht, allinnich it tredde each bliuwt iepen. Hy belibbet folle mear as de Russyske astronauten yn de kosmos, d\u00ear kinne de triljoenen triljende stjerren net tsjinop.
\n
\nDe troan<\/em>…<\/p>\n

\"\"<\/a><\/p>\n

Anneke Kaai (detail)<\/p>\n

… as teken dat der regeard wurdt, dat it minskdom net oerlevere is oan ierdske machten, net oan de Romeinske keizer, net oan Trump of Poetin.
\nDer sit Ien op de troan, de Iennige, dy\u2019t gjin foarm hat, mar strielet as ealstiennen mei boppe him de reinb\u00f4ge, teken fan de ferbining tusken himel en ierde: gjin \u00fbndergong fan de ierde, mar it opheffen nei in himelske hichte: de himel op ierde.
\n
\nFjouwerentweintoch troanen om de iene troan hinne…<\/em><\/p>\n

\"\"<\/a><\/p>\n

Anneke Kaai<\/p>\n

… \u00a0mei fjouwerentweintich \u00e2ldsten as teken fan de gemeente. Mar der is ek wer in ferbining mei de kosmos, want de wizen \u00fat it easten, dy\u2019t nachts de himel bestudearren, seagen 24 sterregoaden yn de diereriem. Wurde dy goaden by wize fan sprekken ynlive yn de himelske hofh\u00e2lding? It soe b\u00east kinne, want God is de Hear fan de hiele kosmos mei syn triljoenen stjerren.
\n
\nS\u00e2n l\u00f4gjende fakkels…
\n<\/em>… as teken fan de Geast fan God. It getal s\u00e2n stiet foar alles, it gehiel, himel en ierde, de kosmos. Al wer God as Hear fan de hiele kosmos, br\u00e2nend fan leafde.
\n
\nFjouwer libbene w\u00eazens mei seis wjukken en oeral eagen…<\/em><\/p>\n

\"\"<\/a>
\n… de liuw, it bollekeal, de minske en de earnf\u00fbgel. Al wer is der in ferbining mei de wizen \u00fat it easten, dy\u2019t no net de stjerregoaden op it each ha, mar fjouwer kosmyske kr\u00eaften, ferbylde as liuw, bollekeal, minske en earnf\u00fbgel. Elk fan dy kr\u00eaften sit op in hoeke fan de ierde: noard, s\u00fad, east, west. Ut dy hoeken wei wurdt de hiele ierde bestjoerd. De profeet Ezechi\u00ebl, dy\u2019t as balling yn Babel wenne hat, hat yn syn boek dy kr\u00eaften ek beskreaun. Fia Babel en Patmos binne de kosmyske kr\u00eaften opnommen yn de himelske hofh\u00e2lding. Al wer God as Hear fan de hiele kosmos, fereare troch de fjouwer kr\u00eaften, dy\u2019t ien en al each binne, dus op skerp steane. Want sy binne it dy\u2019t de himelske liturgy geande h\u00e2lde moatte. Harkje mar:
\n\u2018Hillich, hillich, hillich is God de Hear, de Almachtige,
\ndy\u2019t is en dy\u2019t wie en dy\u2019t komt.\u2019
\nDe fjouwertweintich \u00e2ldsten dogge mei, falle foar de troan del en roppe:
\n\u2018Jo komt it ta, \u00fas Hear en God,
\ndat Jo lof, eare en macht tabrocht wurdt,
\nwant Jo hawwe alles skepen,
\ntroch Jo is it skepen en ta w\u00eazen kommen.\u2019<\/p>\n

En Jehannes? Hy docht de eagen wer iepen op it eil\u00e2n Patmos, \u00fbnder in himel mei\u00a0 triljoenen stjerren, en heart yn it r\u00fbzjen fan de see de fjouwer kosmyske kr\u00eaften noch neisjongen.<\/p>\n

En Hegebeintum? No soe ien fan jim oereinkomme kinne om syn deidream fan it godsryk te fertellen.
\nOf soe der ien yn \u00fas fermidden w\u00eaze dy\u2019t wier in fisioen belibbe hat?
\nIt falt net ta om dat dan samar te fertellen.
\nD\u00earom hat Jehannes syn fisioenen opskreaun.<\/p>\n

Is der better plak yn Frysl\u00e2n as Hegebeintum?
\nOm op dizze hichte in fisioen te krijen?
\nAmen<\/p>\n

12. Oargel<\/strong><\/p>\n

13. Sjonge
\n<\/strong>Liet 726: 1, 3 en 6<\/p>\n

14. Us Heit
\n<\/strong>
\nUs Heit yn ‘e himel,
\nlit jo namme hillige wurde,
\nlit jo keninkryk komme,
\nlit jo wil dien wurde
\nop ierde likegoed as yn de himel.
\nJou \u00fas hjoed \u00fas deistich brea
\nen ferjou \u00fas \u00fas skulden,
\nsa’t ek wy \u00fas skuldners ferj\u00fbn hawwe;
\nen lit \u00fas net yn fersiking komme,
\nmar ferlos \u00fas fan ‘e kweade.
\nWant fan jo is it keninkryk
\nen de kr\u00eaft
\nen de hearlikheid
\noant yn ivichheid.
\nAmen<\/p>\n

15. Sjonge
\n<\/strong>Liet fan Micha
\nWize: In spylt\u00fach bin ik yn Gods h\u00e2n
\n<\/em>
\nJeruzalem, de st\u00ead fan rjocht
\nyn wurd, mar mear yn died,
\nik profetearje fan it ljocht
\nen wat de takomst biedt:
\nde flakte giet de hichte yn,
\nGods berch sjochst al fan fier,
\nde dowen sweve op \u2019e wyn,
\nde frede wurdt d\u00ear wier.<\/p>\n

Dus alle st\u00eaden op \u2019e wr\u00e2ld,
\nhear nei it Wurd fan God,
\nde hege berch wurdt ta syn troan,
\nder komt in kear yn \u2019t lot:
\nkom, gean mei \u00fas de hichte yn
\nen bliuw net \u00fbnder stean,
\nde dowen sweve op \u2019e wyn
\nmei fredesfreon de earn.<\/p>\n

Fan Sion gean de Wurden \u00fat
\nop Mozes\u2019 stiennen skreaun,
\nde frede ken gjin oarlochsb\u00fat,
\nde fij\u00e2n wurdt ta freon:
\nin ploech wurdt \u00fat \u2019e swurden smeid,
\nde sichte \u00fat \u2019e spear,
\ngjin mins dy\u2019t noch de deastek krijt,
\nder is gjin oarloch mear.<\/p>\n

Dus Ferwert, Hegebeintum, Stiens,
\nsjong mei it libbensliet:
\ngenietsje fan it deistich brea,
\nde wyn dy\u2019t freugde biedt,
\ndan giesto mei de hichte yn,
\nGods berch sjochst al fan fier,
\nde dowen sweve op \u2019e wyn,
\nde frede wurdt d\u00ear wier.<\/p>\n

16. Seine
\n<\/strong>Wy geane by de hichte fan de terp del
\nnei de flakte fan it deistige libben
\nmei de seine fan God de Heit,
\nde leafde fan Jezus de Soan
\nen de ynspiraasje fan de Geast<\/p>\n

17. Sjonge
\n<\/strong>Liet fan Hegebeintum
\nWize: Liet 280<\/em><\/p>\n

De hichte is in suver plak
\nsa\u2019t Hegebeintum leit,
\nhjir \u00fbnder \u2019t himelskblauwe dak,
\nwat alles steef\u00east seit.<\/p>\n

Lit al it folk hjirhinne gean,
\nde oekumene yn,
\ndan sil de hichte w\u00eaze \u2019t lean,
\nde geast waait as de wyn.<\/p>\n

As Hegebeintum wurdt it h\u00f4f
\nfan Eden, it model
\nfan sjongend folk de Hear ta lof,
\ndan komt de seine del.<\/p>\n

\"\"<\/a><\/p>\n

 <\/p>\n

 <\/p>\n

 <\/p>\n

 <\/p>\n","protected":false},"excerpt":{"rendered":"

Op 4 novimber 2018 yn Hegebeintum 1. Tarissing Wy binne fan \u2019e moarn by elkoar kommen om troch it tredde each fan Jehannes yn de himelske troanseal te sjen. Hy is de skriuwer fan Iepenbiering, it l\u00easte boek yn de Bibel. Wy roppe oan it begjin fan dizze fisioentsjinst God oan, dy\u2019t oan it begjin […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-12443","post","type-post","status-publish","format-standard","hentry","category-religy"],"_links":{"self":[{"href":"https:\/\/tjerkstra.com\/wordpress\/wp-json\/wp\/v2\/posts\/12443","targetHints":{"allow":["GET"]}}],"collection":[{"href":"https:\/\/tjerkstra.com\/wordpress\/wp-json\/wp\/v2\/posts"}],"about":[{"href":"https:\/\/tjerkstra.com\/wordpress\/wp-json\/wp\/v2\/types\/post"}],"author":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/users\/1"}],"replies":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/comments?post=12443"}],"version-history":[{"count":7,"href":"https:\/\/tjerkstra.com\/wordpress\/wp-json\/wp\/v2\/posts\/12443\/revisions"}],"predecessor-version":[{"id":12555,"href":"https:\/\/tjerkstra.com\/wordpress\/wp-json\/wp\/v2\/posts\/12443\/revisions\/12555"}],"wp:attachment":[{"href":"https:\/\/tjerkstra.com\/wordpress\/wp-json\/wp\/v2\/media?parent=12443"}],"wp:term":[{"taxonomy":"category","embeddable":true,"href":"https:\/\/tjerkstra.com\/wordpress\/wp-json\/wp\/v2\/categories?post=12443"},{"taxonomy":"post_tag","embeddable":true,"href":"https:\/\/tjerkstra.com\/wordpress\/wp-json\/wp\/v2\/tags?post=12443"}],"curies":[{"name":"wp","href":"https:\/\/api.w.org\/{rel}","templated":true}]}}