{"id":10582,"date":"2017-10-01T17:37:53","date_gmt":"2017-10-01T17:37:53","guid":{"rendered":"http:\/\/www.tjerkstra.com\/wordpress\/?p=10582"},"modified":"2017-10-01T17:37:53","modified_gmt":"2017-10-01T17:37:53","slug":"tsjinst-terreur-en-takomst","status":"publish","type":"post","link":"https:\/\/tjerkstra.com\/wordpress\/religy\/tsjinst-terreur-en-takomst\/","title":{"rendered":"Tsjinst ’terreur en takomst’"},"content":{"rendered":"

Op 1 oktober 2017 yn de Menniste gemeente fan de Jouwer
\n<\/strong>
\n1. Tarissing<\/strong><\/p>\n

\"\"<\/a><\/p>\n

Hjerst en maitiid,
\nSinne en wolken,
\nStoarm en blakstilte,
\nSneon en snein.
\nWy libje yn in wr\u00e2ld mei ferskillen
\nen dus yn in boeiende wr\u00e2ld,
\nmar hoe is dat mei de tsjinstelling
\nfan terreur en takomst?
\nDat is de fraach, wat is it antwurd?<\/p>\n

Us help op \u2019en paad nei it antwurd
\nkomt fan de Skepper fan himel en ierde,
\ndy\u2019t trou wie en is nei de takomst ta
\nen trou bliuwe sil oant yn ivichheid.
\nAmen<\/p>\n

2. Sjonge
\n<\/strong>Psalm 98: 1 en 2<\/p>\n

3. Bea
\n<\/strong>
\nHeare God, wy tankje Jo foar de skepping,
\ndat l\u00e2n en see faninoar skieden binne,
\ndat sinne en wolken inoar \u00f4fwikselje,
\ndat de kleuren fan de maitiid
\nhiel oars binne as dy fan de hjerst,
\ndat de beammen r\u00fbzje en de f\u00fbgels sjonge
\nen dat wy as minsken d\u00earfan genietsje meie.<\/p>\n

Mar wy hawwe noch amper in antwurd
\nop \u2019e fraach hoe\u2019t it komt mei it klimaat…
\nferjou, Hear, wat wy misdien ha
\nen bring \u00fas op \u2019en paad nei de oplossing.<\/p>\n

Wy binne ek ferlegen mei de fraach fan terreur en takomst…
\nferjou, Hear, as wy gjin daam opwurpen ha tsjin geweld
\nen bring \u00fas op \u2019en paad nei in takomst s\u00fbnder de terreur
\nfan macht, kapitaal en religieuze gekte.<\/p>\n

As it safier is dat it minsdom ta besinning kommen is,
\ndan sille rivieren yn de hannen klappe
\nen bergen it \u00fatsjonge foar Jo
\nen wy stimme d\u00earyn mei.
\nAmen<\/p>\n

4. Sjonge<\/strong>
\nPsalm 98: 3 en 4<\/p>\n

5. Ynlieding
\n<\/strong>
\nEin augustus wie yn it nijs dat in fjirtjinjierrich famke yn Almere troch har broer deasketten waard. As ik dat hear, giet de grize my oer de grouwe. Dat it libben fan in jongfaam ynienen \u00f4fsnien wurdt, d\u00ear wurdt in minske k\u00e2ld fan. In waarm, beweechlik lichem waard k\u00e2ld en soe nea wer oerein komme, ek net opstean \u00fat \u2019e dea. Is dat de terreur fan de moarddiedige dea?<\/p>\n

Terreur, terrorisme, it waret yn \u00fas tiid troch Europa hinne: Parys, Brussel, Londen, Barcelona. Yn dy l\u00easte st\u00ead wie ek in jonkje troch de moardwein oanriden. Dy moard waard daliks net bekend makke, om\u2019t de heit syn soantsje earst identifisearje moast. Wat is der troch him hinnegien doe\u2019t er syn dea soantsje seach? In jong libben, fol fan belofte, yn ien klap fan de takomst \u00f4fsnien.<\/p>\n

W\u00ear giet it fan \u2019e moarn hinne? Wy hawwe al yn twa plakken west: Almere en Barcelona. Dat is de aktualiteit, mar it is goed om ek werom te gean nei it ferline om te fernimmen dat nei terreur, nei de moarddiedige dea en nei de dea fan jonge minsken it libben wer opbloeit.<\/p>\n

Wy geane nei Babel om 600 foar Kristus hinne, d\u00ear\u2019t it folk fan Jeruzalem nei ferballe waard. Ien fan harren wie Dani\u00ebl, dy\u2019t yn it ballingsoard \u00fatgroeide ta in sterke persoonlikheid. D\u00eartroch brocht er it ta riejouwer fan ferskillende keningen en liet er sjen dat Israel in God hie dy\u2019t it folk takomst joech.<\/p>\n

\"\"<\/a><\/p>\n

Wy geane nei Jeruzalem, d\u00ear\u2019t yn de twadde ieu foar Kristus sprake wie fan steatsterreur, terreur troch de moarddiedige kening Antiochus IV Epifanes fan Syri\u00eb. Syn keninkryk kin men besk\u00f4gje as in heidenske foarrinder fan de Islamityske Steat.<\/p>\n

\"\"<\/a><\/p>\n

Wy reizgje fan \u2019e moarn ek nei Sarfat, in stedsje by Sidon yn Libanon. De profeet Elia flechte d\u00earhinne, om\u2019t syn libben gefaar r\u00fbn yn it l\u00e2n fan kening Achab en keninginne Izebel. Al wer steatsterreur? Elia waard asylsiker en f\u00fbn asyl yn it h\u00fbs fan in widdo en har soantsje, dat \u00fbnferwachts stoar.<\/p>\n

Wy komme werom yn it l\u00e2n fan belofte, yn it stedsje Na\u00efn, d\u00ear\u2019t Jezus mei syn folgelingen ek hinne reizge. Hoewol\u2019t it op it waarmst fan de dei wie, waard Er k\u00e2ld doe\u2019t Er fernaam wat d\u00ear te r\u00eaden wie.
\nWis, der wie wat te r\u00eaden.<\/p>\n

Oan de ein fan de reis oer Almere, Barcelona, Babel, Jeruzalem, Sarfat en Na\u00efn komme wy wer th\u00fas op De Jouwer, yn de Menniste gemeente.<\/p>\n

6. L\u00eaze
\n<\/strong>Dani\u00ebl 9, 14-19<\/p>\n

7. Sjonge
\n<\/strong>Liet 713: 1 en 2<\/p>\n

8. Ferkundiging 1
\n<\/strong>Dani\u00ebl en Antiochus Epifanes
\n<\/em>
\nWa ken Dani\u00ebl net, ien fan de belangrykste joadske ballingen yn Babel. Wa kin it ferhaal fan Dani\u00ebl yn de liuwek\u00fble net, de man dy\u2019t f\u00easthold oan it prinsipe fan \u2018Harkje Israel, de Heare is \u00fas God, de Heare allinne.\u2019 D\u00earom waard er foar de liuwen smiten, mar om syn belidenis fan \u2018De Heare is \u00fas God\u2019 diene de liuwen de bek net iepen om him te ferskuorren.<\/p>\n

\"\"<\/a><\/p>\n

Oars as oaren<\/em><\/p>\n

De iene kening folge op \u2019e oare,
\nDarius kaam oan de macht
\nen dielde \u2019t ryk sadanich yn
\ndat Dani\u00ebl gie \u2019t foar de wyn,
\nhy bleau himsels, wie net feroare.<\/p>\n

De oaren seagen doe mei skeane eagen
\nnei syn r\u00each, dy hold er rjocht;
\nhar eigen paden r\u00fbnen skean,
\nwant elk soe nei de kening gean:
\n\u2019t gebed wie oars net as in leagen.<\/p>\n

Se sloegen acht op Dani\u00ebl syn m\u00fble,
\ndy\u2019t itselde die as oars:
\ndeis trije kear betankje God
\nfoar \u2019t libben, dochs waard oars syn lot:
\nit delgean yn de liuwek\u00fble.<\/p>\n

Dani\u00ebl kaam, s\u00fbnder dat er in skram opr\u00fbn, wer \u00fat \u2019e k\u00fble wei. Mar hoe ferh\u00e2ldt syn rjochte r\u00each him mei de b\u00fbgde holle fan it gebed dat wy krekt \u00fat \u2019e Bibel l\u00eazen ha? D\u00ear kin mar ien antwurd op komme: Dani\u00ebl, de rjochtfeardige, komt mei b\u00fbgde holle plakferfangend op foar syn folk, sa\u2019t Abraham iuwen foar de tiid opkaam foar Sodom en Gomorra, it plak d\u00ear\u2019t syn neef Lot him nei wenje set hie: \u2018As der no fyftich rjochtfeardigen yn dy st\u00eaden wenje, rjochtfeardige God, sille Jo dan Sodom en Gomorra ferrinewearje?\u2019
\nDat wie Abraham en no Dani\u00ebl: \u2018Hear, h\u00e2ld Jo Jo no like rjochtfeardich, kear jo gleone grime fan jo st\u00ead Jeruzalem, jo hillige berch \u00f4f.\u2019<\/p>\n

9. Sjonge
\n<\/strong>Liet 713: 3 en 4<\/p>\n

10. Ferkundiging 2
\n<\/strong>
\nJeruzalem… yn de tiid fan Dani\u00ebl wie dy st\u00ead noch altyd in p\u00fanfal en de timpel wie der net mear.
\nNo bea Dani\u00ebl net allinnich foar Jeruzalem, hy krige ek fisioenen oer dy st\u00ead. Der soe in kening komme dy\u2019t yn in nije timpel in \u00f4fgodsbyld pleatse liet. Dy kening hiet Antiochus iV Epifanes fan Syri\u00eb, in terroristefoarst. Hy liet yn Gods timpel sels barge-offers bringe en \u00fbnthillige d\u00earmei de hillige berch.<\/p>\n

Brief fan Antiochus Epifanes
\n<\/em>
\nFoarst Antiochus Epifanes
\nliet in brief \u00fatgean nei elke st\u00ead,
\ndy\u2019t spriek fan syn totalit\u00eare macht:
\nde wyn der\u00fbnder,
\ndraaie as in bl\u00ead,
\ndus jou op kenings wurden acht:<\/p>\n

\"\"<\/a><\/p>\n

Ien foarst , ien folk, ien wet, ien god,
\nfoar allegear deselde seden,
\nde sabbat komt net mear oan bod,
\nin barge-offer foar de frede,
\n\u00fbnrein komt yn it plak fan rein,
\nde soannen wurde net besnien,
\ngod Zeus sil troanje yn de timpel,
\nmei jim eigen Heare God is \u2019t dien
\nen d\u00earmei is no alles sein,
\nsjed\u00ear it keninklike stimpel.<\/p>\n

Antiochus Epifanes\u2019 stjerb\u00ead<\/em><\/p>\n

\"\"<\/a><\/p>\n

Antiochus Epifanes
\nkriich wer sin oan Perzysk goud,
\nyn Elyma\u00efs wie de skat te finen,
\nmar hysels wie \u00fat it minne hout
\nen joech belies mei oeral pine.<\/p>\n

Antiochus Epifanes
\nkriich berjochten, like min
\nas \u2019t eigen aard, hy lei him op te winen
\noer wat west hie, want syn libbensrin
\nkoe net de ein mei deiljocht fine.<\/p>\n

Antiochus Epifanes
\nspriek op \u2019t stjerb\u00ead noch dit wurd:
\n\u2018It joadske goud ha \u2019k \u00fat \u2019e timpel stellen,
\ns\u00fbnder reden br\u00fbkte ik it swurd,
\ndat hjoed kin ik myn dagen telle.\u2019<\/p>\n

11. Sjonge
\n<\/strong>Liet 713: 5
\n
\n12. Ferkundiging 3<\/strong><\/p>\n

\"\"<\/a><\/p>\n

Wa ken Elia net, ien fan de belangrykste profeten fan Israel? Wa kin it ferhaal fan Elia by de beek Kerit (Krit) net, d\u00ear\u2019t er lykme allinnich sit mei de honger yn de hals. Nee, hy sit net tusken de liuwen, wol fleane boppe him swarte ravens, dy\u2019t him moarns en j\u00fbns brea en fleis bringe. En doe\u2019t de beek \u00fatdroege wie, sadat de profeet gjin drinken mear hie, krige er in seintsje \u00fat \u2019e himel dat er nei Sarfat reizgje moast, d\u00ear\u2019t in widdo foar him soargje soe. D\u00ear spriek Elia de himel oan mei \u2018God oer my\u2019. Hy bea dat de Geast fan God oer him komme mocht om it libben \u00fat \u2019e dea op te roppen.
\nLit \u00fas dat ferhaal sjonge.<\/p>\n

13. Sjonge
\n<\/strong>Liet fan trochgeand libben: 1, 2, 3, 4 en 5
\nWize: liet 489 \u00fat it \u00e2lde Lieteboek foar de tsjerken<\/p>\n

Elia giet nei Sarfat
\nfanwege honger yn it l\u00e2n,
\nhy hat gjin helper by de h\u00e2n
\nen wol net dat it sa moat,
\nwa\u2019t libbet, jout it troch.<\/p>\n

In widdo by de poarte
\nlit him net s\u00fbnder iten stean,
\nsil foar it alderl\u00easte gean,
\nmar sy wurdt sels net koarte,
\nwa\u2019t libbet, jout it troch.<\/p>\n

De goedens en it kweade
\nbehearskje \u2019t libben fan de frou,
\nnei freugde komt de djippe rou,
\nhar soantsje wurdt in deade,
\nwat jout it libben noch?<\/p>\n

Elia rint nei boppen
\nmei yn de earms it deade bern,
\ngiet no de hoop foargoed ferlern?
\nHy kin net oars as roppe:
\n\u2018God oer my, jou it troch!\u2019<\/p>\n

Hy jout syn eigen siken,
\nde hope flammet trije kear,
\nit is gen\u00f4ch, der komt in kear,
\nGod oer him sil net wike,
\nwa\u2019t libbet, jout it troch.<\/p>\n

\"\"<\/a><\/p>\n

14. L\u00eaze<\/strong>
\nLukas 7, 11-17
\n
\n15. Sjonge<\/strong>
\n
\n<\/strong>Liet fan jongeslibben: 1, 2, 3, 4, 5 en 6
\nWize: Lieteboek 283<\/p>\n

Yn de mannichte fan l\u00fbden,
\nyn de staasje fan de dea,
\nf\u00fbn gjin minske doe it goede,
\n\u00fbnderf\u00fbn elkien it kwea.<\/p>\n

Op \u2019e lykbier lei de jonge
\nfan de widdo, iennichst bern,
\n\u2019t jammerjen hie neat fan sjongen,
\n\u2019t lijen wie har oan te sjen.<\/p>\n

Tsjin de mannichte fan l\u00fbden
\nr\u00fbn de libbensstaasje yn,
\npratend earst, doe stil te moede,
\nwachtsjend op in oare wyn.<\/p>\n

L\u00fbden waaiden nei de fierte,
\nyn de stilte fan de dea
\nkoe men net fan libben witte,
\ngjin beweging fan de lea.<\/p>\n

Doe beweegde it fan binnen,
\noandien rekke Jezus\u2019 moed,
\n\u2019t libben moast it sprekkend winne,
\nsicht op moarn yn plak fan hjoed.<\/p>\n

Wurd fan libben liet de jonge
\nopstean \u00fat \u2019e neare dea,
\nbeide staasjes koene sjonge,
\nfreugde klonk oer hiel it gea.<\/p>\n

\"\"<\/a><\/p>\n

16. Ferkundiging 4
\n<\/strong>Elia, Jezus en de widdo\u2019s
\n<\/em>
\nIt kin net oars as de evangelist Lukas hat by it beskriuwen fan it w\u00fbnder fan Na\u00efn it ferhaal fan Elia yn Sarfat foar eagen h\u00e2n. Elia r\u00f4p de geast fan God oer him op: God oer my… om it jonkje wer fan de dea yn it libben te bringen. Jezus r\u00f4p: \u2018Jongfeint, Ik sis dy, kom oerein!\u2019 Syn Geast as Soan fan God kaam oer de jonge, sadat er wer libje koe.<\/p>\n

D\u00earfoar hat in drama yn Na\u00efn plakf\u00fbn. Yn itselde h\u00fbs libben in mem en in soan, omdat de man al ferstoarn wie. Djip tryst fansels, want de frou hie gjin man mear en de soan gjin heit. Mar der is noch takomst, want de jonge sil grut wurde is de ferwachting, hy hat noch takomst en mei him ek de mem, want de soan soe by wize fan sprekken foar it pensjoen fan syn mem soargje. Hy wie de gar\u00e2nsje foar har \u00e2lde dei.
\nDan waret foar de twadde kear de dea troch it h\u00fbs, want de soan stjert. In trijed\u00fbbel drama:
\n– De mem wurdt emoasjoneel swier troffen: djippe rou.
\n– De widdo ferliest har pensjoen, de gar\u00e2nsje foar de \u00e2lde dei: in sosjaal drama.
\n– En troch it stedsje Na\u00efn g\u00fbnzet it fan fan de beskuldiging dat de dea fan de soan de straf is foar de s\u00fbnde fan de mem: in religieus drama.<\/p>\n

Troch de hjitte fan de dei kin de mem net lang by har deade soan stilstean bliuwe. De roustaasje, de lewayah, komt yn beweging. It jammerjen fan de minsken klinkt boppe it r\u00fbzjen fan de beskuldiging fan s\u00fbnde \u00fat. Wat in lawaai jout dy lewayah.
\nDer komt noch in staasje oan, fan de oare kant. De ferwachting is dat dy staasje him oansl\u00fat by dy fan de rou, sadat it lawaai noch oanboazet. Mar sjed\u00ear, de man foarop bliuwt stean. De dragers fan de lykbier bliuwe ek stean. It jammerjen saksearret.
\nDe man docht in stap nei de mem en seit trije wurden, d\u00ear\u2019t tagelyk in djip begrutsjen en treast \u00fatsprekke: \u2018Skriem mar net.\u2019
\nDan komt syn h\u00e2n yn beweging, hy rekket de lykbier oan. It kin net s\u00fbnder beweging en s\u00fbnder wurden:\u00a0 \u2018Jonfeint, Ik sis dy, kom oerein!\u2019
\nWylst Elia trije kear yn beweging kaam, syn lichem b\u00fbgde oer it jonkje hinne, beweegde inkeld de h\u00e2n fan Jezus nei de lykbier om dy oan te reitsjen. De profeet fan God en de Soan fan God joegen beide wer takomst, sawol oan de soan as oan de widdo.<\/p>\n

\"\"<\/a><\/em><\/p>\n

Widdofrou en mem<\/p>\n

Twa kear wie ik hjoed yn triennen:
\nfan \u2019e moarn doe\u2019t hy gjin azem joech,
\nik wie yn djippe rou,
\nen doe\u2019t hysels syn lykbier droech,
\nhy r\u00fbn der samar hinne.<\/p>\n

Myn soan wie stoarn, ik stie allinne,
\nwant ik hie gjinien mear op \u2019e wr\u00e2ld,
\ndus bernleas widdofrou;
\n\u2019t wie waarm, mar oeral hie \u2019k it k\u00e2ld,
\nek \u00fbnder \u2019t rouwend rinnen.<\/p>\n

Ynienen stie ik stil, de staasje
\nwie teplak, sa wie myn tinken earst,
\nmar \u2019k waard wat frjemds gewaar:
\nin man spriek mei in oare geast
\nas kriich myn jonge graasje…<\/p>\n

… om troch te libjen, hiel bys\u00fbnder
\ndat er prate, opstie \u00fat \u2019e dea;
\nferbjustere, net naar
\nwie \u2019k mear, it gie troch geast en lea:
\nde Hear hie dien in w\u00fbnder.<\/p>\n

17. Oargel
\n<\/strong>
\n18. Ferkundiging 5
\n<\/strong>
\nWy binne werom op De Jouwer. Wa kin yn dit plak of de omkriten d\u00earfan it de widdofrou en mem neisizze: \u2018De Hear hat in w\u00fbnder dien?\u2019
\nBy myn witten is noch nea yn de skiednis fan dit plak, fan Frysl\u00e2n, fan Nederl\u00e2n, fan Europa in bern, jongfeint of jongfaam \u00fat \u2019e dea opstien. Hoe graach hie de heit, b\u00fbgd oer syn dea soantsje yn Barcelona, sjen wollen dat it jonkje wer ta libben roppen waard. Hoe faak sil op De Jouwer stil bidden w\u00eaze: \u2018Hear, jou asjeblyft \u00fas soan\/\u00fas dochter werom.\u2019
\nHoewol\u2019t de terreur fan de dea definityf liket te w\u00eazen, is yn in perioade fan rou treast as de fers\u00eaftsjende salve op de djippe w\u00fbne. En nettsjinsteande it litteken sichtber bliuwt en faak noch skrynt, wurdt de terreur fan de dea ferslein troch de wurden fan Elia: \u2018God oer my\u2019… en dy fan Jezus: \u2018Ik sis dy, kom oerein!\u2019
\nDer is wer takomst.
\nAmen<\/p>\n

19. Us Heit
\n<\/strong>
\nUs Heit yn ‘e himel,
\nlit jo namme hillige wurde,
\nlit jo keninkryk komme,
\nlit jo wil dien wurde
\nop ierde likegoed as yn de himel.
\nJou \u00fas hjoed \u00fas deistich brea
\nen ferjou \u00fas \u00fas skulden,
\nsa’t ek wy \u00fas skuldners ferj\u00fbn hawwe;
\nen lit \u00fas net yn fersiking komme,
\nmar ferlos \u00fas fan ‘e kweade.
\nWant fan jo is it keninkryk
\nen de kr\u00eaft
\nen de hearlikheid
\noant yn ivichheid.
\nAmen<\/p>\n

20. Sjonge
\n<\/strong>Liet 315: 1 en 3<\/p>\n

21. Seine
\n<\/strong>
\nWy geane wer op \u2019en paad nei h\u00fbs
\nom te genietsjen fan de ferskillen yn Gods skepping
\nen mei it each op \u2019e takomst\u00a0 d\u00ear\u2019t it libben yn opbloeie sil.<\/p>\n

Wy meie \u00fbnderweis meinimme
\nde seine fan God de Heit,
\nde leafde fan Jezus de Soan
\nen de ynspiraasje fan de Hillige Geast<\/p>\n

22. Sjonge<\/strong>
\nLiet 415: 3<\/p>\n

\"\"<\/a><\/p>\n

 <\/p>\n","protected":false},"excerpt":{"rendered":"

Op 1 oktober 2017 yn de Menniste gemeente fan de Jouwer 1. Tarissing Hjerst en maitiid, Sinne en wolken, Stoarm en blakstilte, Sneon en snein. Wy libje yn in wr\u00e2ld mei ferskillen en dus yn in boeiende wr\u00e2ld, mar hoe is dat mei de tsjinstelling fan terreur en takomst? Dat is de fraach, wat is […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-10582","post","type-post","status-publish","format-standard","hentry","category-religy"],"_links":{"self":[{"href":"https:\/\/tjerkstra.com\/wordpress\/wp-json\/wp\/v2\/posts\/10582","targetHints":{"allow":["GET"]}}],"collection":[{"href":"https:\/\/tjerkstra.com\/wordpress\/wp-json\/wp\/v2\/posts"}],"about":[{"href":"https:\/\/tjerkstra.com\/wordpress\/wp-json\/wp\/v2\/types\/post"}],"author":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/users\/1"}],"replies":[{"embeddable":true,"href":"https:\/\/tjerkstra.com\/wordpress\/wp-json\/wp\/v2\/comments?post=10582"}],"version-history":[{"count":4,"href":"https:\/\/tjerkstra.com\/wordpress\/wp-json\/wp\/v2\/posts\/10582\/revisions"}],"predecessor-version":[{"id":10597,"href":"https:\/\/tjerkstra.com\/wordpress\/wp-json\/wp\/v2\/posts\/10582\/revisions\/10597"}],"wp:attachment":[{"href":"https:\/\/tjerkstra.com\/wordpress\/wp-json\/wp\/v2\/media?parent=10582"}],"wp:term":[{"taxonomy":"category","embeddable":true,"href":"https:\/\/tjerkstra.com\/wordpress\/wp-json\/wp\/v2\/categories?post=10582"},{"taxonomy":"post_tag","embeddable":true,"href":"https:\/\/tjerkstra.com\/wordpress\/wp-json\/wp\/v2\/tags?post=10582"}],"curies":[{"name":"wp","href":"https:\/\/api.w.org\/{rel}","templated":true}]}}